ເປີດຕົວເຄື່ອງນຸ່ງໃໝ່ຂອງທີມຊາດບານເຕະຫວຽດນາມ
ກປ.ອອນໄລ - ວັນທີ 3 ມັງກອນ, ຢູ່ຮ່າໂນ້ຍ, ສະຫະພັນບານເຕະຫວຽດນາມ ສົມທົບກັບ Jogarbola (ບໍລິສັດຫຸ້ນສ່ວນ ດົ້ງລື້ກ) ຈັດຕັ້ງພິທີລົງນາມສັນຍາອຸປະຖຳ ແລະເປີດຕົວເຄື່ອງນຸ່ງໃໝ່ໃຫ້ທີມຊາດບານເຕະຫວຽດນາມ ຢ່າງເປັນທາງການ.
|
|
ທີມຊາດບານເຕະຊາຍ ແລະຍິງຫວຽດນາມ ໃນເຄື່ອງນຸ່ງໃໝ່. ພາບ: ຄະນະຈັດຕັ້ງ |
ຕາມນັ້ນແລ້ວ, ໃນປີ 2024, Jogarbola ຈະແມ່ນຍີ່ຫໍ້ເຄື່ອງນຸ່ງທາງການຂອງທີມຊາດບານເຕະຊາຍ ແລະຍິງຫວຽດນາມ ດ້ວຍບັນດາຜະລິດຕະພັນ, ຄື: ເຄື່ອງນຸ່ງແຂ່ງຂັນ, ຝຶກແອບ, ເຄື່ອງນຸ່ງດຳລົງຊີວິດ, ພ້ອມກັບອຸປະກອນຮັບໃຊ້ໃຫ້ວຽກງານແຂ່ງຂັນ ແລະຝຶກແອບ. ຊຸດເຄື່ອງນຸ່ງຂອງທີມຊາດບານເຕະຫວຽດນາມ ດ້ວຍສັນຍາລັກແມ່ນຮູບດາວ 5 ແຈເທິງທຸງຊາດ ແລະຮູບນົກເທິງກອງທອງແດງດົງເຊີນ, ສະແດງໃຫ້ເຫັນວັດທະນະທໍາທີ່ເປັນມູນເຊື້ອ, ຈິດໃຈ, ຄວາມເອກອ້າງທະນົງໃຈຕໍ່ຊາດຫວຽດນາມ
ວັນທີ 5 ມັງກອນ, ທີມຊາດບານເຕະຊາຍຫວຽດນາມ ຈະເດີນທາງໄປກາຕາເຂົ້າຮ່ວມຮອບຊີງຊະນະເລີດ Asian Cup 2023.
ໂດຍ: ເຈິ່ນຮວ່ຽນ