ງານວາງສະແດງ “ຈົດຈໍາຊື່ຂອງເພິ່ນ-ໂຮ່ຈີມິນຕະຫຼອດໄປ”
ກປ.ອອນໄລ - ວັນທີ 15 ພຶດສະພາ, ຢູ່ຮ່າໂນ້ຍ, ຫໍສະໝຸດກອງທັບ ຈັດຕັ້ງງານວາງສະແດງປື້ມ, ໜັງສືພິມພາຍໃຕ້ຫົວຂໍ້ “ຈົດຈໍາຊື່ຂອງເພິ່ນ-ໂຮ່ຈີມິນຕະຫຼອດໄປ” ເນື່ອງໃນໂອກາດສະເຫຼີມສະຫຼອງ 130 ປີແຫ່ງວັນຄ້າຍວັນເກີດປະທານໂຮ່ຈີມິນ (19-5-1890 / 19-5-2020).
|
|
ພະນັກງານ, ນັກຮົບ ແລະຜູ້ອ່ານເປັນຈໍານວນຫຼວງຫຼາຍມາຢ້ຽມຊົມງານວາງສະແດງ. ພາບ: ຖຸ໊ຍກຸກ. |
ງານວາງສະແດງໄດ້ແນະນໍາສື່ສິ່ງພິມກວ່າ 800 ຢ່າງ ເຊິ່ງແບ່ງເປັນ 6 ພາກ, ຊ່ວຍໃຫ້ຜູ້ອ່ານມີຄວາມເຂົ້າໃຈຢ່າງເລິກເຊິ່ງກ່ຽວກັບຊີວິດ, ພາລະກິດການປະຕິວັດຂອງປະທານໂຮ່ຈີມິນ; ບັນດາຄຸນຄ່າມໍລະດົກໂຮ່ຈີມິນ; ແນວຄິດດ້ານການທະຫານຂອງເພິ່ນ; ບົດບາດຂອງພັກ, ລຸງໂຮ່ໃນການນໍາພາ, ກໍ່ສ້າງກໍາລັງປະກອບອາວຸດ; ບັນດາຜົນງານຂອງປະເທດຊາດໃນວິວັດການປ່ຽນແປງໃໝ່, ພັດທະນາ ແລະເຊື່ອມໂຍງ... ງານວາງສະແດງປະກອບສ່ວນຢັ້ງຢືນພະລັງຊີວິດຍືນຍົງຄົງຕົວຂອງແນວຄິດ, ຄຸນສົມບັດ, ແບບແຜນການດໍາລົງຊີວິດຂອງປະທານໂຮ່ຈີມິນ, ຢັ້ງຢືນຄວາມເຊື່ອໝັ້ນຂອງປະຊາຊົນຕໍ່ບົດບາດນໍາພາຂອງປະທານໂຮ່ຈີມິນ ແລະພັກກອມມູນິດຫວຽດນາມ ໃນພາລະກິດສ້າງສາ ແລະປົກປັກຮັກສາປະເທດຫວຽດນາມ ສັງຄົມນິຍົມ; ບໍລຸງສ້າງຄຸນທາດ, ຄຸນສົມບັດການປະຕິວັດໃຫ້ແກ່ລຸ້ນຕ່າງໆ. ງານວາງສະແດງຈະດໍາເນີນຮອດວັນທີ 30 ພຶດສະພາ ຈຶ່ງອັດລົງ.
ໂດຍ: ທູຈາງ