ພົນໂທ ຮ່ວາງຊວນຈ໊ຽນ ພົບປະສັງສັນກອງທະຫານບັນດາປະເທດເຂົ້າຮ່ວມເດີນຂະບວນສວນສະໜາມ ໃນໂອກາດວັນຊາດ ທີ 2 ກັນຍາ
ກປ.ອອນໄລ - ຕອນບ່າຍວັນທີ 29 ສິງຫາ, ກະຊວງປ້ອງກັນປະເທດ ໄດ້ຈັດຕັ້ງການພົບປະສັງສັນກອງທະຫານບັນດາປະເທດ, ຄື: ຈີນ, ລັດເຊຍ, ລາວ, ກໍາປູເຈຍ ທີ່ເຂົ້າຮ່ວມເດີນຂະບວນສວນສະໜາມ ທີ່ພິທີສະເຫຼີມສະຫຼອງ 80 ປີ ແຫ່ງການປະຕິວັດເດືອນສິງຫາ ປະສົບຜົນສໍາເລັດ ແລະວັນຊາດ ແຫ່ງ ສສ ຫວຽດນາມ. ທ່ານພົນໂທ ຮ່ວາງຊວນຈ໊ຽນ, ຮອງລັດຖະມົນຕິກະຊວງປ້ອງກັນປະເທດຫວຽດນາມ ເປັນປະທານການພົບປະສັງສັນດັ່ງກ່າວ.
ທີ່ການພົບປະສັງສັນ, ທ່ານພົນໂທ ຮ່ວາງຊວນຈ໊ຽນ ສະແດງຄວາມຊົມເຊີຍນາຍທະຫານຂອງກອງທັບປົດປ່ອຍປະຊາຊົນຈີນ, ກໍາລັງປະກອບອາວຸດ ສະຫະພັນ ລັດເຊຍ, ກອງທັບປະຊາຊົນລາວ ແລະກອງທັບ ແຫ່ງລາຊະອານາຈັກ ກໍາປູເຈຍ ມາເດີນຂະບວນສວນສະໜາມຢູ່ຫວຽດນາມ.
    |
 |
|
ຄະນະກອງທັບບັນດາປະເທດ ເຂົ້າຮ່ວມການພົບປະສັງສັນ. ພາບ: qdnd.vn |
ທ່ານພົນໂທ ຮ່ວາງຊວນຈ໊ຽນ ຢືນຢັນວ່າ ການເຂົ້າຮ່ວມຂອງນາຍທະຫານບັນດາປະເທດ ໃນພິທີສະເຫຼີມສະຫຼອງຈະມາເຖິງຢູ່ສະໜາມຫຼວງບາດິ່ງປະຫວັດສາດແມ່ນສັນຍາລັກຂອງຈິດໃຈສາມັກຄີຊົນຊາດ, ຄວາມສາມັກຄີສາກົນ, ເພື່ອເປົ້າໝາຍສັນຕິພາບ, ການຮ່ວມມື, ມິດຕະພາບ ແລະການພັດທະນາ. ນີ້ກໍແມ່ນໂອກາດເພື່ອໃຫ້ຫວຽດນາມ ຮັບຮູ້ ແລະເຊີດຊູດານຊ່ວຍເຫຼືອຢ່າງສຸດຈິດສຸດໃຈຂອງເພື່ອນມິດສາກົນຕໍ່ກັບພາລະກິດຕໍ່ສູ້ປົດປ່ອຍຊາດຂອງປະຊາຊົນຫວຽດນາມ.
|
|
 |
|
ຄະນະກອງທັບ ແຫ່ງລາຊະອານາຈັກ ກໍາປູເຈຍ. ພາບ: qdnd.vn |
|
|
 |
|
ຄະນະກອງທັບປະຊາຊົນລາວ. ພາບ: qdnd.vn |
|
|
 |
|
ຄະນະກໍາລັງປະກອບອາວຸດ ສະຫະພັນ ລັດເຊຍ. ພາບ: qdnd.vn |
|
|
 |
|
ຄະນະກອງທັບປົດປ່ອຍປະຊາຊົນຈີນ. ພາບ: qdnd.vn |
ກະຊວງປ້ອງກັນປະເທດຫວຽດນາມ ຮັບຮູ້, ຕີລາຄາສູງເຈດຈໍານົງຕັດສິນໃຈ, ຄວາມມານະພະຍາຍາມຝຶກແອບຂອງພະນັກງານ, ນັກຮົບຂອງກອງທັບບັນດາປະເທດ. ບັນດານາຍທະຫານໄດ້ມານະພະຍາຍາມຜ່ານຜ່າຄວາມຫຍຸ້ງຍາກດ້ານອາກາດ, ຄວາມກົດດັນກ່ຽວກັບເວລາ, ເງື່ອນໄຂດໍາເນີນຊີວິດ... ເພື່ອຜັນຂະຫຍາຍການຝຶກແອບຮ່ວມໃນກ້ອນກໍາລັງເດີນຂະບວນສວນສະໜາມຂອງຫວຽດນາມ.
|
|
 |
|
ຜູ້ແທນຖ່າຍຮູບເປັນທີ່ລະນຶກ. ພາບ: qdnd.vn |
ບົນຈິດໃຈນັ້ນ, ທ່ານພົນໂທ ຮ່ວາງຊວນຈ໊ຽນ ເຊື່ອໝັ້ນວ່າ, ນາຍທະຫານບັນດາປະເທດພ້ອມກັບກອງທັບປະຊາຊົນຫວຽດນາມ ຈະປະຕິບັດສໍາເລັດໜ້າທີ່ ທີ່ໄດ້ຮັບມອບໝາຍເປັນຢ່າງດີ, ປະກອບສ່ວນເຂົ້າໃນຜົນສໍາເລັດຂອງພິທີ.
ໂດຍ: ທູຈາງ