ການເລືອກຕັ້ງຢູ່ ອາເມລິກາ ປີ 2024: ຜູ້ມີສິດເລືອກຕັ້ງຢູ່ນະຄອນຫຼວງ Washington D.C ໄດ້ເລີ່ມຕົ້ນການໄປປ່ອນບັດເລືອກຕັ້ງກ່ອນກຳນົດ
ຕອນເຊົ້າວັນທີ 28 ຕຸລາ, ຕາມເວລາທ້ອງຖິ່ນ, ບັນດາຜູ້ມີສິດເລືອກຕັ້ງຢູ່ນະຄອນຫຼວງ Washington D.C ໄດ້ເລີ່ມຕົ້ນການໄປປ່ອນບັດກ່ອນກຳນົດຕາມຮູບການ ເຊິ່ງໜ້າໃນການເລືອກຕັ້ງປະທານາທິບໍດີ ແລະສະພາແຫ່ງຊາດອາເມລິກາ ປີ 2024 ກ່ອນທີ່ຜູ້ມີສິດເລືອກຕັ້ງໄປປ່ອນບັດໃນວັນເລືອກຕັ້ງຢ່າງເປັນທາງການແມ່ນວັນທີ 5 ພະຈິກ ຈະມາເຖິງ.
    |
 |
|
ທ່ານອະດີດປະທານາທິບໍດີ ອາເມລິກາ Donald Trump (ເບື້ອງຊ້າຍ) ແລະທ່ານນາງຮອງປະທານາທິບໍດີ Kamala Harris. ພາບ: ສໍານັກຂ່າວສານຫວຽດນາມ |
25 ຈຸດປ່ອນບັດຢູ່ນະຄອນຫຼວງ ໄດ້ເປີດປະຕູໃນເວລາດຽວກັນ ເພື່ອຕ້ອນຮັບຜູ້ມີສິດເລືອກຕັ້ງມາປ່ອນບັດເລືອກຕັ້ງທີ່ຈັດຂຶ້ນແຕ່ເວລາ 8 ໂມງ 30 ນາທີ ຮອດ19 ໂມງ ທຸກວັນ ແລະແກ່ຍາວແຕ່ວັນທີ 28 ຕຸລາ ຮອດວັນທີ 3 ພະຈິກ. ກ່ອນໜ້ານັ້ນບັນດາຜູ້ມີສິດເລືອກຕັ້ງຂອງ Washington D.C ໄດ້ດຳເນີນການປ່ອນບັດກ່ອນກຳນົດຜ່ານທາງໄປສະນີ ຫຼື ປ່ອນບັດໂດຍກົງ. ໄລ່ຮອດວັນທີ 27 ຕຸລາ, ໄດ້ມີບັດເລືອກຕັ້ງເກືອບ 86.500 ບັດໄດ້ປ່ອນບັດກ່ອນກຳນົດຕາມບັນດາຮູບການນີ້.
ຕາມການສະຖິຕິຫຼ້າສຸດຂອງ Election Lab, ຂຶ້ນກັບມະຫາວິທະຍາໄລ Florida, ໄລ່ຮອດເວລາ 13 ໂມງຂອງວັນທີ 28 ຕຸລາ, ທົ່ວປະເທດອາເມລິກາ ໄດ້ມີບັດເລືອກຕັ້ງເກືອບ 43,8 ລ້ານບັດທີ່ໄດ້ປ່ອນບັດກ່ອນກຳນົດ, ໃນຂະນະນັ້ນມີກວ່າ 21,5 ລ້ານບັດແມ່ນປ່ອນບັດທາງໄປສະນີ.
ແຫຼ່ງຄັດຈາກ: vovworld.vn