ຂໍ້ຕົກລົງຂອງກະຊວງການເງິນອາເມລິກາ ແມ່ນອີງຕາມລັດຖະດຳລັດຂອງປະທານາທິບໍດີ Joe Biden ໃນເດືອນ ສິງຫາ ປີກາຍ ແມ່ນຫ້າມພົນລະເມືອງອາເມລິກາ ລົງທຶນເຂົ້າໃນບາງຂົງເຂດທີ່ອາດສາມາດຊ່ວຍເພີ່ມທະວີກຳລັງຄວາມສາມາດດ້ານການທະຫານ ແລະສືບລາຊະການລັບຂອງຈີນ. ຕາມເຈົ້າໜ້າທີ່ອາເມລິກາ ແລ້ວ, ບັນດາເຕັກໂນໂລຊີນີ້ນຳມາເຊິ່ງຄວາມສ່ຽງສຳລັບຄວາມໝັ້ນຄົງແຫ່ງຊາດອາເມລິກາ. ບັນດາເຈົ້າໜ້າທີ່ອາເມລິກາ ກ່າວຫາ ຈີນ ພັດທະນາບັນດາເຕັກໂນໂລຊີສະດຸ້ງໄວ ເພື່ອແນໃສ່ໜູນຊ່ວຍຄວາມມານະພະຍາຍາມຫັນກອງທັບເປັນທັນສະໄໝ ແລະພັດທະນາອາວຸດພ້ອມທັງຍາດແຍ່ງການລົງທຶນຂອງອາເມລິກາ ເພື່ອພັດທະນາກຳລັງຄວາມສາມາດດ້ານການທະຫານ ແລະສືບລາຊະການລັບຂອງປະເທດນີ້.

ແລະກໍ່ໃນວັນດຽວກັນ, ກະຊວງການຄ້າ ຈີນ ໄດ້ຄັດຄ້ານຂໍ້ຕົກລົງຂອງ ອາເມລິກາ ກ່ຽວກັບເລື່ອງເພີ່ມເຕີມບາງບໍລິສັດຂອງຈີນ ໃສ່ບັນຊີລາຍຊື່ຈຳກັດການສົ່ງອອກຂອງຕົນ. ບັນດາການກະທຳຄືແນວນັ້ນໄດ້ກໍ່ຜົນເສຍຫາຍຢ່າງຮ້າຍແຮງເຖິງສິດ ແລະຜົນປະໂຫຍດທີ່ຖືກຕ້ອງກັບກົດໝາຍຂອງບັນດາວິສາຫະກິດນີ້ ພ້ອມທັງເຮັດໃຫ້ສະຖຽນລະພາບຂອງລະບົບສະໜອງ ແລະອຸດສາຫະກຳທົ່ວໂລກອ່ອນແອລົງ. ກະຊວງການຄ້າຈີນ ຖະແຫຼງ: ປັກກິ່ງ ຈະປະຕິບັດບັນດາມາດຕະການທີ່ຈຳເປັນເພື່ອປົກປ້ອງຜົນປະໂຫຍດອັນຖືກຕ້ອງກັບກົດໝາຍຂອງບັນດາບໍລິສັດຈີນ.

ແຫຼ່ງຄັດຈາກ: vovworld.vn