ວັນທີ 24 ຕຸລາ, ກ່າວຄຳເຫັນທີ່ກອງປະຊຸມກ່ຽວກັບລີບັງ, ທ່ານປະທານາທິບໍດີ ຝລັ່ງ Emmanuel Macron ໄດ້ເນັ້ນໜັກວ່າ ການປະທະກັນລະຫວ່າງອິດສະລາແອັນ ແລະກຳລັງ Hezbollah ໄດ້ເຮັດໃຫ້ປະຊາຊົນກວ່າ 1 ລ້ານຄົນຕ້ອງປະລະເຮືອນຊານຍົກຍ້າຍອອກຈາກອິດສະລາແອັນ ແລະລີບັງ, ມີຜູ້ເສຍຊີວິດກວ່າ 2.500 ຄົນ ແລະເຮັດໃຫ້ວິກິດການດ້ານເສດຖະກິດຮ້າຍແຮງຂຶ້ນຕື່ມ. ເຂົ້າຮ່ວມກອງປະຊຸມ, ທ່ານນາຍົກລັດຖະມົນຕີລີບັງ Najib Mikati ໄດ້ຮຽກຮ້ອງປະຊາຄົມສາກົນຕ້ອງມີການກະທຳເພື່ອສະກັດກັ້ນບັນດາການເຄື່ອນໄຫວທາງການທະຫານເຮັດໃຫ້ປະຊາຊົນຂອງປະເທດນີ້ຫຼາຍຄົນເສຍຊີວິດ ແລະຖືກບາດເຈັບ.
ພາຍຫຼັງການດຳເນີນ 1, ກອງປະຊຸມໄດ້ລະດົມ 1 ຕື້ໂດລາສະຫະລັດ ໃຫ້ຄຳໝັ້ນສັນຍາອຸປະຖຳດ້ານມະນຸດສະທຳ ແລະໜູນຊ່ວຍການທະຫານເພື່ອຊ່ວຍ ລີບັງ ແກ້ໄຂວິກິດການທີ່ພວມນັບມື້ນັບຮ້າຍແຮງຂຶ້ນຕື່ມ. ໃນນັ້ນ, ເງິນເປັນຈຳນວນ 800 ລ້ານໂດລາສະຫະລັດໜູນຊ່ວຍດ້ານມະນຸດສະທຳ ແລະ 200 ລ້ານ ໂດລາສະຫະລັ ໜູນຊ່ວຍໃຫ້ບັນດາກຳລັງປະກອບອາວຸດ ຂອງລີບັງ.
ແຫຼ່ງຄັດຈາກ: vovworld.vn
Type the code from the image