ກົດໝາຍວ່າດ້ວຍການປ້ອງກັນຄວາມສະຫງົບແຫ່ງຊາດຢູ່ຮົ່ງກົງ (ຈີນ) ມີຜົນສັກສິດຢ່າງເປັນທາງການ
ວັນທີ 30 ມິຖຸນາ, ກົດໝາຍວ່າດ້ວຍການປ້ອງກັນຄວາມສະຫງົບແຫ່ງຊາດຢູ່ເຂດປົກຄອງພິເສດຮົ່ງກົງ (ຈີນ) ໄດ້ມີຜົນສັກສິດຢ່າງເປັນທາງການ, ຄໍາປະກາດທີ່ມີສ່ວນກ່ຽວຂ້ອງໄດ້ຮັບການລົງນາມໂດຍທ່ານນາງ ຫຼິ໊ນເຈິງເວເອື໊ອ ຫົວໜ້າເຂດປົກຄອງພິເສດ ຮົ່ງກົງ, ພ້ອມທັງໄດ້ເອົາລົງໃນໜັງສືພິມຂອງລັດຖະບານໃນຕອນຄໍ່າຂອງວັນດຽວກັນ.
ກົດໝາຍວ່າດ້ວຍການປ້ອງກັນຄວາມສະຫງົບແຫ່ງຊາດຢູ່ຮົ່ງກົງ ລວມມີທັງໝົດ 66 ມາດຕາ ແລະແບ່ງເປັນ 6 ພາກ, ລວມມີເນື້ອໃນ: ບັນດາຫຼັກການລວມ, ພາລະໜ້າທີ່ ແລະໂຄງປະກອບການປ້ອງກັນຄວາມສະຫງົບແຫ່ງຊາດຂອງເຂດປົກຄອງພິເສດຮົ່ງກົງ, ການກະທໍາຜິດ ແລະການປັບໄໝລົງໂທດ, ສິດອໍານາດພິພາກສາຄະດີ, ລໍາດັບນໍາໃຊ້ກົດໝາຍ, ໂຄງປະກອບການປ້ອງກັນຄວາມສະຫງົບແຫ່ງຊາດຂອງສູນກາງ ຊຶ່່ງປະຈໍາການຢູ່ເຂດປົກຄອງພິເສດຮົ່ງກົງ ແລະບັນດາມາດຕາເພີ່ມເຕີມ.
ກ່ອນໜ້ານັ້ນ, ວັນທີ 30 ມິຖຸນາ, ຄະນະປະຈໍາສະພາຜູ້ແທນປະຊາຊົນແຫ່ງຊາດຈີນ ຊຸດທີ 13 ໄດ້ອັດກອງປະຊຸມສະໄໝສາມັນເທື່ອທີ 20 ເຊິ່ງໄດ້ຮັບຮອງເອົາກົດໝາຍວ່າດ້ວຍການປ້ອງກັນຄວາມສະຫງົບແຫ່ງຊາດຢູ່ເຂດປົກຄອງພິເສດຮົ່ງກົງ.
ແຫຼ່ງຄັດຈາກ: vovworld.vn