ແຂວງກວາງນິງ ຕັ້ງໜ້າກະກຽມຈັດຕັ້ງງານມະຫາກໍາກິລາທົ່ວປະເທດ
ກປ.ອອນໄລ - ຄະນະກໍາມະການປະຊາຊົນແຂວງກວາງນິງ ປະກາດໄດ້ສໍາເລັດການສ້າງຕັ້ງຄະນະຈັດຕັ້ງ ແລະບັນດາອະນຸກຳມະການຮັບໃຊ້; ສ້າງແຜນການ, ກວດກາຄືນກ່ຽວກັບຮ່າງພິທີເປີດ, ປິດງານມະຫາກໍາກິລາທົ່ວປະເທດ ຄັ້ງທີ IX-ປີ 2022.
ຕາມນັ້ນແລ້ວ, ງານມະຫາກໍາກິລາ ດໍາເນີນໃນລະຫວ່າງວັນທີ 1-21 ທັນວາ ຢູ່ແຂວງກວາງນິງ ແລະບາງແຂວງ, ນະຄອນໃກ້ຄຽງ. ຄາດຄະເນ ຈະມີຄູຝຶກ, ນັກກິລາ, ຜູ້ຮັບໃຊ້ ປະມານ 4.000 ຄົນ, ກໍາມະການ 800 ຄົນ ແລະແຂກຮັບເຊີນ, ກອງເຊຍ, ນັກທ່ອງທ່ຽວ ກວ່າ 200.000 ຄົນ ຈະມາແຂວງກວາງນິງ ໃນໄລຍະດໍາເນີນງານມະຫາກໍາກິລາ. ປະຈຸບັນ, ແຂວງກວາງນິງ ພວມຍູ້ໄວວຽກງານກະກຽມພື້ນຖານດ້ານວັດຖຸ, ອຸປະກອນແຂ່ງຂັນ; ສ້ອມແປງ, ຕົບແຕ່ງ, ປະດັບປະດາພາຍໃນ ແລະພາຍນອກສະຖານທີ່ແຂ່ງຂັນ.
ໂດຍ: ຈາງຫງວຽນ