ແລກປ່ຽນກັບພວກຂ້າພະເຈົ້າ ກ່ຽວກັບວຽກງານກໍ່ສ້າງພັກຂອງອົງຄະນະພັກນະຄອນ ບວນມາທວດ, ສະຫາຍ ດິງຕ໊ວນແອັງ, ຮອງຫົວໜ້າຄະນະຈັດຕັ້ງນະຄອນບວນມາທວດ ໃຫ້ຮູ້ວ່າ: ໄລ່ຮອດຕົ້ນປີ 2025, ທົ່ວອົງຄະນະພັກນະຄອນບວນມາທວດ ມີ 59 ອົງການຈັດຕັ້ງພັກຮາກຖານ, ມີ 493 ໜ່ວຍພັກຂຶ້ນກັບອົງຄະນະພັກຮາກຖານ, ມີສະມາຊິກພັກກວ່າ 16.000 ຄົນ. ກ່ອນການປະຕິບັດຂະບວນການແຂ່ງຂັນກໍ່ສ້າງຮູບແບບ “ໜ່ວຍພັກສີ່ດີ”, “ອົງຄະນະພັກຮາກຖານສີ່ດີ” (ສຳເລັດໜ້າທີ່ການເມືອງເປັນຢ່າງດີ; ຄຸນນະພາບການດຳເນີນຊີວິດພັກດີ; ສາມັກຄີ, ມີວິໄນດີ; ພະນັກງານ, ສະມາຊິກພັກດີ), ບາງເນື້ອໃນອົງຄະນະພັກນະຄອນ ບວນມາທວດ ໄດ້ຊີ້ນຳນຳພາດ້ວຍບັນດາມະຕິ, ແຜນການ, ຄື: ມະຕິສະບັບເລກທີ 05-NQ/TU ລົງວັນທີ 4 ມີນາ 2021 ຂອງຄະນະພັກນະຄອນ ກ່ຽວກັບການ “ຍົກສູງຄຸນນະພາບຊັບພະຍາກອນມະນຸດນະຄອນ ໄລຍະ 2020-2025, ກໍານົດທິດເຖິງປີ 2030”; ແຜນການສະບັບເລກທີ 77-KH/TU ລົງວັນທີ 26 ກັນຍາ 2022 ກ່ຽວກັບການ “ຍົກສູງຄຸນນະພາບການດຳເນີນຊີວິດພັກຢູ່ໜ່ວຍພັກຂັ້ນບ້ານ, ຕາແສງ, ຕິດພັນກັບໜ້າທີ່ນຳພາພັດທະນາເສດຖະກິດ-ສັງຄົມ ແລະຂະຫຍາຍສະມາຊິກພັກ”...

ຍ້ອນການຈັດຕັ້ງປະຕິບັດບັນດາເນື້ອໃນດັ່ງກ່າວ, ສະນັ້ນເມື່ອເລີ່ມຈັດຕັ້ງປະຕິບັດຂະບວນການແຂ່ງຂັນສ້າງຮູບແບບ “ໜ່ວຍພັກສີ່ດີ”, “ອົງຄະນະພັກຮາກຖານສີ່ດີ” ຢູ່ບັນດາໜ່ວຍພັກ, ອົງຄະນະພັກຮາກຖານຂອງນະຄອນບວນມາທວດ ມີຄວາມສະດວກ ແລະບັນລຸໝາກຜົນແທດຈິງ. ກ່ອນອື່ນໝົດ, ຄະນະປະຈຳພັກນະຄອນ ບວນມາທວດ ໄດ້ສ້າງແຜນການສະບັບເລກທີ 122-KH/TU ກ່ຽວກັບການ “ປຸກລະດົມຂະບວນການແຂ່ງຂັນສ້າງຮູບແບບ “ໜ່ວຍພັກສີ່ດີ”, “ອົງຄະນະພັກຮາກຖານສີ່ດີ” ໄລຍະ 2023-2028”; ຈັດຕັ້ງກອງປະຊຸມຊາບຊຶມ ແລະພິທີລົງນາມປະຕິບັດຂະບວນການແຂ່ງຂັນສຳລັບບັນດາອົງການຈັດຕັ້ງພັກຮາກຖານ. ບັນດາອົງຄະນະພັກຮາກຖານ, ໂດຍສະເພາະແມ່ນອົງຄະນະພັກ 19 ຕາແສງ ລ້ວນແຕ່ສ້າງແຜນການ, ຈັດຕັ້ງປຸກລະດົມການແຂ່ງຂັນໃຫ້ສະມາຊິກພັກ 100%. ພາຍຫຼັງປຸກລະດົມ, ມີ 70 ອົງການຈັດຕັ້ງພັກ ຂຶ້ນກັບອົງຄະນະພັກຮາກຖານທີ່ຄະນະພັກແຂວງດັກລັກ ໄດ້ເລືອກເອົາເປັນຕົວແບບໃນການຈັດຕັ້ງປະຕິບັດຂະບວນການແຂ່ງຂັນກໍ່ສ້າງຮູບແບບນີ້.

leftcenterrightdel
ສະມາຊິກພັກໜ່ວຍພັກການເມືອງ, ອົງຄະນະພັກການທະຫານນະຄອນບວນມາທວດ (ແຂວງດັກລັກ) ໂຄສະນາເຜີຍແຜ່ກົດໝາຍຢູ່ໂຮງຮຽນ. ພາບ: ກ່ຽວບິ່ງດິ້ງ

ພາຍຫຼັງຈັດຕັ້ງປະຕິບັດຂະບວນການມາເປັນເວລາໜຶ່ງປີ, ການຫັນປ່ຽນທີ່ເຫັນໄດ້ຊັດທີ່ສຸດແມ່ນຄຸນນະພາບການດຳເນີນຊີວິດພັກ ໄດ້ຮັບການຍົກສູງ. ໃນນັ້ນ, ອົງຄະນະພັກນະຄອນ ບວນມາທວດ ໄດ້ສຸມໃສ່ບູລະນະປັບປຸງຖັນແຖວຄະນະພັກ, ໂດຍສະເພາະແມ່ນຜູ້ເປັນຫົວໜ້າຢູ່ໜ່ວຍພັກບ້ານ, ຕາແສງຢູ່ເຂດຊົນເຜົ່າສ່ວນໜ້ອຍ, ບໍລິເວນຊາວຄຼິດ ໃຫ້ມີຄຸນທາດ, ກຳລັງຄວາມສາມາດຢ່າງແທ້ຈິງ. ເມື່ອມີຖັນແຖວຄະນະພັກ “ມີຄຸນທາດ, ມີຄວາມຮູ້ຄວາມສາມາດ” ນັ້ນ ຄຸນນະພາບ ແລະເນື້ອໃນການດຳເນີນຊີວິດພັກ ກໍ່ຄືການວາງມະຕິນຳພາ ຈະໃກ້ຊິດຕິດແທດກັບຄວາມຮຽກຮ້ອງຕ້ອງການ, ໜ້າທີ່ຂອງກົມກອງ, ທ້ອງຖິ່ນ. ຄຽງຄູ່ກັນນັ້ນ, ຄະນະປະຈຳພັກນະຄອນບວນມາທວດ ຍັງມອບໜ້າທີ່ໃຫ້ບັນດາສະຫາຍຄະນະປະຈຳພັກ ແລະຮຽກຮ້ອງມາຍັງບັນດາອົງການຈັດຕັ້ງພັກຮາກຖານ ຈັດແບ່ງໜ້າທີ່ກຳມະການໜ່ວຍພັກ ຮັບຜິດຊອບບໍລິເວນ, ໜ້ອຍສຸດໜຶ່ງໄຕມາດຕ້ອງເຂົ້າຮ່ວມດຳເນີນຊີວິດພັກກັບໜ່ວຍພັກທີ່ຂຶ້ນກັບ. ຄະນະປະຈຳພັກນະຄອນ ໄດ້ຊີ້ນຳຄະນະກຳມະການກວດກາພັກນະຄອນ ເປັນເສນາທິການນຳເຂົ້າລາຍການ, ແຜນການກວດກາ, ຕິດຕາມກວດກາຂອງຄະນະພັກນະຄອນຕໍ່ກັບບັນດາອົງການຈັດຕັ້ງພັກຮາກຖານທີ່ຂຶ້ນກັບ ແລະການນຳບັນດາອົງການຈັດຕັ້ງການເມືອງ-ສັງຄົມກ່ຽວກັບການປະຕິບັດລະບອບດຳເນີນຊີວິດພັກ, ການປະຕິບັດໜ້າທີ່ຂອງກຳມະການໜ່ວຍພັກ, ການຈັດແບ່ງໜ້າທີ່ໃຫ້ແກ່ກຳມະການໜ່ວຍພັກ ຮັບຜິດຊອບບໍລິເວນ ແລະເຂົ້າຮ່ວມການດຳເນີນຊີວິດພັກຂອງໜ່ວຍພັກ. ມີມະຕິນຳພາທີ່ຖືກຕ້ອງ ແລະໃກ້ຊິດຕິດແທດກັບການຍົກສູງຄຸນນະພາບການດຳເນີນຊີວິດພັກ ຈະກາຍເປັນເງື່ອນໄຂສຳຄັນ ເພື່ອໃຫ້ບັນດາໜ່ວຍພັກ, ອົງຄະນະພັກຮາກຖານເຮັດສຳເລັດໜ້າທີ່. ສຳລັບມາດຖານ “ສາມັກຄີ, ມີວິໄນດີ”, ແຕ່ທ້າຍປີ 2023 ມາຮອດປະຈຸບັນ, ຄະນະປະຈໍາພັກນະຄອນບວນມາທວດ ໄດ້ຊີ້ນໍາບັນດາຄະນະກໍ່ສ້າງພັກ, ໂດຍສະເພາະແມ່ນຄະນະກຳມະການກວດກາພັກນະຄອນ ເພີ່ມທະວີການກວດກາ, ປະເມີນອົງການຈັດຕັ້ງພັກ ແລະສະມາຊິກພັກ, ໂດຍສະເພາະແມ່ນບັນດາໝູ່ຄະນະ, ບຸກຄົນທີ່ມີພຶດຕິກຳປະຕິບັດບໍ່ຖືກຕາມຂໍ້ກຳນົດຂອງກົດລະບຽບພັກ, ປະຕິບັດຄຳສັ່ງ, ມະຕິຂອງຂັ້ນເທິງບໍ່ເຂັ້ມງວດ. ລະອຽດ, ໃນປີ 2024, ຄະນະບໍລິຫານງານອົງຄະນະພັກນະຄອນບວນມາທວດ ໄດ້ດຳເນີນການສຳຫຼວດກວດກາຄືນສະມາຊິກພັກ 3 ຄົນຢູ່ 3 ອົງຄະນະພັກທີ່ມີປະກົດການຂາດຄວາມສາມັກຄີ.

leftcenterrightdel
ສະມາຊິກພັກໜ່ວຍພັກການເມືອງ, ອົງຄະນະພັກການທະຫານນະຄອນບວນມາທວດ (ແຂວງດັກລັກ) ລະດົມຊາວໜູ່ມເຂົ້າເປັນທະຫານ. ພາບ: ກ່ຽວບິ່ງດິ້ງ

ໝາກຜົນການປະເມີນ, ຈັດອັນດັບອົງການຈັດຕັ້ງພັກ ແລະສະມາຊິກພັກ ປີ 2024 ຊີ້ໃຫ້ເຫັນວ່າ ການປະຕິບັດຂະບວນການແຂ່ງຂັນກໍ່ສ້າງຮູບແບບ “ໜ່ວຍພັກສີ່ດີ”, “ອົງຄະນະພັກຮາກຖານສີ່ດີ” ຢູ່ອົງຄະນະພັກນະຄອນ ບວນມາທວດ ໄດ້ມີການຫັນປ່ຽນຢ່າງຕັ້ງໜ້າໃນວຽກງານກໍ່ສ້າງພັກ. ມີຈຳນວນ 59/59 ອົງການຈັດຕັ້ງພັກຮາກຖານສຳເລັດໜ້າທີ່ເປັນຢ່າງດີຂຶ້ນໄປ; 100% ສະມາຊິກພັກກຸ່ມອົງການລັດສຳເລັດໜ້າທີ່ເປັນຢ່າງດີ; 91% ສະມາຊິກພັກກຸ່ມຕາແສງສຳເລັດໜ້າທີ່ເປັນຢ່າງດີ. ຫຼາຍອົງຄະນະພັກຕາແສງ ມີອັດຕາສ່ວນສະມາຊິກພັກສຳເລັດໜ້າທີ່ 98% ຂຶ້ນໄປ.

ແຕ່ປີ 2025 ຫາປີ 2028, ອົງຄະນະພັກນະຄອນບວນມາທວດ ກຳນົດວ່າ: ຍູ້ແຮງການປະຕິມະຕິສະບັບເລກທີ 21-NQ/TW ຂອງຄະນະບໍລິຫານງານສູນກາງພັກ ຊຸດທີ XIII ກ່ຽວກັບການ “ເພີ່ມທະວີການປັບປຸງ, ກໍ່ສ້າງອົງການຈັດຕັ້ງພັກຮາກຖານ ແລະຍົກສູງຄຸນນະພາບຖັນແຖວສະມາຊິກພັກ ໃນໄລຍະໃໝ່; ປະຕິບັດວຽກງານກຳນົດພະນັກງານ, ບຳລຸງກໍ່ສ້າງ ແລະນຳໃຊ້ພະນັກງານ, ສະມາຊິກພັກເປັນຢ່າງດີ; ດຳເນີນການກວດກາ, ປະເມີນອົງການຈັດຕັ້ງພັກຮາກຖານ ແລະສະມາຊິກພັກ ເພື່ອຍ້ອງຍໍສັນລະເສີນຢ່າງທັນການ, ແກ້ໄຂກໍລະນີລະເມີດລະບຽບກົດໝາຍຢ່າງເຂັ້ມງວດ. ເປົ້າໝາຍຂອງອົງຄະນະພັກນະຄອນບວນມາທວດ ແມ່ນສ້າງສະມາຊິກພັກແຕ່ລະຄົນໃຫ້ເປັນຢ່າງດີ ເພື່ອໃຫ້ມີໜ່ວຍພັກ, ອົງການຈັດຕັ້ງພັກທີ່ປອດໃສ, ໝັ້ນຄົງເຂັ້ມແຂງ.

ໂດຍ: ແສງເດືອນ