ອີຢູ ສືບຕໍ່ຢຸດຕິຊົ່ວຄາວການນຳໃຊ້ບັນດາຂໍ້ກຳນົດກ່ຽວກັບງົບປະມານ ເພື່ອໜູນຊ່ວຍການຟື້ນຟູເສດຖະກິດ
ວັນທີ 2 ມິຖຸນາ, ຄະນະກຳມະການເອີຣົບ (EC) ໄດ້ແຈ້ງໃຫ້ຊາບວ່າ ຈະສືບຕໍ່ຢຸດຕິຊົ່ວຄາວການນຳໃຊ້ບັນດາຂໍ້ກຳນົດຈຳກັດການໃຊ້ຈ່າຍງົບປະມານຂອງສະຫະພາບເອີຣົບ (ອີຢູ) ໃນທັງປີ 2022 ເພື່ອໃຫ້ບັນດາປະເທດສະມາຊິກມີເວລາຜັນຂະຫຍາຍບ້ວງເງິນໜູນຊ່ວຍເສດຖະກິດຟື້ນຟູຫຼັງພະຍາດໂຄວິດ - 19 ຕື່ມອີກ.
ຕາມທ່ານຮອງປະທານຄະນະກຳມະການເອີຣົບ Valdis Dombrovskis ແລ້ວ, ວິວັດການຟື້ນຟູເສດຖະກິດຍັງບໍ່ທັນສະໝ່ຳສະເໝີກັນ ແລະຍັງມີຫຼາຍສິ່ງຫຼາຍຢ່າງທີ່ຂາດສະຖຽນລະພາບ. ເພາະສະນັ້ນ, ບັນດາປະເທດຍັງສືບຕໍ່ຕ້ອງການຮັກສານະໂຍບາຍໜູນຊ່ວຍເສດຖະກິດທັງຢູ່ໃນປີ 2021 ແລະ 2022. ຄະນະກຳມະການເອີຣົບ - ອົງການບໍລິຫານງານຂອງ ອີຢູ ໄດ້ຢຸດຕິຊົ່ວຄາວການນຳໃຊ້ບັນດາຂໍ້ກຳນົດຈຳກັດການໃຊ້ຈ່າຍສາທາລະນະສຳລັບລັດຖະບານບັນດາປະເທດສະມາຊິກໃນເດືອນ ມີນາ 2020 ໃນສະພາບການທີ່ພື້ນຖານເສດຖະກິດຂອງພາກພື້ນຕົກເຂົ້າສູ່ໄລຍະຊຸດໂຊມທີ່ສຸດນັບແຕ່ພາຍຫຼັງສົງຄາມໂລກຄັ້ງທີ 2, ໃນນັ້ນສາເຫດຕົ້ນຕໍແມ່ນຍ້ອນບັນດາມາດຕະການຈຳກັດການເຄື່ອນໄຫວ ເພື່ອສະກັດກັ້ນພະຍາດໂຄວິດ - 19 ແຜ່ລາມ.
ແຫຼ່ງຄັດຈາກ: vovworld.vn