ຢູ່ສະໂມສອນຫໍວັດທະນະທຳຂອງບ້ານ, ພໍ່ແມ່ປະຊາຊົນເປັນຈຳນວນຫຼວງຫຼາຍໄດ້ມີໜ້າແຕ່ເຊົ້າ. ເນື້ອໃນການໂຄສະນາເຜີຍແຜ່ຄັ້ງນີ້ ໄດ້ສຸມໃສ່ບັນດາຂໍ້ກຳນົດຂອງກົດໝາຍກ່ຽວກັບການປ້ອງກັນ ແລະຕ້ານການເອົາຜົວເອົາເມຍເມື່ອອາຍຸບໍ່ທັນເຕັມກະສຽນ ແລະການແຕ່ງງານແບບເຊື້ອສາຍດຽວກັນ; ປ້ອງກັນ ແລະຕ້ານອຸບັດເຫດ ແລະການບາດເຈັບ ໂດຍສະເພາະການຈົມນ້ຳຂອງເດັກນ້ອຍ; ບໍ່ປະໃຫ້ລູກນ້ອງປະຮຽນ...
    |
 |
|
ພະນັກງານຄ້າຍທະຫານຊາຍແດນມົນເຊີນ ໂຄສະນາເຜີຍແຜ່ວຽກງານປ້ອງກັນ ແລະຕ້ານການເອົາຜົວເອົາເມຍ ເມື່ອອາຍຸບໍ່ທັນເຕັມກະສຽນໃຫ້ປະຊາຊົນບ້ານກໍຟາດ. ພາບ: ຫາຍເທື້ອງ |
ຮ້ອຍເອກພິເສດ ວີວັນບັ່ງ, ຫົວໜ້າກອງຂົນຂວາຍມະຫາຊົນ, ຄ້າຍທະຫານຊາຍແດນມົນເຊີນ ໃຫ້ຮູ້ວ່າ: “ບ້ານກໍຟາດ ແລະບ້ານບຸງ, ຕາແສງມົນເຊີນ ແມ່ນ 2 ບ້ານຢູ່ຫ່າງໄກຈາກໃຈກາງຕາແສງ, ປະຊາຊົນສ່ວນຫຼາຍແມ່ນຊາວເຜົ່າດານລາຍ ທີ່ດໍາລົງຊີວິດ, ມີຮີດຄອງປະເພນີຫຼ້າຫຼັງ, ອັດຕາຄອບຄົວທຸກຍາກຍັງສູງ. ສະນັ້ນ, ພວກຂ້າພະເຈົ້າ ຍາມໃດກໍ່ສຸມໃສ່ວຽກງານໂຄສະນາ, ເຜີຍແຜ່ ແລະສຶກສາອົບຮົມກົດໝາຍ ເພື່ອສ້າງການຫັນປ່ຽນໃນຄວາມຮັບຮູ້, ສະຕິປະຕິບັດກົດໝາຍຂອງປະຊາຊົນເທື່ອລະກ້າວ, ປະກອບສ່ວນສະກັດກັ້ນ ແລະຈຳກັດການກະທຳລະເມີດກົດໝາຍ.
ເພື່ອຍົກສູງປະສິດທິຜົນການໂຄສະນາເຜີຍແຜ່, ພວກຂ້າພະເຈົ້າ ນຳໃຊ້ຮູບແບບທີ່ເໝາະສົມຢ່າງມີໄຫວພິບ. ຕົວຢ່າງ: ເມື່ອໂຄສະນາເຜີຍແຜ່ກ່ຽວກັບການປ້ອງກັນ ແລະຕ້ານການເອົາຜົວເອົາເມຍເມື່ອອາຍຸບໍ່ທັນເຕັມກະສຽນ ແລະການແຕ່ງງານແບບເຊື້ອສາຍດຽວກັນ, ປ້ອງກັນ ແລະຕ້ານອຸບັດເຫດ ແລະການບາດເຈັບ, ເພື່ອໃຫ້ປະຊາຊົນເຂົ້າໃຈໄດ້ງ່າຍ, ເນື້ອໃນການໂຄສະນາເຜີຍແຜ່ຕ້ອງກະທັດຫັດ, ມີຕົວຢ່າງທີ່ໃກ້ຊິກກັບຊີວິດ, ເລື່ອງລາວລະອຽດທີ່ເກີດຂຶ້ນໃນບໍລິເວນ ແລະການນໍາໃຊ້ຫຼາຍຮູບພາບທີ່ມີຊີວິດຊີວາ... ຍ້ອນເຫດນັ້ນ, ພໍ່ແມ່ປະຊາຊົນໄດ້ຕິດຕາມຮັບຟັງ ແລະເປັນເຈົ້າການຮັບເອົາຄວາມຮູ້ຢ່າງຕັ້ງໜ້າ. ທ່ານ ລາວັນຕ໊າມ, ນາຍບ້ານກໍຟາດ ໃຫ້ຮູ້ວ່າ: ໃນບ້ານມີ 124 ຄອບຄົວດຳລົງຊີວິດ, ປະຈຸບັນ, ຍັງມີສະພາບເອົາຜົວເອົາເມຍເມື່ອອາຍຸບໍ່ທັນເຕັມກະສຽນ ແຕ່ໄດ້ຫຼຸດລົງຫຼາຍເມື່ອທຽບໃສ່ເມື່ອກ່ອນ. ການເຄື່ອນໄຫວໂຄສະນາໂດຍຄ້າຍທະຫານຊາຍແດນມົນເຊີນ ສົມທົບກັບທ້ອງຖິ່ນຈັດຕັ້ງມີເນື້ອໃນ ແລະຫຼັກຖານທີ່ແທດຈິງ, ຊ່ວຍໃຫ້ປະຊາຊົນຮັບຮູ້ໄດ້ຜົນຮ້າຍຂອງຮີດຄອງປະເພນີຫຼ້າຫຼັງນີ້ ສະນັ້ນ ພໍ່ແມ່ປະຊາຊົນໄດ້ຄ່ອຍໆເຂົ້າໃຈ ແລະບອກກັນບໍ່ລະເມີດກົດໝາຍ ".
ດ້ວຍທິດນໍາ “ຝົນລິນດິນຊຸ່ມດົນ”, ໃນໄລຍະມໍ່ໆມານີ້, ວຽກງານໂຄສະນາເຜີຍແຜ່, ສຶກສາອົບຮົມກົດໝາຍໂດຍພະນັກງານ, ນັກຮົບຄ້າຍທະຫານຊາຍແດນມົນເຊີນ ສົມທົບກັບທ້ອງຖິ່ນໄດ້ປະຕິບັດດ້ວຍຫຼາຍຮູບການທີ່ເໝາະສົມ, ເຊັ່ນ: ແຈກໃບປິວເຖິງປະຊາຊົນເມື່ອໄປເຮັດໄຮ່ເຮັດນາ, ໂຄສະນາເຜີຍແຜ່ໃນລະບົບໂທລະໂຄ່ງ ແລະໄປແຕ່ລະຄອບຄົວໃນບ້ານ ເພື່ອໂຄສະນາເຜີຍແຜ່ໂດຍກົງ... ພ້ອມດຽວກັນນັ້ນ, ຄ້າຍຍັງຈັດຕັ້ງໃຫ້ປະຊາຊົນລົງນາມໃນຄໍາໝັ້ນສັນຍາບໍ່ລະເມີດກົດຫມາຍ.
ເຂົ້າຮ່ວມການໂຄສະນາເຜີຍແຜ່ໂດຍກົງພ້ອມກັບບັນດາກຳລັງທະຫານຊາຍແດນ, ທ່ານນາງ ຮ່າທິເຮື໊ອງ, ເລຂາຄະນະຊາວໜຸ່ມຕາແສງ ມົນເຊີນ ແບ່ງປັນວ່າ: “ບັນດາອ້າຍທະຫານມີຄວາມສຸດຈິດສຸດໃຈ ແລະມີຫົວຄິດປະດິດສ້າງ. ເພື່ອຍົກສູງປະສິດທິຜົນວຽກງານໂຄສະນາເຜີຍແຜ່, ເມື່ອປະຊາຊົນເຕົ້າໂຮມຢູ່ສະໂມສອນ, ທະຫານ ແລະພະນັກງານອົງການຈັດຕັ້ງມະຫາຊົນທ້ອງຖິ່ນຍັງຈັດການລະຫຼິ້ນບັນເທີງ, ການຮ້ອງເພງລວມໝູ່... ເພື່ອສ້າງບັນຍາກາດເບີກບານມ່ວນຊື່ນ, ດຶງດູດການເຂົ້າຮ່ວມຂອງໄວໜຸ່ມ. ນອກຈາກນັ້ນ, ຄ້າຍທະຫານຊາຍແດນມົນເຊີນ ຍັງສົມທົບກັບທ້ອງຖິ່ນຊ່ວຍເຫຼືອພໍ່ແມ່ປະຊາຊົນພັດທະນາເສດຖະກິດດ້ວຍບັນດາຮູບແບບລະອຽດ, ຄື: ໜູນຊ່ວຍຕົ້ນໄມ້, ແນວພັນ, ສັດລ້ຽງ ແລະຈັດສົ່ງພະນັກງານລົງແນະນຳໂດຍກົງໃຫ້ປະຊາຊົນກ່ຽວກັບເຕັກນິກການລ້ຽງສັດ, ປູກຝັງ... ".
ໂດຍ: ທະນາພອນ