ກອງພົນ 968 (ທະຫານເຂດ 4) ແລະກອງພົນທີ 4 (ກອງທັບປະຊາຊົນລາວ) ຈັດຕັ້ງກອງປະຊຸມປະຈໍາປີ 2025
ກປ.ອອນໄລ - ຕອນບ່າຍວັນທີ 28 ສິງຫາ, ຢູ່ແຂວງກວາງຈິ, ກອງພົນ 968 (ທະຫານເຂດ 4) ແລະກອງພົນທີ 4 (ກອງທັບປະຊາຊົນລາວ) ໄດ້ຈັດຕັ້ງກອງປະຊຸມປະຈໍາປີ 2025. ທ່ານພັນເອກພິເສດ ເລຈ໊ຽນຖັ໊ງ, ຫົວໜ້າການທະຫານກອງພົນ 968 ແລະທ່ານພົນຈັດຕະວາ ຂັນທີ ສະໜາມອຸ່ນ, ຫົວໜ້າການທະຫານ ກອງພົນທີ 4 (ກອງທັບປະຊາຊົນລາວ) ເປັນປະທານຮ່ວມກອງປະຊຸມດັ່ງກ່າວ.
ດ້ວຍອາລົມຈິດອັນອົບອຸ່ນ, ເຕັມໄປດ້ວຍນໍ້າໃຈມິດຕະພາບ, ຄວາມສາມັກຄີແບບພິເສດ, ການນໍາສອງກົມກອງ ໄດ້ແຈ້ງໃຫ້ກັນຮັບຊາບ ກ່ຽວກັບໝາກຜົນທີ່ບັນລຸໄດ້ໃນການປະຕິບັດໜ້າທີ່ການທະຫານ, ການປ້ອງກັນຊາດ ປີ 2024 ແລະຊຸມເດືອນຕົ້ນປີ 2025 ຂອງສອງກົມກອງ ກໍຄື ສະພາບການດ້ານເສດຖະກິດ, ສັງຄົມຂອງແຕ່ລະປະເທດ.
    |
 |
|
ບັນຍາກາດທີ່ກອງປະຊຸມ. ພາບ: qdnd.vn |
ການນໍາສອງກົມກອງ ໄດ້ຕີລາຄາໝາກຜົນການສົມທົບປະຕິບັດວຽກງານພົວພັນຕ່າງປະເທດດ້ານການທະຫານ, ການປ້ອງກັນຊາດຂອງສອງກົມກອງ ໃນປີ 2024.
ທີ່ກອງປະຊຸມ, ສອງກົມກອງໄດ້ແລກປ່ຽນ ແລະເຫັນດີເປັນເອກະສັນ ລົງນາມໃນຂໍ້ຕົກລົງປະຕິບັດຫຼາຍເນື້ອໃນສົມທົບກັນເຄື່ອນໄຫວໃນ ປີ 2025, ໂດຍຈຸດສຸມແມ່ນສືບຕໍ່ຮັກສາ, ພັດທະນາການພົວພັນຮ່ວມມື, ແລກປ່ຽນຂໍ້ມູນຂ່າວສານບົດຮຽນປະສົບການ ໃນການຝຶກແອບ, ກຽມພ້ອມສູ້ຮົບ, ກໍ່ສ້າງກໍາລັງຫຼວງ, ຝຶກຝົນຫຼໍ່ຫຼອມລະບຽບວິໄນ, ເພີ່ມພູນຜະລິດຜົນ, ກໍ່ສ້າງກົມກອງໃຫ້ໝັ້ນຄົງເຂັ້ມແຂງຮອບດ້ານ, ສົມທົບກັນບໍາລຸງສ້າງພາສາຫວຽດ, ພາສາລາວ ໃຫ້ແກ່ພະນັກງານສອງກົມກອງ...
|
|
 |
|
ລົງນາມໃນບົດບັນທຶກຂໍ້ຕົກລົງປະຕິບັດບັນດາເນື້ອໃນສົມທົບກັນເຄື່ອນໄຫວ ປີ 2025. ພາບ: qdnd.vn |
ໃນໂອກາດນີ້, ຄະນະປະຕິບັດງານຂອງກອງພົນທີ 4 ໄດ້ມອບກະຕ່າດອກໄມ້, ຂອງຂວັນ ແລະສົ່ງຄໍາອວຍພອນອັນດີງາມ ມາຍັງພະນັກງານ, ນັກຮົບກອງພົນ 968. ພາຍຫຼັງກອງປະຊຸມ, ຄະນະປະຕິບັດງານຂອງກອງພົນທີ 4 ໄດ້ໄປຢ້ຽມຢາມເຂດເພີ່ມພູນຜະລິດຜົນ, ລ້ຽງສັດ ຂອງກອງພັນທີ 6, ກອງພັນໃຫຍ່ 19, ກອງພົນ 986.
ໂດຍ: ທູຈາງ