ກ່າວຄໍາເຫັນທີ່ພິທີໄຂ, ຕາງໜ້າການນໍາກະຊວງປ້ອງກັນປະເທດ, ທ່ານພົນໂທ ຝຸ່ງສີເຕີນ ຂອບໃຈ ການາດາ ແລະບັນດາປະເທດຄູ່ຮ່ວມມືທີ່ໄດ້ໜູນຊ່ວຍຫວຽດນາມ ໃນການເຂົ້າຮ່ວມການຮັກສາສັນຕິພາບສະຫະປະຊາຊາດ (ສປຊ); ປາດຖະໜາຢາກສືບຕໍ່ເພີ່ມທະວີການຮ່ວມມືໃນໄລຍະຈະມາເຖິງ ເພື່ອປະກອບສ່ວນໃຫ້ການເຄື່ອນໄຫວນີ້ໃຫ້ມີປະສິດທິຜົນກວ່າອີກ.

leftcenterrightdel
ທ່ານພົນໂທ ຝຸ່ງສີເຕີນ ແລກປ່ຽນກັບທ່ານນາງ Leigh McCumber ແລະຜູ້ແທນ. ພາບ: ມາຍງວຽນ

ດໍາເນີນໃນລະຫວ່າງວັນທີ 2 ຫາວັນທີ 6 ມິຖຸນາ, ຊຸດຝຶກອົບຮົມມີການເຂົ້າຮ່ວມຂອງອາຈານ, ຜູ້ປະສານງານ ແລະນັກສໍາມະນາກອນ 47 ຄົນທີ່ມາຈາກບັນດາປະເທດໃນຂອບເຂດລາຍການຮ່ວມມື ແລະກໍ່ສ້າງການທະຫານຂອງການາດາ (MTCP). ຊຸດຝຶກອົບຮົມເພື່ອແນໃສ່ປະກອບຄວາມຮູ້, ແບ່ງປັນບົດຮຽນກ່ຽວກັບການເພີ່ມທະວີການເຂົ້າຮ່ວມຂອງແມ່ຍິງ, ບັນຫາສະເໝີພາບລະຫວ່າງຍິງ ແລະຊາຍ ແລະໂຄງການດໍາເນີນງານແມ່ຍິງ, ສັນຕິພາບ ແລະຄວາມໝັ້ນຄົງ (WPS) ໃນກອງທັບກໍ່ຄືການເຄື່ອນໄຫວຮັກສາສັນຕິພາບ ສປຊ ໃຫ້ບັນດານາຍທະຫານຂອງຫວຽດນາມ ແລະບັນດາປະເທດຄູ່ຮ່ວມມືໃນຂອບເຂດ MTCP. ຜ່ານນັ້ນໝູນໃຊ້ໃນວຽກງານເປັນເສນາທິການ, ແຜນການ ແລະກະກຽມກໍາລັງຜັນຂະຫຍາຍເຂົ້າຮ່ວມການເຄື່ອນໄຫວສັນຕິພາບ ສປຊ.

ໂດຍ: ໄຊນີດາ