ຫຼາຍກິດຈະກໍາທີ່ມີຄວາມໝາຍໃນການແຂ່ງຂັນແລ່ນ ຕ່ຽນຟອງ Marathon 2021
ກປ.ອອນໄລ - ຕອນບ່າຍວັນທີ 9 ມີນາ, ທີ່ຮ່າໂນ້ຍ, ໜັງສືພິມຕ່ຽນຟອງ ສົມທົບກັບຄະນະກໍາມະການປະຊາຊົນແຂວງຢາລາຍ, ສະຫະພັນແລ່ນ-ລານຫວຽດນາມ ຈັດກອງປະຊຸມຂ່າວ ແນະນໍາການແຂ່ງຂັນແລ່ນ Marathon ລະດັບຊາດ ແລະແລ່ນໄລຍະທາງຍາວໜັງສືພິມຕ່ຽນຟອງ ຄັ້ງທີ 62 ປີ 2021 (ຕ່ຽນຟອງ Marathon 2021).
    |
 |
|
ບັນຍາກາດທີ່ກອງປະຊຸມຂ່າວແນະນໍາການແຂ່ງຂັນແລ່ນ ຕ່ຽນຟອງ Marathon 2021. ພາບ: qdnd.vn. |
ຕາມນັ້ນແລ້ວ, ການແຂ່ງຂັນແລ່ນ ຕ່ຽນຟອງ Marathon 2021 ດໍາເນີນໃນລະຫວ່າງວັນທີ 26-28 ມີນາ ຢູ່ນະຄອນ Pleiku (ແຂວງຢາລາຍ) ເຊິ່ງຈະມີນັກກິລາ 4.500 ຄົນ ພ້ອມກັບພະນັກງານ, ກໍາມະກອນ, ລັດຖະກອນ ແລະປະຊາຊົນແຂວງຢາລາຍ ຈໍານວນ 1.000 ຄົນເຂົ້າຮ່ວມ. ບັນດານັກກິລາຈະແຂ່ງຂັນໃນໄລຍະທາງ 5 ກິໂລແມັດ, 10 ກິໂລແມັດ, 21 ກິໂລແມັດ ແລະ 42 ກິໂລແມັດ ດ້ວຍມູນຄ່າທັງໝົດ 500 ລ້ານດົ່ງ. ທີ່ການແຂ່ງຂັນແລ່ນ ຕ່ຽນຟອງ Marathon 2021 ມີຫຼາຍກິດຈະກໍາທີ່ມີຄວາມໝາຍ, ຄື: ການປຸກລະດົມປູກຕົ້ນໄມ້, ງານບຸນຄ້ອງ, ງານຕະຫຼາດນັດການຄ້າແຂວງຢາລາຍ... ນອກຈາກນັ້ນ, ຄະນະຈັດຕັ້ງການແຂ່ງຂັນແລ່ນ ຕ່ຽນຟອງ Marathon 2021 ຍັງຫັກເງິນຈໍານວນ 1,2 ຕື້ດົ່ງ ເພື່ອຊື້ແນວພັນຜັກມອບໃຫ້ພໍ່ແມ່ປະຊາຊົນແຂວງຢາລາຍ ແລະບາງແຂວງ, ນະຄອນໃນທົ່ວປະເທດ.
ໂດຍ: ທູຈາງ