ຂ່າວຈາກມຸມໄບ, ອິນເດຍ ພົບຜູ້ຕິດເຊື້ອໂຄວິດ-19 ລາຍໃໝ່ເພີ່ມຂຶ້ນ 26.506 ຄົນ ໃນວັນທີ 10 ກໍລະກົດນີ້ີ້, ກະຊວງສາທາລະນະສຸກອິນເດຍ ຕ້ອງໃຊ້ມາດຕະການປິດເມືອງອີກຄັ້ງໃນລັດທີ່ມີປະຊາກອນຫຼາຍທີ່ສຸດໃນປະເທດ ແລະເມືອງທີ່ເປັນສູນກາງຜະລິດລົດໃຫຍ່, ໂຮງງານຢາ ແລະໂຮງງານເບຍໂດຍສະເພາະເມືອງອໍຣັງຄາບັດ ລັດມະຫາຣາຄາຣະ ທາງຕາເວັນຕົກຂອງອິນເດຍ ປະກາດສະຖານະການສຸກເສີນ 9 ວັນເພື່ອຄວບຄຸມການລະບາດໂຄວິດ-19 ເຮັດໃຫ້ຄົນງານບໍ່ສາມາດອອກໄປເຮັດວຽກໄດ້ປົກກະຕິ. ຂະນະທີ່ລັດອຸດຕຣະປຣະເທດທາງພາກເໜືອຂອງອິນເດຍ ຈະປິດເມືອງ 2 ວັນ ຫຼັງຈາກຍອດຜູ້ຕິດເຊື້ອໂຄວິດ-19 ເກີນ 32.000 ຄົນແລ້ວ. ສຳລັບ ຍອດຜູ້ຕິດເຊື້ອສະສົມເພີ່ມຂຶ້ນເກືອບ 800.000 ຄົນຫຼາຍເປັນອັນດັບ 3 ຂອງໂລກຮອງຈາກ ສ.ອາເມລິກາ ແລະ ບຣາຊິນ ສ່ວນຍອດຜູ້ເສຍຊີວິດ 21.000 ກວ່າຄົນ.
ເນື້ອໃນ: ຂປລ
Type the code from the image