ນະຄອນໂຮ່ຈີມິນ ຈັດຕັ້ງວັນປຶ້ມ ແລະວັດທະນະທຳການອ່ານຫວຽດນາມ ຢ່າງຄຶກຄື້ນ
ກປ.ອອນໄລ - ຕອນເຊົ້າວັນທີ 19 ເມສາ, ພະແນກຖະແຫຼງຂ່າວ ແລະສື່ສານນະຄອນໂຮ່ຈີມິນ ໄດ້ຈັດຕັ້ງພິທີເປີດວັນປຶ້ມ ແລະວັດທະນະທຳການອ່ານ ຫວຽດນາມ ຄັ້ງທີ 3 ປີ 2024 ດ້ວຍຫົວຂໍ້ “ປຶ້ມດີຕ້ອງການມີຜູ້ອ່ານ”.
ເນື່ອງໃນໂອກາດນີ້, ນະຄອນໂຮ່ຈີມິນ ໄດ້ຈັດຕັ້ງ 300 ກວ່າກິດຈະກຳເຄື່ອນໄຫວ ເຊິ່ງລວມມີການເຄື່ອນໄຫວພົົບປະແລກປ່ຽນ, ແນະນຳປຶ້ມ, ປຶ້ມບູຮານ, ປຶ້ມສຽງ, ທັກສະເພື່ອສ້າງຄວາມຊິນເຄີຍໃນການອ່ານປຶ້ມ... ຢູ່ນະຄອນ ຖຸດຶກ ແລະ 21 ເມືອງອື່ນໆ ໂດຍມີການເຂົ້າຮ່ວມຂອງສຳນັກພິມຈຳໜ່າຍ ແລະ ຫົວໜ່ວຍຈຳໜ່າຍປຶ້ມ 30 ກວ່າແຫ່ງ ດ້ວຍຮ້ານວາງສະແດງປຶ້ມ 40 ກວ່າຮ້ານ ໄດ້ແນະນໍາປຶ້ມປະເພດຕ່າງໆເກືອບ 50.000 ຫົວ. ຢູ່ຖະໜົນປຶ້ມ ນະຄອນໂຮ່ຈິີມິນ ແລະ ເຂດເສັ້ນທາງທີ່ຢູ່ຕໍ່ໜ້າສຳນັກງານໄປສະນີນະຄອນໂຮ່ຈີມິນ, ຄະນະຈັດຕັ້ງ ໄດ້ວາງສະແດງປຶ້ມທີ່ຍາດໄດ້ລາງວັນປຶ້ມແຫ່ງຊາດປີ 2023, ເອກະສານ, ສື່ສິ່ງພິມສະເຫຼີມສະຫຼອງ 49 ປີແຫ່ງວັນປົດປ່ອຍພາກໃຕ້ ທ້ອນໂຮມປະເທດຊາດເປັນເອກະພາບ (30-4-1975 / 30-4-2024), 70 ປີແຫ່ງວັນໄຊຊະນະດ້ຽນບຽນຝູ (7-5-1954 / 7-5-2024)...
|
|
ບັນດາຜູ້ແທນຢ້ຽມຊົມຮ້ານວາງສະແດງປຶ້ມ ຂອງສຳນັກພິມຈຳໜ່າຍກອງທັບປະຊາຊົນຫວຽດນາມ. ພາບ: qdnd.vn |
ທີ່ພິທີເປີດ, ຄະນະຈັດຕັ້ງ ໄດ້ປະກາດທູດວັດທະນະທຳການອ່ານ 10 ທ່ານ ໃນອາຍຸການ 2024-2025. ນີ້ແມ່ນບຸກຄົນທີ່ຕາງໜ້າໃຫ້ຫຼາຍຂົງເຂດຄື: ຈັດພິມຈຳໜ່າຍ, ສື່ມວນຊົນ, ເສດຖະກິດ, ວັດທະນະທຳສິລະປະ, ນັກຮຽນ, ນັກສຶກສາ... ຢາກແຜ່ຂະຫຍາຍຈິດໃຈມັກຮຽນ, ມັກອ່ານ, ໂຄສະນາເຜີຍແຜ່ຄຸນຄ່າຂອງປຶ້ມ.
ຕາມທ່ານ ເລິມດິ່ງຖັງ, ຫົວໜ້າພະແນກຖະແຫຼງຂ່າວ ແລະສື່ສານນະຄອນໂຮ່ຈີມິນ, ຫົວໜ້າຄະນະຈັດຕັ້ງວັນປື້ມ ແລະວັດທະນະທຳການອ່ານຫວຽດນາມ ຢູ່ນະຄອນໂຮ່ຈີມິນ ແລ້ວ, ນີ້ແມ່ນເຫດການວັດທະນະທຳທີ່ສຳຄັນ ແນໃສ່ເຊີດຊູຄຸນຄ່າຂອງປຶ້ມ, ຍົກສູງຄວາມຮັບຜິດຊອບຂອງທຸກຂັ້ນ, ທຸກຂະແໜງການໃນການສ້າງ ແລະ ພັດທະນາວັດທະນະທຳການອ່ານ.
ໂດຍ: ທູຈາງ