ມອບລາງວັນການແຂ່ງຂັນໝາກເສິກຜູ້ບັນຊາການພາກພື້ນເປີດກວ້າງ
ກປ.ອອນໄລ - ຕອນບ່າຍວັນທີ 10 ມັງກອນ, ທີ່ຮ່າໂນ້ຍ, ຫໍພິພິທະພັນປະຫວັດສາດການທະຫານຫວຽດນາມ ໄດ້ສົມທົບກັບສະຫະພັນໝາກເສິກຫວຽດນາມ ຈັດພິທີມອບລາງວັນການແຂ່ງຂັນໝາກເສິກຜູ້ບັນຊາການພາກພື້ນເປີດກວ້າງ ປີ 2020, ເນື່ອງໃນໂອກາດສະເຫຼີມສະຫຼອງ 10 ປີແຫ່ງວັນໝາກເສິກຜູ້ບັນຊາການ ໄດ້ຮັບການສ້າງຕັ້ງ (16-11-2010 / 16-11-2020).
|
|
ມອບຫຼຽນຄໍາໃຫ້ແກ່ນັກກິລາໝາກເສິກທີ່ດີເດັ່ນ. ພາບ: ຫຶວເຈື້ອງ. |
ການແຂ່ງຂັນໄດ້ດຶງດູດການເຂົ້າຮ່ວມຂອງນັກກິລາໝາກເສິກພາຍໃນປະເທດຈໍານວນ 120 ກວ່າຄົນ ແລະນັກກິລາໝາກເສິກອີກ 4 ຄົນທີ່ມາຈາກກອງທັບລາດຊະວົງກໍາປູເຈຍ ແລະກອງທັບປະຊາຊົນລາວ. ພາຍຫຼັງການແຂ່ງຂັນເປັນເວລາໜຶ່ງວັນ, ຄະນະຈັດຕັ້ງໄດ້ມອບ 22 ຫຼຽນຄໍາ, 24 ຫຼຽນເງິນ, 32 ຫຼຽນທອງ ແລະ 56 ລາງວັນຊົມເຊີຍ.
ທ່ານພັນໂທ ຫງວຽນແທ່ງເລ, ຮອງຜູ້ອໍານວຍການຫໍພິພິທະພັນປະຫວັດສາດການທະຫານຫວຽດນາມ, ຫົວໜ້າຄະນະຈັດຕັ້ງການແຂ່ງຂັນຢັ້ງຢືນວ່າ ຫໍພິພິທະພັນປະຫວັດສາດການທະຫານຫວຽດນາມ ຫວັງວ່າ ຈະສືບຕໍ່ພ້ອມກັບສະຫະພັນໝາກເສິກຫວຽດນາມ ເພື່ອຊ່ວຍໃຫ້ໝາກເສິກຜູ້ບັນຊາການຂະຫຍາຍຢ່າງກວ້າງຂວາງກວ່າ, ເປັນຂີດໝາຍແຫ່ງພູມປັນຍາຫວຽດນາມ ອອກສູ່ໂລກ.
ໂດຍ: ກວຽດເຕິມ