ຊາປາ ມຸ່ງໄປເຖິງການເປັນຕົວເມືອງທ່ອງທ່ຽວທີ່ສະອາດ ຢູ່ອາຊຽນ
ກປ.ອອນໄລ - ໃນລະຫວ່າງວັນທີ 5-7 ເມສາ, ຄະນະກຳມະການປະຊາຊົນເທດສະບານເມືອງຊາປາ (ແຂວງ ລາວກາຍ) ຈະຈັດຕັ້ງ “ງານບຸນວັດທະນະທໍາທ່ອງທ່ຽວຊາປາ ຢູ່ຮ່າໂນ້ຍ” ຢູ່ສວນດອກໄມ້ ຫຼີທ໊າຍໂຕ໋, ເຂດຖະໜົນຍ່າງອ້ອມໜອງ ຮ່ວນກຽມ.
ໃນຂອບເຂດຂອງງານບຸນ ຈະດໍາເນີນຫຼາຍການເຄື່ອນໄຫວ ແລະເຫດການເພື່ອແນໃສ່ໂຄສະນາເຜີຍແຜ່ວັດທະນະທຳ ແລະການທ່ອງທ່ຽວຊາປາ ເຊັ່ນ: ສະຖານທີ່ວັດທະນະທຳ ແລະການທ່ອງທ່ຽວຊາປາ; ລາຍການສະແດງສິລະປະ “ເຕັ້ນພາຍໃຕ້ແສງຈັນ”; ວາດພາບຕະຫຼາດນັດ ແລະຕະຫຼາດແຫ່ງຄວາມຮັກຊາປາ; ລາຍການສະແດງສິລະປະພື້ນເມືອງ, ຮ້ານວາງສະແດງຜະລິດຕະພັນກະເສດ ແລະຫັດຖະກຳພື້ນເມືອງຂອງພໍ່ແມ່ປະຊາຊົນບັນດາເຜົ່າ...
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/06/upload_2121/06042024-tt01-01.jpg?dpi=150&quality=100&w=500) |
ນັກທ່ອງທ່ຽວສາກົນເຂົ້າຮ່ວມການລະຫຼິ້ນພື້ນເມືອງຂອງພໍ່ແມ່ປະຊາຊົນບັນດາເຜົ່າຢູ່ຊາປາ. ພາບ: ເຈົາຊວຽນ |
ໜຶ່ງໃນບັນດາການເຄື່ອນໄຫວຈຸດສຸມແມ່ນກອງປະຊຸມສໍາມະນາດ້ວຍຫົວຂໍ້ “ມາດຕະການແກ້ໄຂ ເພື່ອພັດທະນາເຂດທ່ອງທ່ຽວແຫ່ງຊາດຊາປາ ທີ່ເປັນເອກະລັກສະເພາະ, ເປັນມິດ, ເປັນມືອາຊີບ, ມຸ່ງໄປເຖິງການເປັນຕົວເມືອງທ່ອງທ່ຽວສະອາດຢູ່ໃນອາຊຽນ” ເຊິ່ງໄດ້ດຳເນີນໃນຕອນບ່າຍວັນທີ 5 ເມສາ, ໄດ້ດຶງດູດການເຂົ້າຮ່ວມຂອງນັກຊ່ຽວຊານ ແລະຜູ້ຕາງໜ້າບັນດາວິສາຫະກິດທ່ອງທ່ຽວເປັນຈໍານວນຫຼວງຫຼາຍ. ນະທີ່ນີ້, ບັນດາຜູ້ແທນໄດ້ສະເໜີບາງມາດຕະການແກ້ໄຂເພື່ອໃຫ້ ຊາປາ ຜ່ານຜ່າຄວາມຫຍຸ້ງຍາກ ແລະສິ່ງທ້າທາຍ, ຄື: ວິວັດການຫັນເປັນຕົວເມືອງທີ່ເຮັດໃຫ້ສີສັນວັດທະນະທຳຖືກສູນຫາຍ, ການເຕີບໂຕຂອງການທ່ອງທ່ຽວຢ່າງວ່ອງໄວໄດ້ສ້າງຄວາມກົດດັນໃສ່ພື້ນຖານໂຄງລ່າງ, ມົນລະພິດສິ່ງແວດລ້ອມ, ການທ່ອງທ່ຽວວົງຄະນະຍາດຊຸມຊົນແຕ່ບໍ່ມີການຄຸ້ມຄອງ...
ໂດຍ: ທູຈາງ