ຜູ້ມີສິດເລືອກຕັ້ງ ຢູ່ສ.ອາເມລິກາ ໄປປ່ອນບັດກ່ອນກຳນົດ 40 ລ້ານກວ່າຄົນ
ຜູ້ມີສິດເລືືອກຕັ້ງ 40 ລ້ານກວ່າຄົນ ຢູ່ ສ.ອາເມລິກາ ໄດ້ໄປປ່ອນບັດກ່ອນກຳນົດເວລາ 47 ລັດ ຈາກຈຳນວນ 50 ລັດ ຢູ່ສ.ອາເມລິກາ ແລະຄາດວ່າອັດຕາການປ່ອນບັດໃນປີ 2020 ຈະສູງກວ່າເມື່ອທຽບໃສ່ 4 ປີກ່ອນນີ້.
ອີງຕາມຜົນສຳຫລວດເຈົ້າໜ້າທີ່ການເລືອກຕັ້ງໂດຍ CNN, Edison ແລະ Catalist ເປີດເຜີຍ ເມື່ອບໍ່ດົນມານີ້, ການປ່ອນບັດກ່ອນວັນເລືອກຕັ້ງໄດ້ເປີດກ້ວາງໃນປີນີ້ ຍ້ອນການແຜ່ລະບາດພະຍາດໂຄວິດ-19 ແລະນີ້ກໍ່ແມ່ນການເລືອກເຟັ້ນໂດຍ 60% ຈຳນວນຜູ້ມີສິດເລືອກຕັ້ງປາດຖະໜາ. ບາງລັດລວມມີນີວແຮມເຊີ (New Hampshere) ເປັນຄັ້ງທຳອິດທີ່ອະນຸຍາດໃຫ້ປະຊາຊົນປ່ອນບັດຜ່ານທາງໄປສະນີ.
ໃນຄະນະນັ້ນ, ຈຳນວນຜູ້ມີສິດເລືອກຕັ້ງໄປປ່ອນບັດໂດຍກົງກ່ອນວັນເລືອກຕັ້ງກໍ່ເພີ່ມຂຶ້ນຫລາຍພໍສົມຄວນ ແລະບາງລັດລວມມີລັດເທັກຊັດສ (Texas) ໄດ້ແກ່ຍາວເວລາການປ່ອນບັດ ກ່ອນກຳນົດອອກໄປຕື່ມອີກ 1 ອາທິດ. ໂດຍມີຄູ່ແຂ່ງລົງສະໝັກໃນການເລືອກຕັ້ງປະທານາທິບໍດີ ສ.ອາເມລິກາ ຄັ້ງນີ້ລະຫວ່າງທ່ານ ໂດນັນ ທຣຳ ຈາກພັກຣີພັບລິກັນ (Republican) ແລະທ່ານ ໂຈ ໄບເດນ ຈາກພັກເດໂມແຄຣດ (Democrats) ທີ່ພວມໂຕ້ວາທີກັນໃນຂະນະນີ້ຢ່າງດຸດເດືອດໃນຮອບສຸດທ້າຍແລ້ວ.
ເນື້ອໃນ: ຂປລ