ຈັດຕັ້ງສັບປະດາຮູບເງົາຫວຽດນາມ ຢູ່ງານວາງສະແດງໂລກ Expo 2020
ກປ.ອອນໄລ - ກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ໃຫ້ຮູ້ວ່າ ສັບປະດາຮູບເງົາຫວຽດນາມ ຈະດໍາເນີນຢູ່ງານວາງສະແດງໂລກ Expo 2020 Dubai, ສະຫະລັດອາຣັບເອມິເຣດ (UAE) ແຕ່ວັນທີ 30 ທັນວາ 2021 ຫາວັນທີ 5 ມັງກອນ 2022.
|
|
ເຂດກຸ່ມ Expo 2020 Dubai. ພາບ: ຄະນະຈັດຕັ້ງ. |
ຄະນະຈັດຕັ້ງຈະເລືອກເອົາຮູບເງົາແຕ່ 5-7 ເລື່ອງ, ຮູບເງົາເພື່ອບັນຍາຍເປັນພາສາອັງກິດ ແລະພາສາຊາອຸດິອາຣາເບຍ ເພື່ອສົ່ງໄປປະເມີນຜົນຢູ່ UAE. ມາດຖານຄັດເລືອກຮູບເງົາເພື່ອສາຍແມ່ນຮູບເງົາທີ່ພົ້ນເດັ່ນ, ເຕັມໄປດ້ວຍລັກສະນະມະນຸດຊາດຂອງຮູບເງົາຫວຽດນາມ, ໄດ້ຮັບການຜະລິດໃນ 5 ປີມໍ່ໆມານີ້. ສັບປະດາເພື່ອແນະນໍາໃຫ້ມະຫາຊົນສາກົນຮູບເງົາທີ່ພົ້ນເດັ່ນຂອງຮູບເງົາປະເທດເຮົາ; ໂຄສະນາກ່ຽວກັບພື້ນຖານອຸດສາຫະກໍາຮູບເງົາຫວຽດນາມ ທັນສະໄໝ ແລະເຕັມໄປດ້ວຍສີສັນຊາດ; ແນະນໍາຮູບພາບປະເທດຊາດ, ມະນຸດ, ທິວທັດທໍາມະຊາດຫວຽດນາມ ດ້ວຍວັດທະນະທໍາທີ່ມີຫຼາຍຮູບຫຼາຍແບບ, ສ້າງຄວາມດຶງດູດ, ຮັກຫອມສັນຕິພາບ, ມີສະຖຽນລະພາບດ້ວຍນະໂຍບາຍເປີດເຜີຍ, ສະຖານທີ່ທ່ອງທ່ຽວທີ່ປອດໄພ, ເປັນມິດ; ສ້າງກາລະໂອກາດພົບປະ, ເຈລະຈາ, ພົບປະແລກປ່ຽນລະຫວ່າງນັກສິລະປິນ, ນັກຜະລິດຮູບເງົາກັບຜູ້ຊົມ...
ໂດຍ: ເກື່ອງດັ້ງ