ສຸມໃສ່ໜູນຊ່ວຍປະຊາຊົນເຂດຖືກນ້ຳແກ່ງນ້ຳຖ້ວມ ຢູ່ ເງະອານ
ທ່ານຮອງນາຍົກລັດຖະມົນຕີຫວຽດນາມ ມາຍວັນຈິງ ໄດ້ຊີ້ນຳໃຫ້ແຂວງ ຕ້ອງຈັດການລຳລຽງທັນຍາຫານ, ເຄື່ອງໃຊ້ທີ່ຈຳເປັນໃຫ້ແກ່ບັນດາຕາແສງ, ບ້ານທີ່ພວມຖືກຕັດຂາດຈາກພາຍນອກ, ບໍ່ປະໃຫ້ປະຊາຊົນຜູ້ໃດຖືກອຶດຫິວຍ້ອນຝົນຕົກນ້ຳແກ່ງນ້ຳຖ້ວມ.
    |
 |
|
ກຳລັງກອງທັບໜູນຊ່ວຍປະຊາຊົນ ເງະອານ ແກ້ໄຂຄວາມຫຍຸ້ງຍາກ. ພາບ: VOV |
ຮອດຕອນຄ່ຳວັນທີ 24 ກໍລະກົດ, ຍ້ອນຜົນສະທ້ອນຂອງສະພາບນ້ຳແກ່ງຖ້ວມຄັ້ງປະຫວັດສາດ, ໃນບໍລິເວນແຂວງເງະອານ ຍັງມີ 24 ຕາແສງຖືກຕັດຂາດຈາກພາຍນອກ. ຕາມການສະຖິຕິໃນເບື້ອງຕົ້ນ, ຢູ່ໃນແຂວງ ມີ 4 ຄົນເສຍຊີວິດ, 80.000 ຄົນຢູ່ເຂດໃຈກາງນ້ຳແກ່ງນ້ຳຖ້ວມຕ້ອງການໄດ້ຮັບການຊ່ວຍເຫຼືອ.
ໂດຍໄປກວດກາ, ຊີ້ນຳວຽກງານຮັບມື, ແກ້ໄຂສະພາບນ້ຳແກ່ງນ້ຳຖ້ວມຄັ້ງປະຫວັດສາດຢູ່ແຂວງ ເງະອານ ໂດຍກົງ, ວັນທີ 24 ກໍລະກົດ, ທ່ານຮອງນາຍົກລັດຖະມົນຕີ ຫວຽດນາມ ມາຍວັນຈິງ ໄດ້ຊີ້ນຳໃຫ້ແຂວງ ຕ້ອງຈັດການລຳລຽງທັນຍາຫານ, ເຄື່ອງໃຊ້ທີ່ຈຳເປັນໃຫ້ແກ່ບັນດາຕາແສງ, ບ້ານທີ່ພວມຖືກຕັດຂາດຈາກພາຍນອກ, ບໍ່ປະໃຫ້ປະຊາຊົນຜູ້ໃດຖືກອຶດຫິວຍ້ອນຝົນຕົກນ້ຳແກ່ງນ້ຳຖ້ວມ. ສູນກາງສະພາກາແດງຫວຽດນາມ ໄດ້ຕົກລົງໜູນຊ່ວຍໂດຍດ່ວນໃຫ້ແກ່ປະຊາຊົນເຂດຖືກນ້ຳແກ່ງນ້ຳຖ້ວມ ດ້ວຍຈຳນວນເງິນເກືອບ 650 ລ້ານດົ່ງ, ພ້ອມກັນນັ້ນກໍ່ຈັດສົ່ງຄະນະປະຕິບັດງານໄປຍັງທ້ອງຖິ່ນເພື່ອຢື້ຢາມຖາມຂ່າວ, ລະດົມກຳລັງໃຈ ແລະມອບເຄື່ອງຂອງໃຫ້ບັນດາຄອບຄົວທີ່ຖືກຜົນສະທ້ອນຢ່າງໜັກໜ່ວງ.
ແຫຼ່ງຄັດຈາກ: vovworld.vn