ຕາມນັ້ນແລ້ວ, ປີ 2025, ສະຖາບັນວິທະຍາສາດ ແລະເຕັກໂນໂລຊີການທະຫານ ໄດ້ເປັນເຈົ້າການຄົ້ນຄວ້າ, ນຳໃຊ້ຫົວຂໍ້ວິທະຍາສາດ ແລະເຕັກໂນໂລຊີ, ຂໍ້ລິເລີ່ມ, ການດັດແປງເຕັກນິກທີ່ມີປະສິດທິຜົນ ແລະມີຄຸນຄ່າຫຼາຍຢ່າງ; ການຜະລິດ, ປະດິດສ້າງສໍາເລັດຜະລິດຕະພັນປ້ອງກັນຊາດ, ຜະລິດຕະພັນພົນລະເຮືອນທີ່ມີຄຸນນະພາບສູງ ແລະອາວຸດໃໝ່ຫຼາຍຢ່າງທີ່ມີການສູ້ຮົບ-ເຕັກນິກສູງ, ເໝາະສົມກັບຄວາມຕ້ອງການການສູ້ຮົບທີ່ທັນສະໄໝຂອງກອງທັບ.

leftcenterrightdel
ການນໍາກົມວິທະຍາສາດການທະຫານ ມອບຂອງຂວັນທີ່ລະນຶກໃຫ້ສະຖາບັນວິທະຍາສາດ ແລະເຕັກໂນໂລຊີການທະຫານ. ພາບ: qdnd.vn

ໃນໄລຍະຈະມາເຖິງ, ສະຖາບັນ ຈະສືບຕໍ່ຊາບຊຶມ, ປະຕິບັດມະຕິ, ຄຳສັ່ງຂອງຂັ້ນເທິງຢ່າງເຂັ້ມງວດ, ຈຸດສຸມແມ່ນມະຕິເລກທີ 57-NQ/TW ຂອງກົມການເມືອງ, ມະຕິເລກທີ 3488-NQ/QUTW ຂອງຄະນະພັກການທະຫານສູນກາງ ກ່ຽວກັບການບຸກທະລຸໃນການພັດທະນາວິທະຍາສາດ ແລະເຕັກໂນໂລຊີ, ນະວັດຕະກຳ, ການຫັນເປັນດີຈີຕອນໃນກອງທັບ. ສຸມໃສ່ການຄົ້ນຄວ້າເຕັກໂນໂລຊີພື້ນຖານ, ເຕັກໂນໂລຊີທີ່ຫຼັກແຫຼ່ງທີ່ຮັບໃຊ້ໂດຍກົງຕໍ່ການພັດທະນາອາວຸດ, ອຸປະກອນທີ່ມີຄວາມໝາຍຍຸດທະສາດ, ປັບປຸງ, ດັດແປງອາວຸດ, ອຸປະກອນເປັນທັນສະໄໝເພື່ອຕອບສະໜອງຄວາມຮຽກຮ້ອງຕ້ອງການຂອງການກໍ່ສ້າງກອງທັບ. ເປັນເຈົ້າການຄົ້ນຄວ້າ, ນຳໃຊ້, ເປັນເຈົ້າຂອງເຕັກໂນໂລຊີທີ່ກ້າວໜ້າ, ທັນສະໄໝ ເຊັ່ນ: ເຕັກໂນໂລຊີນິວເຄຼຍ, ເຕັດໂນໂລຊີ quantum, ເຕັກໂນໂລຊີຊີວະພາບ… ໃນຂົງເຂດການທະຫານ.

ໂດຍ: ຈາງຫງວຽນ