ຊາວ ຊູດັງໃຕ້ ປະມານ 9,4 ລ້ານຄົນ ຕ້ອງການໄດ້ຮັບການຊ່ວຍເຫຼືອໃນປີ 2023
ວັນທີ 25 ພະຈິກ, ຫ້ອງການປະສານງານບັນດາບັນຫາມະນຸດສະທຳຂອງ ສປຊ (OCHA) ໃຫ້ຮູ້ວ່າ: ປະຊາຊົນຢູ່ ຊູດັງໃຕ້ ປະມານ 9,4 ລ້ານຄົນຕ້ອງການຄວາມຊ່ວຍເຫຼືອ ແລະປົກປ້ອງໃນປີ 2023, ເພີ່ມຂຶ້ນ 500.000 ຄົນເມື່ອທຽບໃສ່ການຄາດຄະເນກ່ອນໜ້ານັ້ນ.
ຕາມອົງການດັ່ງກ່າວແລ້ວ, ການປະທະກັນ, ໂລກລະບາດ, ສະພາບດິນຟ້າອາກາດຮ້າຍແຮງ, ຄື: ໄພນ້ຳຖ້ວມ ແລະໄພແຫ້ງແລ້ງ, ບັນດາສິ່ງທ້າທາຍດ້ານການແພດສາທາລະນະ ກໍ່ຄືການເຄື່ອນໄຫວແຊກແຊງພວມເຮັດໃຫ້ເງື່ອນໄຂການດຳລົງຊີວິດຂອງຫຼາຍຄົນຢູ່ ຊູດັງໃຕ້ ຖືກຊຸດໂຊມ. ສິ່ງດັ່ງກ່າວຮຽກຮ້ອງໃຫ້ລັດຖະບານ ຊູດັງໃຕ້ ຕ້ອງເອົາໃຈໃສ່ເພີ່ມທະວີການປ້ອງກັນຄວາມສະຫງົບ ແລະຍູ້ແຮງການລົງທຶນເຂົ້າບັນດາຂົງເຂດພັດທະນາເພື່ອແນໃສ່ຕອບສະໜອງຄວາມຕ້ອງການໂດຍພື້ນຖານຂອງປະຊາຊົນ.
ແຫຼ່ງຄັດຈາກ: vovworld.vn