leftcenterrightdel
ມອບໃບຢັ້ງຢືນໃຫ້ 2 ໝູ່ບ້ານອາຊີບຮ່າໂນ້ຍ ທີ່ໄດ້ເຂົ້າຮ່ວມເຄືອຂ່າຍຫັດຖະກຳປະດິດສ້າງໂລກ. ພາບ: ສໍານັກຂ່າວສານຫວຽດນາມ

ກ່າວຄຳເຫັນທີ່ພິທີ, ທ່ານ ຫງວຽນແມ້ງກວ່ຽນ, ຮອງປະທານຄະນະກຳມະການປະຊາຊົນນະຄອນ ຮ່າໂນ້ຍ ຢືນຢັນວ່າ 2 ໝູ່ບ້ານອາຊີບ ບາດຈ່າງ ແລະ ວ້ານຟຸກ ບໍ່ພຽງແຕ່ແມ່ນສັນຍາລັກຂອງອາຊີບຫັດຖະກໍາທີ່ເປັນມູນເຊື້ອຂອງຫວຽດນາມ ເທົ່ານັ້ນ, ຫາກຍັງເປັນບັນດາຜະລິດຕະພັນສິລະປະປະດິດສ້າງ, ແມ່ນສີມືການຊ່າງ, ຄວາມສຸດຈິດສຸດໃຈຂອງບັນດາສິລະປະກອນທີ່ເກັ່ງກ້າສາມາດອີກດ້ວຍ. ມາຮອດປະຈຸບັນ, ໃນໂລກມີ 68 ໝູ່ບ້ານອາຊີບຂອງ 28 ປະເທດທີ່ໄດ້ຮັບການຮັບຮູ້ວ່າເປັນສະມາຊິກຂອງເຄືອຂ່າຍບັນດານະຄອນຫັດຖະກໍາປະດິດສ້າງໂລກ. ເລື່ອງສະມາຄົມຫັດຖະກໍາໂລກ ຮັບຮູ້ໝູ່ບ້ານອາຊີບ ບາດຈ່າງ ແລະ ວ້ານຟຸກ ເປັນສະມາຊິກຂອງເຄືອຂ່າຍນະຄອນຫັດຖະກຳປະດິດສ້າງໂລກ ທັງເປັນຄວາມເອກອ້າງທະນົງໃຈ ແລະທັງສະແດງໃຫ້ເຫັນຄວາມມານະພະຍາຍາມອານຸລັກຮັກສາ ແລະເສີມຂະຫຍາຍຄຸນຄ່າມູນເຊື້ອ, ພ້ອມທັງຕອບສະໜອງຄວາມຮຽກຮ້ອງຕ້ອງການຂອງຍຸກສະໄໝ.

ການນຳນະຄອນ ຮ່າໂນ້ຍ ໃຫ້ຄຳໝັ້ນສັນຍາວ່າ ໃນໄລຍະຈະມາເຖິງ, ນະຄອນຈະສືບຕໍ່ສົມທົບກັບບັນດາອົງການຈັດຕັ້ງສາກົນ, ພິເສດແມ່ນສະມາຄົມຫັດຖະກຳໂລກ ເພື່ອໂຄສະນາສິ່ງທີ່ຍອດຢ້ຽມຂອງອາຊີບຫັດຖະກຳນີ້ຂອງຮ່າໂນ້ຍ ຢ່າງກວ້າງຂວາງກ່າອີກ ກໍ່ຄືປະຕິບັດວຽກງານອະນຸລັກຮັກສາ ແລະເສີມຂະຫຍາຍຄຸນຄ່າບັນດາໝູ່ບ້ານຫັດຖະກຳຂອງນະຄອນຫຼວງຢ່າງມີປະສິດທິຜົນ.

ໂດຍ: ຈາງຫງວຽນ