ພິມຈຳໜ່າຍປຶ້ມຂອງທ່ານເລຂາທິການໃຫຍ່ ຫງວຽນຝູຈ້ອງ ກ່ຽວກັບຄວາມຕັດສິນໃຈກໍ່ສ້າງປະເທດຫວຽດນາມ ໃຫ້ຮັ່ງມີເຂັ້ມແຂງ
ກປ.ອອນໄລ - ສໍານັກພິມຈຳໜ່າຍການເມືອງແຫ່ງຊາດ ຄວາມຈິງ (ຊື້ເທິດ) ຫາກໍ່ພິມຈຳໜ່າຍ e-book “ເອກອ້າງທະນົງໃຈ ແລະເຊື່ອໝັ້ນພາຍໃຕ້ຄັນທຸງອັນສະຫງ່າລາສີຂອງພັກ, ຕັດສິນໃຈກໍ່ສ້າງປະເທດຫວຽດນາມ ໃຫ້ນັບມື້ນັບຮັ່ງມີ, ເຂັ້ມແຂງ, ສີວິໄລ, ອະລິຍະທຳ ແລະວິລະຊົນ” ຂອງທ່ານເລຂາທິການໃຫຍ່ ຫງວຽນຝູຈ້ອງ ໃນເວັບໄຊ https://sachquocgia.vn.
ເນື່ອງໃນໂອກາດສະເຫຼີມສະຫຼອງ 94 ປີແຫ່ງວັນສ້າງຕັ້ງພັກກອມມູນິດຫວຽດນາມ (3/2/1930 - 3/2/2024), ທ່ານເລຂາທິການໃຫຍ່ ຫງວຽນຝູຈ້ອງ ໄດ້ມີບົດຂຽນສຳຄັນພິເສດກ່ຽວກັບທິດສະດີ ແລະພຶດຕິກຳຕົວຈິງ: “ເອກອ້າງທະນົງໃຈ ແລະເຊື່ອໝັ້ນພາຍໃຕ້ຄັນທຸງອັນສະຫງ່າລາສີຂອງພັກ, ຕັດສິນໃຈກໍ່ສ້າງປະເທດຫວຽດນາມ ໃຫ້ນັບມື້ນັບຮັ່ງມີ, ເຂັ້ມແຂງ, ສີວິໄລ, ອະລິຍະທຳ ແລະວິລະຊົນ”.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/03/09/upload_2124/qtrang09032024_05.jpeg?dpi=150&quality=100&w=500) |
ປຶ້ມ “ເອກອ້າງທະນົງໃຈ ແລະເຊື່ອໝັ້ນພາຍໃຕ້ຄັນທຸງອັນສະຫງ່າລາສີຂອງພັກ, ຕັດສິນໃຈກໍ່ສ້າງປະເທດຫວຽດນາມ ໃຫ້ນັບມື້ນັບຮັ່ງມີ, ເຂັ້ມແຂງ, ສີວິໄລ, ອະລິຍະທຳ ແລະວິລະຊົນ” ຂອງທ່ານເລຂາທິການໃຫຍ່ ຫງວຽນຝູຈ້ອງ. ພາບ: ສຳນັກພິມຈໍາໜ່າຍ. |
ພາຍຫຼັງປະກາດ, ບົດຂຽນໄດ້ຮັບຄວາມເອົາໃຈໃສ່, ຕອບສະໜອງຢ່າງເລິກເຊິ່ງກວ້າງຂວາງຈາກພະນັກງານ, ສະມາຊິກພັກ ແລະປະຊາຊົນ, ອັນໄດ້ປຸກລູກຄວາມເອກອ້າງທະນົງໃຈຕໍ່ມູນເຊື້ອປະຫວັດສາດອັນສະຫງ່າງາມຂອງພັກ ແລະປະທານໂຮ່ຈີມິນ ຜູ້ຍິ່ງໃຫຍ່, ປະເທດຫວຽດນາມ ວິລະຊົນ; ປັບປຸງຄວາມເຊື່ອໝັ້ນຕໍ່ການນຳພາຂອງພັກອັນສະຫງ່າລາສີ, ໃນຂະບວນການປ່ຽນແປງໃໝ່, ກໍ່ສ້າງປະເທດຮັ່ງມີ, ເຂັ້ມແຂງ, ສີວິໄລ ແລະມີຄວາມຜາສຸກ.
ເພື່ອຜັນຂະຫຍາຍບັນດາການດຳເນີນຊີວິດທາງດ້ານການເມືອງ, ແນວຄິດກ່ຽວກັບເນື້ອໃນບົດຂຽນສຳຄັນນີ້, ໂຄສະນາເຜີຍແຜ່ຢ່າງກວ້າງຂວາງເຖິງຄະນະພັກ, ອົງການຈັດຕັ້ງພັກໃນທົ່ວລະບົບການເມືອງ, ສໍານັກພິມຈຳໜ່າຍການເມືອງແຫ່ງຊາດ ຄວາມຈິງ ໄດ້ພິມຈຳໜ່າຍປຶ້ມ “ເອກອ້າງທະນົງໃຈ ແລະເຊື່ອໝັ້ນພາຍໃຕ້ຄັນທຸງອັນສະຫງ່າລາສີຂອງພັກ, ຕັດສິນໃຈກໍ່ສ້າງປະເທດຫວຽດນາມ ໃຫ້ນັບມື້ນັບຮັ່ງມີ, ເຂັ້ມແຂງ, ສີວິໄລ, ອະລິຍະທຳ ແລະວິລະຊົນ” ລວມມີເນື້ອໃນທັງໝົດບົດຂຽນຂອງທ່ານເລຂາທິການໃຫຍ່ ຫງວຽນຝູຈ້ອງ.
ເອກະສານສະບັບນີ້ຕອບສະໜອງຄວາມຕ້ອງການຄົ້ນຄວ້າຂອງພະນັກງານ, ສະມາຊິກພັກ, ຜູ້ອ່ານ, ຮັບໃຊ້ບັນດາອົງການຈັດຕັ້ງພັກ, ອົງການຈັດຕັ້ງມະຫາຊົນ, ອົງການ, ຫົວໜ່ວຍ, ຄະນະພັກ, ໜ່ວຍພັກໃນການດຳເນີນຊີວິດ ແລະດຳເນີນຊີວິດຫົວເລື່ອງສະເພາະຢ່າງທັນການ.
ໂດຍ: ຈາງຫງວຽນ