ມີ 3.200 ຄົນ ລຽນກັນເປັນແຜນທີ່ຫວຽດນາມ ໃນພິທີຊັກທຸງ ຢູ່ຝູອຽນ
ກປ.ອອນໄລ - ໃນຂອບເຂດການແຂ່ງຂັນແລ່ນມາຣາທອນລະດັບຊາດ ແລະໄລຍະຍາວ ໜັງສືພິມຕ່ຽນຟອງ ຄັ້ງທີ 65 - ປີ 2024 (Tien Phong Marathon 2024), ຕອນເຊົ້າວັນທີ 30 ມີນາ, ຢູ່ທັດສະນີຍະພາບ ບ໋າຍໂມນ-ມຸ້ຍດ້ຽນ (ເທດສະບານດົງຮວ່າ, ແຂວງຝູອຽນ) ໄດ້ດໍາເນີນພິທີຊັກທຸງ.
    |
 |
|
ຮູບພາບພິທີຊັກທຸງ ຢູ່ບ໋າຍໂມນ-ມຸ້ຍດ້ຽນ. ພາບ: ຍືອີ໊ |
ເຫດການດັ່ງກ່າວໂດຍຄະນະກໍາມະການປະຊາຊົນແຂວງຝູອຽນ ສົມທົບກັບໜັງສືພິມຕ່ຽນຟອງ ຈັດຕັ້ງ. ເຂົ້າຮ່ວມມີສະມາຊິກຊາວໜຸ່ມ, ໄວໜຸ່ມ, ນັກຮຽນ 3.200 ຄົນ ໄດ້ມາລຽນກັນເປັນແຜນທີ່ຫວຽດນາມ. ເນື່ອງໃນໂອກາດນີ້, ຄະນະຈັດຕັ້ງໄດ້ມອບທຸງຊາດ 200 ຜືນໃຫ້ແກ່ນັກຮົບ ແລະພີ່ນ້ອງຮ່ວມຊາດຢູ່ເຈື່ອງຊາ ແນໃສ່ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ຜູ້ປົກປັກຮັກສາທະເລ, ໝູ່ເກາະແຫ່ງບ້ານເກີດເມືອງນອນທັງເວັນທັງຄືນ. Tien Phong Marathon 2024 ມີນັກກິລາເຂົ້າຮ່ວມ 12.000 ຄົນ, ແຂ່ງຂັນ 4 ໄລຍະໃນຕອນເຊົ້າວັນທີ 31 ມີນາ, ລວມມີ: 5 ກິໂລແມັດ, 10 ກິໂລແມັດ, ເຄິ່ງມາຣາທອນ (21,0975 ກິໂລແມັດ), ເຕັມມາຣາທອນ (42,195 ກິໂລແມັດ).
ໂດຍ: ເຈິ່ນຮວ່ຽນ