ການແຂ່ງຂັນບານເຕະ U.19 ສາກົນ 2022:
U.19 ຫວຽດນາມ ຊະນະ U.19 ມາເລເຊຍ ດ້ວຍ 2-1 ປະຕູ ແລະເຂົ້າຮອບຊີງຊະນະເລີດ
ກປ.ອອນໄລ - ຕອນຄໍ່າວັນທີ 7 ສິງຫາ, ທີ່ແຂວງບິ່ງເຢືອງ, ທີມ U.19 ຫວຽດນາມ ຊະນະທີມ U.19 ມາເລເຊຍ ດ້ວຍ 2-1 ປະຕູ ທີ່ນັດທີ 2 ຂອງການແຂ່ງຂັນບານເຕະ U.19 ສາກົນ 2022.
|
|
ຄວາມເບີກບານມ່ວນຊື່ນຂອງນັກເຕະທີມ U.19 ຫວຽດນາມ ເມື່ອຍິງເຂົ້າປະຕູທີມ U.19 ມາເລເຊຍ. ພາບ: ທຽນແທັງ. |
ຢູ່ນາທີທີ 5, ນັກເຕະ Bin Mohamad ຂອງທີມ U.19 ມາເລເຊຍ ໄດ້ຍິງເຂົ້າປະຕູທີມ U.19 ຫວຽດນາມ, ຂຶ້ນນຳ 1-0 ປະຕູ. ຫຼັກງຈາກນັ້ນ, ຮອດນາທີທີ 28, ນັກເຕະ ດຶກແອັງ ຂອງທີມ U.19 ຫວຽດນາມ ຍິງເຂົ້າປະຕູທີມ U.19 ມາເລເຊຍ ແລະຮອດນາທີທີ 90+3, ນັກເຕະ ວັນຄາງ ຍິງລູກໂທດເຂົ້າປະຕູ U.19 ມາເລເຊຍ, ຜົນປະກົດວ່າທີມ U.19 ຫວຽດນາມ ຊະນະທີມ U.19 ມາເລເຊຍ ດ້ວຍ 2-1 ປະຕູ.
ຍາດໄດ້ 6 ຄະແນນພາຍຫຼັງສອງນັດ, ທີມ U.19 ຫວຽດນາມ ລອດເຂົ້າຮອບຊີງຊະນະເລີດ. ທີ່ການແຂ່ງຂັນນັດກ່ອນນັ້ນ, ທີມ U.19 ໄທ ຊະນະທີມ U.19 ມຽນມາ ດ້ວຍ 1-0 ປະຕູ, ຍາດໄດ້ 4 ຄະແນນ.
ຕອນຄໍ່າວັນທີ 9 ສິງຫາ, ທີມ U.19 ຫວຽດນາມ ຈະແຂ່ງຂັນກັບທີມ U.19 ໄທ ເພື່ອຄັດເລືອກທີມນຳໜ້າກຸ່ມ.
ໂດຍ: ໄຊນີດາ