ກຳລັງຊ່ວຍກູ້ແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວຂອງກອງທັບປະຊາຊົນຫວຽດນາມ ໄປຮອດມຽນມາ
ກປ.ອອນໄລ - ຕອນຄ່ຳວັນທີ 30 ມີນາ, ຍົນບັນຈຸຄະນະກອງທັບປະຊາຊົນຫວຽດນາມ ລວມມີພະນັກງານນາຍ ແລະພົນທະຫານ 80 ຄົນໄດ້ໄປຮອດມຽນມາ ເພື່ອໜູນຊ່ວຍແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວໄດ້ລົງຈອດຢູ່ສະໜາມບິນສາກົນ Yangon ຂອງມຽນມາ.
ຕ້ອນຮັບຄະນະມີຜູ້ຕາງໜ້າອຳນາດການປົກຄອງທ້ອງຖິ່ນ, ເອກອັກຄະລັດຖະທູດຫວຽດນາມ ປະຈຳ ມຽນມາ, ທີ່ປຶກສາທູດປ້ອງກັນຊາດຫວຽດນາມ ພ້ອມກັບພະນັກງານ, ລັດຖະກອນສະຖານທູດຫວຽດນາມ ປະຈຳ ມຽນມາ.
    |
 |
|
ກຳລັງຊ່ວຍກູ້ແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວຂອງກອງທັບປະຊາຊົນຫວຽດນາມ ໄປຮອດສະໜາມບິນສາກົນ Yangon ຂອງປະເທດມຽນມາ. ພາບ: qdnd.vn |
|
|
 |
|
ພະນັກງານ, ລັດຖະກອນສະຖານທູດຫວຽດນາມ ປະຈຳ ມຽນມາ ຕ້ອນຮັບຄະນະທີ່ສະໜາມບິນ. ພາບ: qdnd.vn |
|
|
 |
|
ທ່ານພົນຈັດຕະວາ ຟ້າມວັນຕິ, ຫົວໜ້າຄະນະຜູ້ແທນຫວຽດນາມ ແລກປ່ຽນກັບເຈົ້າຄອງນະຄອນ Yangon. ພາບ: qdnd.vn |
ແລກປ່ຽນກັບທ່ານ U Soe Thein ເຈົ້າຄອງນະຄອນ Yangon ທີ່ສະໜາມບິນ, ທ່ານພົນຈັດຕະວາ ຟ້າມວັນຕິ, ຫົວໜ້າຄະນະຜູ້ແທນຫວຽດນາມ ໄດ້ແບ່ງປັນຄວາມເສົ້າສະຫຼົດຢ່າງສຸດຊື້ງກັບມຽນມາ ຕໍ່ການເສຍຫາຍຢ່າງໜັກໜ່ວງຈາກເຫດແຜ່ນດິນໄຫວໃນວັນທີ 28 ມີນາ ກໍ່ຂຶ້ນ, ພ້ອມກັນນັ້ນຫວັງວ່າມຽນມາ ຈະຟື້ນຟູຈາກໄພພິບັດໂດຍໄວ. ເຈົ້າຄອງນະຄອນ Yangon ຂອບໃຈກອງທັບປະຊາຊົນຫວຽດນາມ ທີ່ໄດ້ສົ່ງກຳລັງໄປໜູນຊ່ວຍມຽນມາ ແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວຢ່າງວ່ອງໄວ ແລະເນັ້ນໜັກວ່າ ສິ່ງດັ່ງກ່າວໄດ້ສະແດງໃຫ້ເຫັນອາລົມຈິດອັນດີງາມລະຫວ່າງສອງປະເທດ ແລະປະຊາຊົນສອງປະເທດ.
|
|
 |
|
ກຳລັງຊ່ວຍກູ້ແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວຂອງຫວຽດນາມ ຢູ່ສະໜາມບິນສາກົນ Yangon. ພາບ: qdnd.vn |
ພາຍຫຼັງໄປຮອດສະໜາມບິນ, ຄະນະກອງທັບປະຊາຊົນຫວຽດນາມ ໄດ້ສືບຕໍ່ເດີນທາງດ້ວຍລົດໂອໂຕໄປຍັງຈຸດເຕົ້າໂຮມຢູ່ນະຄອນຫຼວງ Naypyidaw, ຫ່າງຈາກນະຄອນ Yangon ປະມານ 450 ກິໂລແມັດ ເພື່ອແລກປ່ຽນ, ສົມທົບກັບຝ່າຍປະເທດເພື່ອນຜັນຂະຫຍາຍແຜນການຊອກຫາຜູ້ປະສົບເຄາະຮ້າຍ.
ໂດຍ: ທະນາພອນ