ດ້ຽນບຽນ: ທະຫານ, ທະຫານລາດ ຊ່ວຍໃຫ້ຊີວິດການເປັນຢູ່ຂອງປະຊາຊົນຢູ່ເຂດນໍ້າຖ້ວມ ກັບຄືນສູ່ສະພາບປົກກະຕິ
ກປ.ອອນໄລ - ວັນທີ 5 ສິງຫາ, ກອງບັນຊາການທະຫານເຂດ 2 ຍັງສືບຕໍ່ລະດົມພະນັກງານ, ນັກຮົບ 534 ຄົນ (ທະຫານ 257 ຄົນ, ທະຫານລາດ 277 ຄົນ), ລົດໂອໂຕຊະນິດຕ່າງໆ 30 ຄັນ ຊ່ວຍເຫຼືອປະຊາຊົນຢູ່ບາງຕາແສງຂອງແຂວງດ້ຽນບຽນ ເພື່ອແກ້ໄຂຜົນຮ້າຍຢ້ອນຫຼັງຈາກໄພນໍ້າຖ້ວມ.
    |
 |
|
ພະນັກງານ, ນັກຮົບກອງພັນໃຫຍ່ 82, ກອງພົນ 355 (ທະຫານເຂດ 2) ຊ່ວຍເຫຼືອປະຊາຊົນຕາແສງເຕ່ຍຢິ່ງ, ແຂວງດ້ຽນບຽນ ແກ້ໄຂຜົນຮ້າຍຢ້ອນຫຼັງຈາກໄພນໍ້າຖ້ວມ. ພາບ: ຮ່າແຄ໊ງ |
|
|
 |
|
ພະນັກງານ, ນັກຮົບກອງບັນຊາການທະຫານແຂວງດ້ຽນບຽນ ຊ່ວຍເຫຼືອຕາແສງຊາຢູງ ຟື້ນຟູເສັ້ນທາງຄົມມະນະຄົມ. ພາບ: ຮ່າແຄ໊ງ |
ຕາມນັ້ນແລ້ວ, ກໍາລັງຂອງກອງບັນຊາການທະຫານແຂວງດ້ຽນບຽນ ໄດ້ກໍ່ສ້າງເຮືອນພັກຊົ່ວຄາວ 27 ຫຼັງ, ຍົກຍ້າຍຊັບສິນ, ສ້ອມແປງເຮືອນຊານ, ລ້າງຂີ້ຕົມ, ດິນຊ່ວຍເຫຼືອ 118 ຄອບຄົວ ແລະ 2 ໂຮງຮຽນ; ເຄື່ອນຍ້າຍເຮືອນ 7 ຫຼັງ, ສ້ອມແປງເສັ້ນທາງ 4 ກິໂລແມັດ, ບຸກເບີກຄອງ; ສົມທົບກັບປະຊາຊົນເປີດເສັ້ນທາງລະຫວ່າງບ້ານ 3 ກິໂລແມັດ.
ພະນັກງານ, ນັກຮົບກອງພັນໃຫຍ່ 82, ກອງພົນ 355 ສືບຕໍ່ສົມທົບກັບບັນດາກໍາລັງ, ຄະນະພັກ, ອໍານາດການປົກຄອງທ້ອງຖິ່ນ ແກ້ໄຂຜົນຮ້າຍຢ້ອນຫຼັງຈາກໄພນໍ້າຖ້ວມຢູ່ບັນດາບ້ານ: ບ້ານສວຍລື 1, 2, 3 (ຕາແສງ ຊາຢູງ); ບ້ານປ່າວາດ 1, 2 (ຕາແສງເມ່ືອງລວນ) ແລະບ້ານເຕ່ຍມຸ່ງ, ຕາແສງເຕ່ຍຢິ່ງ, ແຂວງດ້ຽນບຽນ. ນີ້ແມ່ນບັນດາທ້ອງຖິ່ນທີ່ໄດ້ຮັບຄວາມເສຍຫາຍຢ່າງໜັກໜ່ວງຍ້ອນໄພນ້ຳຖ້ວມທີ່ຜ່ານມາ.
ໂດຍ: ໄຊນີດາ