ທີມບານເຕະ ແອັດສະປາຍ ຄວ້າແຊ້ມ EURO 2024
ຕອນຄ່ຳວັນທີ 14 ກໍລະກົດ (ຕາມເວລາທ້ອງຖິ່ນ), ທີມບານເຕະແອັດສະປາຍ ຍາດໄດ້ໄຊຊະນະຕໍ່ທີມບານເຕະ ອັງກິດ ດ້ວຍຄະແນນ 2 -1 ປະຕູ ໃນງານແຂ່ງຂັນບານເຕະຮອບຊີງແຊ້ມ ເອີລົບ ປີ 2024 (EURO 2024) ທີ່ໄດ້ດຳເນີນຢູ່ສະໜາມກິລາ Olympia Berlin (ເຢຍລະມັນ). ດ້ວຍໝາກຜົນນີ້, ແອັດສະປາຍ ສາມາດຄວ້າໄດ້ແຊ້ມ ເອີໂຣ ເປັນຄັ້ງທີ 4 ໃນປະຫວັດສາດ.
ພາຍຫຼັງນັດແຂ່ງຂັນຊີງແຊ້ມຢູ່ສະໜາມກິລາ Olympia, ສະຫະພັນບັນດາສະມາຄົມບານເຕະເອີລົບ (UEFA) ກໍໄດ້ມອບນາມມະຍົດນັກເຕະຍອດຢ້ຽມ ໃນ EURO 2024 ໃຫ້ແກ່ ກອງໜ້າທີມບານເຕະ ແອັດສະປາຍ, ນັກກິລາ Rodri. ນາມມະຍົດນັກເຕະໜຸ່ມຍອດຢ້ຽມ EURO 2024 ໄດ້ແກ່ນັກກິລາ Lamine Yamal ຂອງທີມບານເຕະ ແອັດສະປາຍ, ກອງໜ້າປີກຂວາ, ອາຍຸ 17 ປີ ແລະ ຍິງເຂົ້າປະຕູໄດ້ 1 ລູກ.
ແຫຼ່ງຄັດຈາກ: vovworld.vn