ຫຼາຍກິດຈະກໍາໃນລາຍການລະດູບານໃໝ່ເຂດຊາຍແດນ
ກປ.ອອນໄລ - ວັນທີ 4 ມັງກອນ, ທີ່ສຳນັກງານຄະນະກໍາມະການປະຊາຊົນຕາແສງ ອີອາ ລົບ, ເມືອງ ແອອາ ຊຸບ, ແຂວງດັກລັກ, ກອງບັນຊາການທະຫານຊາຍແດນແຂວງດັກລັກ ໄດ້ເປັນປະທານ, ສົມທົບກັບຄະນະພັກເມືອງ, ຄະນະກໍາມະການປະຊາຊົນເມືອງ ແອອາ ຊຸບ, ບັນດາຄະນະ, ຂະແໜງການ, ອົງການຈັດຕັ້ງມະຫາຊົນ, ວິສາຫະກິດ ແລະນັກອຸປະຖໍາ ຈັດຕັ້ງລາຍການ “ລະດູບານໃໝ່ເຂດຊາຍແດນ ອົບອຸ່ນໃຈປະຊາຊົນ” ລະດູບານໃໝ່ ປີມະເສັງ 2025.
    |
 |
|
ຜູ້ຕາງໜ້າການນໍາກອງບັນຊາການທະຫານຊາຍແດນແຂວງດັກລັກ ແລະບັນດາກົມກອງ ມອບເງິນໜູນຊ່ວຍກໍ່ສ້າງເຮືອນສົງເຄາະໃຫ້ຄອບຄົວທຸກຍາກ. ພາບ: qdnd.vn |
ລາຍການດ້ວຍຫຼາຍກິດຈະກໍາ ລວມມີ: ຈັດຕັ້ງ “ວັນບຸນເຂົ້າຕົ້ມສີຂຽວ”; “ຮ້ານສິນຄ້າ 0 ດົ່ງ”; ມອບເຮືອນ 5 ຫຼັງໃຫ້ຄອບຄົວທຸກຍາກໃນບໍລິເວນຊາຍແດນ; ມອບຂອງຂວັນເກືອບ 400 ພູດ ໃຫ້ຄອບຄົວນະໂຍບາຍ, ຄອບຄົວທຸກຍາກ, ຄອບຄົວດີເດັ່ນໃນຂະບວນການທົ່ວປວງຊົນເຂົ້າຮ່ວມປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງແຫ່ງຊາດ, ຄອບຄົວທະຫານທີ່ປະສົບຄວາມຫຍຸ້ງຍາກ ແລະນັກຮຽນ ໃນໂຄງການ “ຊ່ວຍນ້ອງໄປໂຮງ ຮຽນ”, “ລູກຮັກຄ້າຍທະຫານຊາຍແດນ”, ໂຄງການ “ພະນັກງານ, ນັກຮົບກອງທັບປະຊາຊົນ ຊ່ວຍນ້ອງໄປໂຮງຮຽນ”; ຈັດຕັ້ງການກວດພະຍາດ, ໃຫ້ຄໍາປຶກສາສຸຂະພາບ, ແຈກຢາຍຢາໂດຍບໍ່ເສຍຄ່າໃຫ້ປະຊາຊົນ 300 ກວ່າຄົນ ແລະຈັດຕັ້ງການເຄື່ອນໄຫວສິລະປະ-ວັດທະນະທໍາ, ການລະຫຼິ້ນພື້ນເມືອງ... ລວມມູນຄ່າທັງໝົດແມ່ນ 800 ກວ່າລ້ານດົ່ງ.
|
|
 |
|
ການເຄື່ອນໄຫວວັນບຸນຫໍ່ເຂົ້າຕົ້ມທີ່ລາຍການ. ພາບ: qdnd.vn |
ໃນວັນດຽວກັນ, ທີ່ສຳນັກງານຄະນະກໍາມະການປະຊາຊົນຕາແສງນາບຸ້ງ, ເມືອງນໍ້າໂປ່ (ແຂວງດ້ຽນບຽນ), ກອງບັນຊາການທະຫານຊາຍແດນແຂວງດ້ຽນບຽນ ແລະຄະນະກໍາມະການແນວໂຮມປະເທດຊາດຫວຽດນາມ ແຂວງດ້ຽນບຽນ ໄດ້ສົມທົບກັບຄະນະກໍາມະການປະຊາຊົນເມືອງນໍ້າໂປ່ ຈັດຕັ້ງລາຍການ “ວັນບຸນຊາຍແດນທົ່ວປວງຊົນ” ແລະລາຍການ “ລະດູບານໃໝ່ເຂດຊາຍແດນ ອົບອຸ່ນໃຈປະຊາຊົນ” ດ້ວຍຫຼາຍກິດຈະກໍາທີ່ມີຄວາມໝາຍ.
|
|
 |
|
ການນໍາຄະນະກໍາມະການແນວໂຮມປະເທດຊາດຫວຽດນາມ ແຂວງດ້ຽນບຽນ ມອບຂອງຂວັນປີໃໝ່ໃຫ້ຄອບຄົວທຸກຍາກ. ພາບ: qdnd.vn |
ທີ່ລາຍການ, ການນໍາຄະນະກໍາມະການແນວໂຮມປະເທດຊາດຫວຽດນາມແຂວງດ້ຽນບຽນ ໄດ້ມອບງົບປະມານໜູນຊ່ວຍກໍ່ສ້າງ “ເຮືອນແຫ່ງຄວາມສາ ມັກຄີ” ຈໍານວນ 44 ຫຼັງ ລວມມູນຄ່າທັງໝົດແມ່ນ 2,2 ກວ່າຕື້ດົ່ງ. ສະຫະພັນແມ່ຍິງແຂວງດ້ຽນບຽນ, ຄະນະກໍາມະການປະຊາຊົນເມືອງນໍ້າໂປ່ ແລະບາງກົມກອງ ໄດ້ມອບຂອງຂວັນ 30 ພູດໃຫ້ຄອບຄົວທຸກຍາກຢູ່ສອງຕາແສງຊາຍແດນ ແມ່ນນາບຸ້ງ ແລະວ່າງດ້ານ, ເມືອງນໍ້າໂປ່. ນອກຈາກນີ້, ຄະນະຈັດຕັ້ງຍັງສົມທົບກັນປະຕິບັດ “ຮ້ານສິນຄ້າ 0 ດົ່ງ”, ແຈກຢາຍສະບຽງອາຫານໂດຍບໍ່ເສຍຄ່າ, ສົມທົບກັນກວດພະຍາດ, ໃຫ້ຄໍາປຶກສາສຸຂະພາບ, ແຈກຢາຍຢາໂດຍບໍ່ເສຍຄ່າໃຫ້ປະຊາຊົນ, ດ້ວຍມູນຄ່າທັງໝົດແມ່ນ 300 ກວ່າລ້ານດົ່ງ...
ຫວ່າງແລ້ວນີ້ ຢູ່ທີ່ລາຍການ “ລະດູບານໃໝ່ເຂດຊາຍແດນ ອົບອຸ່ນໃຈປະຊາຊົນ” ໂດຍກອງບັນຊາການທະຫານຊາຍແດນແຂວງຊອກຈັງ ສົມທົບກັບອໍານາດການປົກຄອງເທດສະບານແຂວງ ວິ້ງເຈົາ ຈັດຕັ້ງການມອບລົດຖີບ 21 ຄັນມູນຄ່າ 42 ລ້ານດົ່ງ, ມອບປຶ້ມຂຽນ 500 ຫົວໃຫ້ນັກຮຽນໃນໂຄງການ “ຊ່ວຍນ້ອງໄປໂຮງຮຽນ”, ໂຄງການ “ພະນັກງານ, ນັກຮົບກອງທັບປະຊາຊົນ ຊ່ວຍນ້ອງໄປໂຮງຮຽນ” ແລະນັກຮຽນທີ່ປະສົບຄວາມຫຍຸ້ງຍາກ ແຕ່ຮຽນເກັ່ງ; ມອບຂອງຂວັນ 130 ພູດໃຫ້ຄອບຄົວນະໂຍບາຍ, ຄອບຄົວທຸກຍາກ ດ້ວຍມູນຄ່າ 65 ລ້ານດົ່ງ...
ໂດຍ: ກວຽດເຕິມ