ກ່າວຄຳເຫັນທີ່ການຖະແຫຼງຂ່າວຢູ່ນະຄອນຫຼວງ Montevideo ຂອງ Uruguay, ທ່ານນາງປະທານຄະນະກຳມະການເອີລົບ (EC) Ursula von der Leyen ຖະແຫຼງວ່າ: FTA ລະຫວ່າງ ອີຢູ ແລະ Mercosur ແມ່ນຂໍ້ຕົກລົງ “ຕ່າງຝ່າຍຕ່າງມີຜົນປະໂຫຍດ”. ຕາມເຈົ້າໜ້າທີ່ທ່ານນີ້ແລ້ວ, ບັນດາວິສາຫະກິດຂອງທັງສອງຝ່າຍຈະໄດ້ຊົມໃຊ້ບັນດາມາດຕະການຫັນລະບຽບການພາສີເປັນງ່າຍດາຍ ແລະໄດ້ເຂົ້າເຖິງການໃຫ້ບຸລິມະສິດສຳລັບບາງວັດຖຸດິບທີ່ສຳຄັນ.
Mercosur ໄດ້ຮັບການສ້າງຕັ້ງຢ່າງເປັນທາງການໃນປີ 1991 ລວມມີບັນດາປະເທດສະມາຊິກ Argentina, Brazil, Uruguay Paraguay. ປະຈຸບັນກຸ່ມນີ້ມີປະຊາກອນກວ່າ 275 ລ້ານຄົນ ແລະກວມເອົາ GDP ກວ່າ 82% ຂອງທະວີບ ອາເມລິກາໃຕ້. ຂໍ້ຕົກລົງ ອີຢູ-Mercosur ໄດ້ຕັ້ງຄວາມຫວັງວ່າ ຈະສ້າງສະພາບແວດລ້ອມສະດວກໃຫ້ແກ່ບັນດາວິສາຫະກິດ ແລະການຄ້າສາກົນ, ແຕ່ຍັງຄົງຕ້ອງການໃຫ້ອະນຸມັດຈາກບັນດາປະເທດສະມາຊິກອີຢູ.
ແຫຼ່ງຄັດຈາກ: vovworld.vn
Type the code from the image