leftcenterrightdel
ການເຄື່ອນໄຫວຂອງພໍ່ແມ່ປະຊາຊົນ ຢູ່ໝູ່ບ້ານວັດທະນະທໍາ-ທ່ອງທ່ຽວບັນດາເຜົ່າຫວຽດນາມ. ພາບ: ຄະນະຈັດຕັ້ງ

ຜ່ານລາຍການ, ຄະນະຈັດຕັ້ງ ໄດ້ແນະນຳວັດທະນະທຳທີ່ດີງາມຕົ້ນລະດູບານໃໝ່ ດ້ວຍພິທີ, ງານບຸນ, ຮີດຄອງປະເພນີຂອງຊາດ. ຜ່ານນັ້ນ, ນັກທ່ອງທ່ຽວສາມາດມີຄວາມເຂົ້າໃຈຕື່ມ ກ່ຽວກັບວັດທະນະທຳທີ່ເປັນມູນເຊື້ອ ແລະສີສັນສະເພາະຂອງບັນດາເຜົ່າ; ປະກອບສ່ວນອະນຸລັກຮັກສາ, ເສີມຂະຫຍາຍ ແລະໂຄສະນາເຜີຍແຜ່ບັນດາຄຸນຄ່າວັດທະນະທຳທີ່ເປັນມູນເຊື້ອຂອງຊາດ, ເພີ່ມທະວີການພົບປະແລກປ່ຽນ, ນໍ້າໃຈສາມັກຄີ, ຄວາມສະໜິດຕິດພັນ, ການໜູນຊ່ວຍເພື່ອພ້ອມກັນພັດທະນາໃນໂອກາດປີໃໝ່ 2024.

ລາຍການມີການເຂົ້າຮ່ວມຂອງພໍ່ແມ່ປະຊາຊົນກວ່າ 100 ຄົນ ທີ່ມາຈາກ 16 ຊົນເຜົ່າ. ກິດຈະກໍາພົ້ນເດັ່ນແມ່ນເຫດການ "ຕະຫຼາດນັດ-ຕ້ອນຮັບປີໃໝ່ 2024" ໄດ້ວາດພາບເຖິງວັດທະນະທໍາ ທີ່ເຂັ້ມຂຸ້ນໄປດ້ວຍສີສັນວັດທະນະທຳຂອງບັນດາເຜົ່າຢູ່ເຂດພູສູງ ພ້ອມກັນພົບປະ, ຫວນຄືນປີທີ່ຜ່ານມາ ແລະຮ່ວມເບີກບານມ່ວນຊື່ນຕ້ອນຮັບປີໃໝ່ 2024 ດ້ວຍຫົວຂໍ້ວ່າ “ຕະຫຼາດນັດຢູ່ເຂດພູສູງ ໃນບຸນເຕັດ”. ຕະຫຼາດນັດແມ່ນການສົມທົບກັນລະຫວ່າງຕະຫຼາດນັດ, ການລະຫຼິ້ນບັນເທິງ ແລະການເຄື່ອນໄຫວສະແດງສິລະປະພື້ນເມືອງ, ສະຖານທີ່ແນະນໍາອາຫານການກິນ, ຜະລິດຕະພັນພິເສດ...

ໂດຍ: ທູຈາງ