ນາຍົກລັດຖະມົນຕີ ພົບປະສັງສັນ ແລະຍ້ອງຍໍຊົມເຊີຍທີມຊາດຫວຽດນາມ
ກປ.ອອນໄລ - ຕອນບ່າຍວັນທີ 6 ມັງກອນ, ຢູ່ສຳນັກງານນາຍົກລັດຖະມົນຕີ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ມີການພົບປະສັງສັນ, ຍ້ອງຍໍຊົມເຊີຍ ທີມຊາດຫວຽດນາມ ທີ່ຄວ້າແຊ້ມ ASEAN Cup 2024 . ນີ້ແມ່ນຄັ້ງທີ 3 ທີ່ ທີມຊາດຫວຽດນາມ ຄວ້າແຊ້ມທີ່ການແຂ່ງຂັນດ່ັງກ່າວ.
ຕາມທ່ານນາຍົກລັດຖະມົນຕີ ແລ້ວ, ທີມຊາດ ແລະນັກເຕະ ໄດ້ສະແດງໃຫ້ເຫັນຄວາມປະທັບໃຈເປັນພິເສດ ແລະເປັນໜ້າຊົມເຊີຍ. ທ່ານນາຍົກລັດຖະມົນຕີ ຫວັງວ່າ ທີມຊາດ ຈະສືບຕໍ່ຝຶກຝົນຫຼໍ່ຫຼອມຜ່ານຜ່ານຂໍ້ຈຳກັດຂອງຕົນເພື່ອຍາດໄດ້ໄຊຊະນະສູງກວ່າ, ຍາດໄດ້ຜົນງານສູງກວ່າ, ໃນຕໍ່ໜ້າແມ່ນຄວ້າແຊ້ມອາຊີ, ເຂົ້າແຂ່ງຂັນ World Cup, ພ້ອມກັບທ່ົວປະເທດ ກ້າວເຂົ້າສູ່ສັງກາດບືນຕົວຂຶ້ນ, ຮັ່ງມີເຂັ້ມແຂງ, ສີວິໄລຂອງຊາດ.
    |
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີ ພົບປະສັງສັນ, ຍ້ອງຍໍຊົມເຊີຍທີມຊາດຫວຽດນາມ ທີ່ຄວ້າແຊ້ມໃນລາຍການແຂ່ງຂັນ ASEAN Cup 2024. ພາບ: qdnd.vn |
ຕາງໜ້າການນໍາພັກ, ລັດ, ທ່ານນາຍົກລັດຖະມົນຕີ ໄດ້ປະດັບຫຼຽນໄຊແຮງງານ ຊັ້ນ 1 ໃຫ້ທີມຊາດບານເຕະຊາຍຫວຽດນາມ; ປະດັບຫຼຽນໄຊແຮງງານ ຊັ້ນ 3 ໃຫ້ນັກເຕະ 6 ຄົນ ທີ່ໄດ້ສ້າງຜົນງານດີເດັ່ນໃນການແຂ່ງຂັນ ASEAN Cup 2024, ລວມມີ: ຫງວຽນຊວັນຊອນ, ໂດ້ຢຸຍແມ້ງ, ຫງວຽນກວາງຫາຍ, ຫງວຽນຕ໋ຽນລິງ, ຫງວຽນຮວ່າງດຶກ, ຫງວຽນດິ່ງຈ້ຽວ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີ ປະດັບຫຼຽນໄຊແຮງງານ ຊັ້ນ 1 ໃຫ້ທີມຊາດບານເຕະຊາຍຫວຽດນາມ. ພາບ: qdnd.vn |
ທ່ານນາຍົກລັດຖະມົນຕີ ໄດ້ຕົກລົງ ແລະມອບໃບຍ້ອງຍໍຂອງນາຍົກລັດຖະມົນຕີ ໃຫ້ 29 ບຸກຄົນຂອງທີມຊາດບານເຕະຊາຍຫວຽດນາມ ທີ່ໄດ້ແຂ່ງຂັນດີເລີດ, ຄວ້າແຊ້ມ ASEAN Cup 2024.
ທີ່ການພົບປະສັງສັນ, ຄະນະກຳມະການຄຸ້ມຄອງທຶນແຫ່ງລັດ ຢູ່ວິສາຫະກິດ ໄດ້ລະດົມ ແລະມອບເງິນໃຫ້ແກ່ທີມຊາດຫວຽດນາມ ຈໍານວນ 5 ຕື້ດົ່ງ; ກຸ່ມບໍລິສັດນ້ຳມັນອາຍແກັດແຫ່ງຊາດຫວຽດນາມ, ກຸ່ມບໍລິສັດອຸດສາຫະກຳ-ໂທລະຄົມມະນາຄົມກອງທັບ ແລະ ທະນາຄານ VPBank, ແຕ່ລະກົມກອງ ມອບເງິນສົດ 2 ຕື້ດົ່ງໃຫ້ທີມຊາດ.
ໂດຍ: ທູຈາງ