ການປະທະກັນອາດຈະຍູ້ສາມັນຊົນນັບລ້ານຄົນຕົກເຂົ້າສູ່ສະພາບຕ້ອງຍົກຍ້າຍຖິ່ນຖານໃນປີ 2027
ວັນທີ 16 ເມສາ, ສະພາຊາວລີ້ໄພ ແດນມາກ (DRC) ໄດ້ກ່າວເຕືອນວ່າ ສົງຄາມ, ການປະທະກັນ, ການໃຊ້ຄວາມຮຸນແຮງອາດຈະເຮັດໃຫ້ສາມັນຊົນປະມານ 4,2 ລ້ານຄົນ ຕ້ອງປະລະເຮືອນຊານຂອງຕົນໃນທ້າຍປີ 2027.
ຕາມສະພາດັ່ງກ່າວແລ້ວ, ຕົວເລກດັ່ງກ່າວຍັງບໍ່ທັນໄດ້ຄິດໄລ່ເຖິງບຸກຄົນທີ່ປະລະເຮືອນຊານຍ້ອນສະພາບການປັດຈຸບັນຢູ່ຕາເວັນອອກກາງ ເພາະວ່າ ການຄາດຄະເນຂອງ DRC ໄດ້ປະຕິບັດບົນພື້ນຖານຂອງຕົວເລກທີ່ເກັບກໍາໄດ້ໃນທ້າຍປີ 2025.
    |
 |
|
ພາບປະກອບ: REUTERS/Louisa Gouliamaki |
ບົດລາຍງານຂອງ DRC ໃສ່ໃຈວ່າບັນດາການຍົກຍ້າຍຫວ່າງມໍ່ໆມານີ້ນັບມື້ນັບແຜ່ລາມໄປຫຼາຍປະເທດກວ່າແມ່ນພຽງແຕ່ເກີດຂຶ້ນໃນບາງວິກິດການໃຫຍ່ຄືເມື່ອກ່ອນ. ການຫຼຸດເງິນຊ່ວຍເຫຼືອສາກົນລົງໄດ້ສົ່ງຜົນກະທົບໂດຍກົງຕໍ່ສະພາບປະຊາຊົນຍົກຍ້າຍບ່ອນຢູ່ອາໄສ.
ກໍຕາມສະພາ DRC ແລ້ວ, ແຫຼ່ງເງິນຊ່ວຍເຫຼືອໃຫ້ແກ່ 5 ປະເທດທີ່ມີຈຳນວນປະຊາຊົນຍົກຍ້າຍຖິ່ນຖານຄາດວ່າສູງສຸດໃນປີ 2025 ໄດ້ຫຼຸດລົງສະເລ່ຍ 23% ໃນປີ 2024. ຕໍ່ສະພາບການຕົວຈິງດັ່ງກ່າວ, ທ່ານນາງ Charlotte Slente ເລຂານຸການໃຫຍ່ສະພາ DRC ໃຫ້ຮູ້ວ່າ: “ປະຊາຄົມສາກົນ ພວມປະເຊີນໜ້າກັບຄວາມປະລາໄຊໃນການປົກປ້ອງຜູ້ທີ່ມີຄວາມສ່ຽງສູງກວ່າເພິ່ນໃນໂລກ”.
ແຫຼ່ງຄັດຈາກ: vovworld.vn