ໃນສະພາບຄວາມເຄັ່ງຕຶງລະຫວ່າງ ອິດສະຣາແອັນ - ອີຣານ ເພີ່ມຂຶ້ນໃນຮຸ່ງເຊົ້າວັນທີ 13 ມິຖຸນາ, ຫຼາຍປະເທດໄດ້ອອກສຽງສະແດງຄວາມວິຕົກກັງວົນ, ພ້ອມກັນນັ້ນ, ກໍ່ຮຽກຮ້ອງໃຫ້ບັນດາຝ່າຍຈົ່ງລະງັບໃຈ, ຫຼີກລ້ຽງສະພາບຄວາມເຄັ່ງຕຶງເພີ່ມຂຶ້ນຢ່າງຮ້າຍແຮງຢູ່ເຂດຕາເວັນອອກກາງ, ນາບຂູ່ເຖິງຄວາມສະຖຽນລະພາບ, ພ້ອມກັນນັ້ນກໍ່ຮຽກຮ້ອງໃຫ້ບັນດາຝ່າຍສືບຕໍ່ເດີນຕາມມາດຕະການແກ້ໄຂທາງການທູດ.

ບັນດາປະເທດຢູ່ພາກພື້ນ, ຄື: ຊະອຸດີ ອາຣາເບຍ, ກາຕາ ແລະບັນດາປະເທດ ສະຫະລັດອາຣັບ ເອມມີເລດ (UAE) ລ້ວນແຕ່ເນັ້ນໜັກເຖິງຄວາມສຳຄັນຂອງການຮັກສາຄວາມໝັ້ນຄົງ ແລະສະຖຽນລະພາບຢູ່ພາກພື້ນ. ໃນຂະນະນັ້ນ, ຕວັກກີ ຮຽກຮ້ອງໃຫ້ຢຸດຕິບັນດາການກະທຳທີ່ມີຄວາມສ່ຽງເຮັດໃຫ້ການປະທະກັນລະເບີດຂຶ້ນຢູ່ພາກພື້ນ, ແກ້ໄຂບັນດາບັນຫາຜ່ານທາງການທູດ.

ໃນວັນດຽວກັນ, ທ່ານ Mark Rutte, ເລຂາທິການໃຫຍ່ NATO ໄດ້ເນັ້ນໜັກເຖິງຄວາມສຳຄັນຂອງເລື່ອງ ບັນດາປະເທດສຳພັນທະມິດ NATO, ໃນນັ້ນມີ ອາເມລິກາ, ມານະພະຍາຍາມຫຼຸດຜ່ອນຄວາມເຄັ່ງຕຶງຢູ່ພາກພື້ນຕາເວັນອອກກາງ. 

ແຫຼ່ງຄັດຈາກ: vovworld.vn