ແຂວງຝູທໍ້ ໄຂສັບປະດາວັດທະນະທຳ - ທ່ອງທ່ຽວເຂດດິນແດນແຫ່ງບັນພະບຸລຸດປີ 2024
ກປ.ອອນໄລ - ວັນທີ 9 ເມສາ, ຢູ່ແຂວງ ຝູທໍ້, ພິທີບູຊາເຈົ້າຊີວິດ ຮຸ່ງ - ງານບຸນວິຫານ ຮຸ່ງ ແລະ ສັບປະດາວັດທະນະທຳ - ທ່ອງທ່ຽວເຂດດິນແດນແຫ່ງບັນພະບຸລຸດ 2024 ໄດ້ໄຂຂຶ້ນຢ່າງເປັນທາງການ, ດ້ວຍການເຄື່ອນໄຫວວັດທະນະທຳທີ່ດູດດື່ມ. ເຫດການໄດ້ດຶງດູດແຂກທ່ອງທ່ຽວກັບເມືອເຂດດິນແດນແຫ່ງກົກເຄົ້າເຫງົ້າກໍເປັນຈຳນວນຫຼາຍ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/09/upload_2121/09042024-tt09-01.jpeg?dpi=150&quality=100&w=500) |
ໄຂສັບປະດາວັດທະນະທຳ-ທ່ອງທ່ຽວເຂດດິນແດນແຫ່ງບັນພະບຸລຸດປີ 2024. ພາບ: quankhu2.vn |
ໃນໂອກາດນີ້, ທີ່ເຂດປູຊະນີຍະສະຖານປະຫວັດສາດວິຫານ ຮຸ່ງ ໄດ້ຈັດຫຼາຍພິທີທີ່ເປັນປະເພນີ, ຄື: ພິທີຖະຫວາຍທູບທຽນອາໄລຫາບັນດາເຈົ້າຊີວິດ ຮຸ່ງ ແລະ ພິທີຖະຫວາຍດອກໄມ້ຢູ່ຮູບຄວັດສະຫຼັກ “ປະທານໂຮ່ຈີມິນ ໂອ້ລົມກັບພະນັກງານ, ນັກຮົບກອງພົນໃຫຍ່ປະຈັນບານ”; ພິທີບູຊາບັນພະບຸລຸດ ລາກລອງກວນ; ພິທີຖະຫວາຍທູບທຽນພະແມ່ ເອົາເກີ.
ນອກນັ້ນ, ຍັງມີບັນດາການເຄື່ອນໄຫວວັດທະນະທຳພື້ນເມືອງທີ່ເປັນປະເພນີ, ບັນດາການເຄື່ອນໄຫວວັດທະນະທຳ, ສິລະປະທີ່ອຸດົມສົມບູນອື່ນໆ. ເພື່ອກະກຽມຕ້ອນຮັບແຂກທ່ອງທ່ຽວ, ທ່ານ ເລເຈື່ອງຢາງ, ຫົວໜ້າເຂດປູຊະນີຍະສະຖານປະຫວັດສາດວິຫານ ຮຸ່ງ, ໃຫ້ຮູ້ວ່າ: “ພວກຂ້າພະເຈົ້າໄດ້ສ້ອມແປງບັນດາຮາກຖານດ້ານວັດຖຸ ເພື່ອຕອບສະໜອງບັນດາເງື່ອນໄຂຮັບໃຊ້ໃຫ້ແກ່ພໍ່ແມ່ປະຊາຊົນ, ແຂກທ່ອງທ່ຽວ… ນັບແຕ່ການສ້ອມແປງສະຖາປັດຕະຍາກຳເຂດບູຊາ, ບັນດາເຂດພັກຜ່ອນໃຫ້ແຂກທ່ອງທ່ຽວ, ຕະຫຼອດຮອດເລື່ອງຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມ; ສ້າງສະພາບແວດລ້ອມທີ່ເປັນມິດໃຫ້ແກ່ພໍ່ແມ່ປະຊາຊົນ, ແຂກທ່ອງທ່ຽວເມື່ອມາວິຫານ ຮຸ່ງ”.
ໂດຍ: ກວຽດເຕິມ