ຂະແໜງອຸດສາຫະກຳປ້ອງກັນຊາດຫວຽດນາມ ສາມາດເປັນເຈົ້າການຕໍ່ກຳປັ່ນການທະຫານທັນສະໄໝປະເພດຕ່າງໆ

ເຫຼົ່າທັບເຮືອ ໄດ້ຮັບຄວາມເອົາໃຈໃສ່ລົງທຶນກໍ່ສ້າງກ້າວເຂົ້າສູ່ທັນສະໄໝຈາກພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ. ເພື່ອຕອບສະໜອງຄວາມຮຽກຮ້ອງຕ້ອງການໜ້າທີ່ວຽກງານໃນສະພາບການໃໝ່; ດ້ວຍຄວາມສາມາດເປັນເຈົ້າການຄົ້ນຄວ້າ ແລະຜະລິດອາວຸດຍຸດໂທປະກອນ ແລະເຕັກນິກທີ່ທັນສະໄໝຂອງຂະແໜງອຸດສາຫະກຳປ້ອງກັນຊາດ, ການພັດທະນາທຸກພາກສ່ວນຂອງກຳລັງຢ່າງຄົບຖ້ວນ, ໂດຍສະເພາະແມ່ນການຄົ້ນຄວ້າ ແລະພັດທະນາກຳປັ່ນການທະຫານລຸ້ນໃໝ່ປະເພດຕ່າງໆ, ຈຶ່ງແມ່ນໜ້າທີ່ທີ່ຈຳເປັນ ແລະສຳຄັນ.

ທ່ານພົນໂທ  ຟ້າມຮວ່າຍນາມ ເປັນປະທານກອງປະຊຸມ. ພາບ: qdnd.vn

ໃນໄລຍະຜ່ານມາ, ຜັນຂະຫຍາຍໂຄງການກະທໍາຂອງລັດຖະບານ, ແຜນການຂອງກະຊວງປ້ອງກັນປະເທດ ກ່ຽວກັບການປະຕິບັດມະຕິສະບັບເລກທີ 08-NQ/TW ລົງວັນທີ 26 ມັງກອນ 2022 ຂອງກົມການເມືອງ ກ່ຽວກັບ “ຍູ້ແຮງການພັດທະນາອຸດສາຫະກຳປ້ອງກັນຊາດຮອດປີ 2030 ແລະຊຸມປີຕໍ່ໄປ” ແລະບັນດາໂຄງການ, ໂຄງຮ່າງກ່ຽວກັບການຕໍ່ກຳປັ່ນການທະຫານໃໝ່ໃຫ້ບັນດາກໍາລັງປົກປັກຮັກສາອະທິປະໄຕເຂດທະເລ, ໝູ່ເກາະ, ກົມໃຫຍ່ອຸດສາຫະກໍາປ້ອງກັນຊາດໄດ້ສົມທົບກັບເຫຼົ່າທັບເຮືອ ແລະກຸ່ມບໍລິສັດອຸດສາຫະກຳ-ໂທລະຄົມກອງທັບ ໄດ້ຄົ້ນຄວ້າ, ອອກແບບ, ຜະລິດກຳປັ່ນການທະຫານຫຼາຍລຳ.

ບັນຍາກາດທີ່ກອງປະຊຸມ. ພາບ: qdnd.vn

ກ່າວຄຳເຫັນສະຫຼຸບກອງປະຊຸມ, ທ່ານພົນໂທ  ຟ້າມຮວ່າຍນາມ ຍ້ອງຍໍຊົມເຊີຍບັນດາອົງການ, ກົມກອງໄດ້ເປັນເຈົ້າການຄົ້ນຄວ້າ ແລະອອກແບບກຳປັ່ນການທະຫານຕາມການຊີ້ນຳຂອງກະຊວງປ້ອງກັນປະເທດ. ເພື່ອຜັນຂະຫຍາຍການອອກແບບ ແລະຕໍ່ກຳປັ່ນການທະຫານລໍາໃໝ່ ຮັບປະກັນຄຸນນະພາບ, ຕອບສະໜອງໄດ້ຄວາມຮຽກຮ້ອງຕ້ອງການໜ້າທີ່ຂອງເຫຼົ່າທັບເຮືອ, ທ່ານພົນໂທ  ຟ້າມຮວ່າຍນາມ ໄດ້ຮຽກຮ້ອງກົມໃຫຍ່ອຸດສາຫະກຳປ້ອງກັນຊາດ ຊີ້ນຳສະຖາບັນອອກແບບກຳປັ່ນການທະຫານ ສົມທົບກັບສະຖາບັນເຕັກນິກທະຫານເຮືອ (ເຫຼົ່າທັບເຮືອ) ແລະໂຮງງານຕໍ່ກຳປັ່ນແຫ່ງຕ່າງໆ ເພື່ອຮັບເອົາເອກະສານອອກແບບ, ຄົ້ນຄວ້າ ແລະສະເໜີແຜນການອອກແບບ, ຕໍ່ກໍາປັ່ນການທະຫານລໍາໃໝ່ ຮັບປະກັນໃຫ້ໝາະສົມກັບຄວາມຕ້ອງການສູ້ຮົບຂອງເຫຼົ່າທັບເຮືອ ຢ່າງສຸດຂີດ; ສ້າງສໍາເລັດໂຄງປະກອບ, ລັກສະນະດ້ານເຕັກນິກ, ຍຸດທະວິທີພື້ນຖານເພື່ອລາຍງານໃຫ້ຂັ້ນເທິງອະນຸມັດຜ່ານ ...

ໂດຍ: ທະນາພອນ