ທີມບານເຕະ U.23 ຫວຽດນາມ ຊະນະທີມບານເຕະ U.23 ອິນໂດເນເຊຍ ດ້ວຍ 1-0 ປະຕູ
ກປ.ອອນໄລ - ພາຍຫຼັງເສຍໃຫ້ທີມບານເຕະ U.23 ໄທ ດ້ວຍ 0-4 ປະຕູ, ທີມບານເຕະ U.23 ອິນໂດເນເຊຍ ໄດ້ແຂ່ງຂັນດ້ວຍຄວາມລະມັດລະວັງກວ່າກັບທີມບານເຕະ U.23 ຫວຽດນາມໃນນັດທີສອງຂອງກຸ່ມ K, ຮອບຄັດເລືອກ U.23 ອາຊີ, ເຊິ່ງດໍາເນີນໃນຕອນຄໍ່າວັນທີ 24 ມີນາ ຢູ່ສະໜາມກິລາໝີດີ່ງ.
|
|
ນັກເຕະ ກວາງຫາຍ (ເບື້ອງຊ້າຍ) ຖືກນັກເຕະ ອິນໂດເນເຊຍ “ເອົາໃຈໃສ່ເປັນພິເສດ”. ພາບ: qdnd.vn. |
ທີມບານເຕະ U.23 ຫວຽດນາມໄດ້ແຂ່ງຂັນຢ່າງສຸດຈິດສຸດໃຈ ແລະຄວາມມານະພະຍາຍາມນັ້ນໄດ້ຮັບການຕອບແທນດ້ວຍລູກຍິງຂອງນັກເຕະ ຈ້ຽວຫວຽດຮືງ (ນາທີທີ 90+3), ຊະນະທີມ U.23 ອິນໂດເນເຊຍ ດ້ວຍ1-0 ປະຕູ. ດ້ວຍຜົນແຂ່ງຂັນດັ່ງກ່າວ, ທີມບານເຕະ U.23 ຫວຽດນາມ ຖືກຈັດອັນດັບທີສອງຂອງກຸ່ມ K ດ້ວຍ 6 ຄະແນນ, ເທົ່າກັບຄະແນນຂອງທີມບານເຕະ U.23 ໄທ.
ໃນຕອນຄໍ່າວັນທີ 26 ມີນາ, ທີມບານເຕະ U.23 ຫວຽດນາມ ຈະແຂ່ງຂັນກັບທີມບານເຕະ U.23 ໄທ.
ໂດຍ: ຈາງຫງວຽນ