ໃນຕອນເຊົ້າ, ຄະນະປະຕິບັດງານ ໄດ້ຜັນຂະຫຍາຍ 3 ທີມດໍາເນີນວຽກງານກູ້ໄພ, ກູ້ຊີບ ຢູ່ທີ່ໂຮງໝໍ Ottara Thiri. ພັນໂທ ເຈິ່ນຈູງຢູງ ຮອງຫົວໜ້າເສນາທິການກອງພົນນ້ອຍ 229, ຫົວໜ້າກອງກອບກູ້ພັງລົງ, ເຫຼົ່າທັບຊ່າງແສງ ໃຫ້ຮູ້ວ່າ, ບັນດາແປງລົງພື້ນ, ພື້ນໂຮງໝໍໄດ້ກໍ່ສ້າງດ້ວຍເປຕົງ, ເສົາເຫຼັກກ້າທີ່ແຂງຫຼາຍ, ສະນັ້ນກອງຊ່າງແສງຕ້ອງໃສ່ຈັກເຈາະ, ຕັດເປຕົງ ແລະຈັກຕັດເຫຼັກເພື່ອສ້າງທາງໄປ, ແຕ່ຈາກນັ້ນໄປຮອດບ່ອນຜູູູ້ຖືກເຄາະຮ້າຍຖືກໜິບຢູ່. ມາຮອດຕອນປ່າຍວັນດຽວກັນ, ຄະນະໄດ້ສົ່ງ 6 ອັດຖິອອກຈາກນອກ. ຢູ່ທີ່ໂຮງໝໍ Ottara Thiri, ຄະນະໄດ້ສ້າງຕັ້ງທີມການແພດ ຊ່ວຍກູ້ໄພພິບັດ ດ້ວຍເຄື່ອງຈັກ ເພື່ອກວດ, ປິ່ນປົວພະຍາດ, ແຈກຢຸກຢາໃຫ້ປະຊາຊົນ ກໍ່ຄືກໍາລັງກອບກູ້ປະຈໍາຖ່ິນໂດຍບໍ່ເສຍຄ່າ.

leftcenterrightdel
ກອງຊ່າງແສງ ນໍາໃຊ້ບັນດາອຸປະກອນ ເພື່ອສ້າງທາງເພື່ອນໍາເອົາຜູ້ຖືກເຄາະຮ້າຍອອກນອກຢູ່ໂຮງໝໍ Ottara Thiri. ພາບ: ແມ໊ງຮຸ່ງ

ພິເສດ, ຕອນທ່ຽງວັນທີ 2 ເມສາ, ພາຍຫຼັງໄດ້ຮັບຂ່າວມີຜູ້ຖືກເຄາະຮ້າຍຖືກໜິບຢູ່ໂຮງແຮມ Aye Chan Thar ຢູ່ Naypyidaw ແຕ່ຍັງມີຊີວິດຢູ່, ຄະນະປະຕິບັດງານຂອງກອງທັບປະຊາຊົນຫວຽດນາມ ໄດ້ຈັດສົ່ງໜຶ່ງທີມຊ່າງແສງ ແລະແພດທະຫານ ໄປສົມທົບກັບກໍາລັງກູ້ຊີບຂອງຕວັກກີ ແລະມຽນມາ ຂຶ້ນວີທີການກອບກູ້. ມາຮອດເວລາ 14 ໂມງ ຂອງວັນດຽວກັນ (ຕາມເວລາທ້ອງຖິ່ນ), ຜູ້ຖືກເຄາະຮ້າຍໄດ້ເອົາອອກໄປນອກ ເຊິ່ງມີສຸຂະພາບທີ່ດີ.

ໂດຍ: ໄຊນີດາ