ນາຍົກລັດຖະມົນຕີຫວຽດນາມ ພົບປະສັງສັນກັບທີມບານເຕະຍິງ ແລະຊາຍ

12 ທັນວາ 2019 21:46

ກປ.ອອນໄລ - ຕອນຄໍ່າວັນທີ 11 ທັນວາ, ທີ່ສໍານັກງານນາຍົກລັດຖະມົນຕີ, ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ໄດ້ເປັນປະທານການພົບປະສັງສັນກັບທີມບານເຕະຊາຍ U.22 ແລະທີມບານເຕະຍິງ ທີ່ຫາກໍ່ຍາດໄດ້ 2 ຫຼຽນຄໍາຢູ່ຊີເກມ 30.

ກ່າວຄໍາເຫັນທີ່ການພົບປະສັງສັນ, ທ່ານ ຫງວຽນຊວນຟຸກ ໄດ້ຊົມເຊີຍຜົນງານຂອງສອງທີມບານເຕະເວົ້າສະເພາະກໍ່ຄືນັກກິລາປະເພດຕ່າງໆເວົ້າລວມຢູ່ຊີເກມ 30. ທ່ານນາຍົກລັດຖະມົນຕີ ໃຫ້ຮູ້ວ່າ, ບັນດານາມມະຍົດແຫ່ງລັດ, ໃບຍ້ອງຍໍຂອງນາຍົກລັດຖະມົນຕີ ຈະໄດ້ມອບໃນອາທິດໜ້າທີ່ພິທີສະຫຼຸບຢ່າງສົມກຽດເພື່ອຊົມເຊີຍຜົນງານຂອງຄະນະກິລາຫວຽດນາມ ຢູ່ຊີເກມ 30.

ທີ່ພິທີ, ບັນດາວິສາຫະກິດຄືກຸ່ມບໍລິສັດ Vingroup, ກຸ່ມບໍລິສັດ T&T, ກຸ່ມບໍລິສັດ Sun Group, ບໍລິສັດລົງທຶນ ແລະດຳເນີນທຸລະກິດ Golf ລອງແທ່ັງ, ຮອນດາຫວຽດນາມ... ໄດ້ໃຫ້ຄໍາໝັ້ນສັນຍາມອບຂອງຂວັນໃຫ້ສອງທີມບານເຕະດ້ວຍຈໍານວນເງິນກວ່າສີບຕື້ດົ່ງ. ພິເສດ, ສະມາຄົມນັກທຸລະກິດໜຸ່ມຫວຽດນາມ ໃຫ້ຄໍາໝັ້ນສັນຍາຈະສັບຊ້ອນວຽກເຮັດງານທໍາໃຫ້ບັນດານັກເຕະຍິງພາຍຫຼັງລາອອກຈາກທີມບານເຕະ.