ສະເໜີຕົວປື້ມ “ຫວໍຫງວຽນຢ໊າບ-ນາຍພົນຂອງປະຊາຊົນ”
ກປ.ອອນໄລ - ຕອນເຊົ້າວັນທີ 20 ເມສາ, ຢູ່ຮ່າໂນ້ຍ, ສໍານັກພິມການເມືອງແຫ່ງຊາດ-ຊື້ເທີດ ໄດ້ຈັດຕັ້ງພິທີແນະນຳຊຸດປື້ມ “ຫວໍຫງວຽນຢ໊າບ-ນາຍພົນຂອງປະຊາຊົນ” ໂດຍທ່ານ ຮ.ສຈ, ປອ ຫວູຈ້ອງເລິມ, ຜູ້ອຳນວຍການ, ຫົວໜ້າບັນນາທິການສໍານັກພິມການເມືອງແຫ່ງຊາດ-ຊື້ເທີດ ຮຽບຮຽງ.
|
|
ການນຳສໍານັກພິມການເມືອງແຫ່ງຊາດ-ຊື້ເທີດ ມອບປຶ້ມໃຫ້ຜູ້ຕາງໜ້າບັນດາກະຊວງ, ຄະນະ, ຂະແໜງການ ແລະທ້ອງຖິ່ນຈຳນວນໜຶ່ງ. ພາບ: ຮວ່າງຮວ່າງ |
ຊຸດປື້ມດັ່ງກ່າວໄດ້ພິມຈຳໜ່າຍເປັນພາສາຫວຽດນາມ ແລະສອງພາສາ 5 ສະບັບ, ຄື: ຫວຽດນາມ-ອັງກິດ, ຫວຽດນາມ-ຝຣັ່ງ, ຫວຽດນາມ-ແອັດສະປາຍ, ຫວຽດນາມ-ຈີນ, ຫວຽດນາມ-ອາຣັບ ເອັມມີເລັດ, ແນໃສ່ຕອບສະໜອງຄວາມຮຽກຮ້ອງຕ້ອງການໃນການຊອກຮູ້ ແລະຄົ້ນຄວ້າຂອງເພື່ອນຜູ້ອ່ານຫຼາຍຄົນຢູ່ພາຍໃນ ແລະຕ່າງປະເທດ.
ນີ້ແມ່ນສື່ສິ່ງພິມທີ່ມີຄຸນຄ່າທາງດ້ານວິທະຍາສາດ ແລະປະຫວັດສາດ; ຜ່ານບັນດາເອກະສານ ແລະຮູບພາບອັນລໍ້າຄ່າ, ໄດ້ສະແດງໃຫ້ເຫັນເຖິງຮູບພາບທີ່ລຽບງ່າຍແຕ່ສູງສົ່ງຂອງພົນເອກ ຫວໍຫງວຽນຢ໊າບ; ວາດພາບ, ຍົກໃຫ້ເຫັນບັນດາເຫດການ, ບາດລ້ຽວສຳຄັນໃນຊີວິດ ແລະພາລະກິດປະຕິວັດຂອງພົນເອກ. ຄຽງຄູ່ກັບການພິມຈຳໜ່າຍປຶ້ມ, ສໍານັກພິມການເມືອງແຫ່ງຊາດ-ຊື້ເທີດ ຍັງຈຳໜ່າຍປຶ້ມເອເລັກໂຕນິກໃນເວັບໄຊ sachquocgia.vn.
ໂດຍ: ເຈິ່ນຮວ່ຽນ