ງານວາງສະແດງ “ຮວ່າງຊາ, ເຈື່ອງຊາ - ປະເທດຊາດຢູ່ບ່ອນຫົວຄື້ນ”
ງານວາງສະແດງພາບຖ່າຍ ດ້ວຍຫົວຂໍ້ “ຮວ່າງຊາ, ເຈື່ອງຊາ - ປະເທດຊາດຢູ່ບ່ອນຫົວຄື້ນ” ແລະ “ທະຫານເຮືອປະຊາຊົນຫວຽດນາມ ວິລະຊົນ - 70 ປີ ແຫ່ງຂະບວນວິວັດປົກປັກຮັກສາທະເລ” ໄດ້ໄຂຂຶ້ນໃນວັນທີ 17 ມີນາ, ຢູ່ນະຄອນ ກາມແຣງ, ແຂວງ ແຄັງຮວ່າ.
ງານວາງສະແດງໄດ້ວາງສະແດງເອກະສານ, ພາບຖ່າຍ, ວັດຖຸພັນ, ສ່ອງແສງປະຫວັດສາດຢັ້ງຢືນອະທິປະໄຕຂອງຫວຽດນາມ ສຳລັບໝູ່ເກາະ ຮວ່າງຊາ (ດ່າໜັງ), ເຈື່ອງຊາ (ແຄັງຮວ່າ) ແລະວິວັດການຕໍ່ສູ້ປົກປັກຮັກສາອະທິປະໄຕທະເລ, ໝູ່ເກາະ, ນ້ຳໃຈກຽມພ້ອມຕໍ່ສູ້ປົກປັກຮັກສາຜືນແຜ່ນດິນ, ເຂດທະເລຂອງກອງທັບ ແລະ ປະຊາຊົນຫວຽດນາມ. ຜ່ານນີ້ ກໍເຮັດໃຫ້ບັນດາຜົນງານວິລະກຳຂອງກອງທັບປະຊາຊົນຫວຽດນາມ ໃນ 70 ປີແຫ່ງການສ້າງຕັ້ງ, ຕໍ່ສູ້, ໄຊຊະນະ, ເຕີບໂຕ ແລະມຸ່ງໄປເຖິງກຳລັງຫຼວງ, ທັນສະໄໝພົ້ນເດັ່ນຂຶ້ນ.
    |
 |
|
ພິທີໄຂງານວາງສະແດງ. ພາບ: ສໍານັກຂ່າວສານຫວຽດນາມ |
ກ່າວຄຳເຫັນໄຂງານວາງສະແດງ, ທ່ານພັນເອກພິເສດ ຫງວຽນຫືວມິງ, ຮອງຫົວໜ້າການເມືອງທະຫານເຮືອເຂດ 4 ເນັ້ນໜັກວ່າ: ງານວາງສະແດງເພື່ອແນໃສ່ສືບຕໍ່ສ້າງໃຫ້ບັນດາພະນັກງານ, ນັກຮົບ ແລະ ປະຊາຊົນມີຄວາມເຊື່ອໝັ້ນ, ເອກອ້າງທະນົງໃຈກ່ຽວກັບມູນເຊື້ອອັນສະຫງ່າອົງອາດຂອງຊາດ, ກອງທັບ, ເຫຼົ່າທັບເຮືອ ແລະ ທະຫານເຮືອເຂດ 4. ພ້ອມດຽວກັນນັ້ນ, ນີ້ກໍແມ່ນໂອກາດເພື່ອໃຫ້ພະນັກງານ, ນັກຮົບ, ປະຊາຊົນອາໄລຫາລຸ້ນພໍ່ລຸ້ນອ້າຍພະນັກງານ, ນັກຮົບທີ່ໄດ້ເສຍສະຫຼະຊີວິດ ເພື່ອພາລະກິດປົກປັກຮັກສາອະທິປະໄຕທະເລໝູ່ເກາະອັນສັກສິດຂອງປະເທດຊາດ.
ຂ່າວ: ວິທະຍຸກະຈາຍສຽງຫວຽດນາມ