ໃນຖະແຫຼງການຮ່ວມ, ທ່ານນາງ Penny Wong ລັດຖະມົນຕີກະຊວງການຕ່າງປະເທດອົດສະຕາລີ ແລະທ່ານນາງ Anne Aly ລັດຖະມົນຕີກະຊວງວິສາຫະກິດຂະໜາດນ້ອຍ, ພັດທະນາສາກົນ ແລະບັນດາບັນຫານາໆວັດທະນະທຳອົດສະຕາລີ ໄດ້ແບ່ງປັນຄວາມເຈັບປວດກັບຊາວຫວຽດນາມ ໃນໄລຍະຫຍຸ້ງຍາກນີ້; ຢືນຢັນຈະລະດົມບັນດາອົງການບໍ່ຂຶ້ນກັບລັດຖະບານຂອງອົດສະຕາລີ ຮັບຮອງເອົາໂຄງການຄູ່ຮ່ວມມືມະນຸດສະທຳອົດສະຕາລີ ເພື່ອປະຕິບັດບັນດາການເຄື່ອນໄຫວກູ້ຊ່ວຍ.

leftcenterrightdel
ທະຫານເຂົ້າຮ່ວມວຽກງານກູ້ຊີບ, ຊ່ວຍເຫຼືອປະຊາຊົນຜ່ານຜ່າຜົນຮ້າຍຢ້ອນຫຼັງຈາກໄພນ້ຳຖ້ວມພາຍຫຼັງພາຍຸ ລູກທີ 11 (ພາຍຸ Matmo). ພາບ: qdnd.vn

ໃນຖານະເປັນຄູ່ຮ່ວມມືທີ່ໄວ້ເນື້ອເຊື່ອໃຈ, ສອງລັດຖະມົນຕີ ກໍ່ເນັ້ນໜັກວ່າ: ອົດສະຕາລີ ຈະສົມທົບຢ່າງແໜ້ນແຟ້ນກັບລັດຖະບານຫວຽດນາມ ໃນການຜັນຂະຫຍາຍການໜູນຊ່ວຍນີ້. ທ່ານນາງ Penny Wong ໃຫ້ຮູ້ວ່າ: “ພວກຂ້າພະເຈົ້າ ຮູ້ວ່າ ການຟື້ນຟູຫຼັງພາຍຸຈະຕ້ອງໃຊ້ເວລາຫຼາຍ ແລະໃນຖານະເປັນເພື່ອນມິດ, ຄູ່ຮ່ວມມືທີ່ມີມາແຕ່ດົນນານແລ້ວ, ອົດສະຕາລີ ຈະຄຽງບ່າຄຽງໄຫຼ່ພ້ອມກັບຫວຽດນາມ ໃນໄລຍະຫຍຸ້ງຍາກນີ້... ອົດສະຕາລີ ຈະສືບຕໍ່ຮ່ວມມືກັບຫວຽດນາມ ໃນຄວາມມານະພະຍາຍາມຊ່ວຍເຫຼືອສຸກເສີນ ແລະເພີ່ມທະວີຄວາມສາມາດຕ້ານທານກັບໄພທໍາມະຊາດ”.

ໂດຍ: ຈາງຫງວຽນ