ການເຄື່ອນໄຫວດັ່ງກ່າວລວມມີລາຍການສະແດງສິລະປະຍ້ອງຍໍຊົມເຊີຍພັກ, ລະດູບານໃໝ່, ລຸງໂຮ່ທີ່ແສນເຄົາລົບຮັກ, ດ້ວຍ “ສີສັນທະຫານຊາຍແດນ” ສະແດງໃຫ້ເຫັນເຖິງນໍ້າໃຈສາມັກຄີລະຫວ່າງທະຫານ ແລະປະຊາຊົນ. ພ້ອມກັນນັ້ນແມ່ນການເຄື່ອນໄຫວເບິ່ງແຍງດູແລ ແລະມອບຂອງຂວັນໃຫ້ບັນດາຄອບຄົວນະໂຍບາຍ ແລະຄອບຄົວທຸກຍາກໃນຍາມບຸນເຕັດ, ລະດູບານໃໝ່ວຽນມາ.

ທີ່ລາຍການ, ທ່ານພັນເອກພິເສດ ຟານທັງລອງ, ຫົວໜ້າກອງບັນຊາການທະຫານຊາຍແດນແຂວງແຄ໋ງຮ່ວາ ໃຫ້ຮູ້ວ່າ: ບັນດາການເຄື່ອນໄຫວດັ່ງກ່າວ ໄດ້ສະແດງໃຫ້ເຫັນມູນເຊື້ອຮັກແພງ, ໜູນຊ່ວຍເຊິ່ງກັນ ແລະກັນ ຂອງຊາດຫວຽດນາມ. ພ້ອມທັງສະແດງໃຫ້ເຫັນອາລົມຈິດ, ຄວາມຮັບຜິດຊອບ ແລະຄວາມຮູ້ບຸນຄຸນຢ່າງເລິກເຊິ່ງຂອງພະນັກງານ, ນັກຮົບທະຫານຊາຍແດນ ແລະກົມກອງຕ່າງໆທີ່ມີຕໍ່ປະຊາຊົນຢູ່ເຂດຊາຍແດນ, ທະເລໝູ່ເກາະຂອງປະເທດຊາດ ທີ່ຍາມໃດກໍ່ຄຽງບ່າຄຽງໄຫຼ່ພ້ອມກັບກຳລັງປ້ອງກັນຊາຍແດນ ໃນວຽກງານຄຸ້ມຄອງ ແລະປົກປັກຮັກສາອະທິປະໄຕເຂດຊາຍແດນ, ທະເລໝູ່ເກາະ.

leftcenterrightdel
ຜູ້ຕາງໜ້າຄະນະຈັດຕັ້ງ ມອບຂອງຂວັນໃຫ້ແກ່ປະຊາຊົນ. ພາບ: ສໍານັກຂ່າວສານຫວຽດນາມ

ຂອງຂວັນທີ່ມອບໃຫ້ປະຊາຊົນແມ່ນອາລົມຈິດທີ່ຈິງໃຈຂອງພະນັກງານ, ນັກຮົບທະຫານຊາຍແດນແຕ່ລະຄົນ ແລະກົມກອງຕ່າງໆດ້ວຍຄວາມປາດຖະໜາຢາກໃຫ້ປະຊາຊົນກ້າວເຂົ້າສູ່ປີໃໝ່ ຕ້ອນຮັບບຸນເຕັດດ້ວຍຄວາມອົບອຸ່ນ, ເບີກບານມ່ວນຊື່ນ, ຜາສຸກ.

ລາຍການ “ລະດູບານໃໝ່ຢູ່ເຂດຊາຍແດນ, ສ້າງຄວາມອົບອຸ່ນໃນໃຈຂອງຊາວບ້ານ” ປີ 2025 ພ້ອມກັບກິດຈະການເຄື່ອນໄຫວອື່ນໆ ຂອງແຂວງໄດ້ປະກອບສ່ວນເບິ່ງແຍງດູແລໃຫ້ປະຊາຊົນຢູ່ເຂດຊາຍແດນ, ຮັດແໜ້ນສາຍພົວພັນສາມັກຄີສະໜິດຕິດພັນລະຫວ່າງທະຫານ ແລະປະຊາຊົນ. ຜ່ານນັ້ນ, ເສີມຂະຫຍາຍກໍາລັງແຮງສັງລວມໃນການຄຸ້ມຄອງ ແລະປົກປັກຮັກສາຊາຍແດນແຫ່ງຊາດ, ຮັກສາຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ ແລະ ຄວາມປອດໄພຢູ່ເຂດຊາຍແດນທາງທະເລ.

ໂດຍ: ທູຈາງ