ທົ່ວກອງທັບເປັນເຈົ້າການກໍາແໜ້ນສະພາບການ, ແກ້ໄຂບັນດາກໍລະນີຢ່າງທັນການ ແລະມີປະສິດທິຜົນ

ບົດລາຍງານທີ່ກອງປະຊຸມໄດ້ຢືນຢັນວ່າ, ໃນເດືອນມີນາ, ກົມໃຫຍ່ເສນາທິການໄດ້ຊີ້ນຳທົ່ວກອງທັບຜັນຂະຫຍາຍ, ປະຕິບັດບັນດາໜ້າທີ່ສຳເລັດຜົນເປັນຢ່າງດີ; ຮັກສາລະບອບກຽມພ້ອມສູ້ຮົບຢ່າງເຂັ້ມງວດ, ກໍາແໜ້ນສະຖານະການ, ເປັນເສນາທິການຢ່າງທັນການ, ແກ້ໄຂບັນດາກໍລະນີຢ່າງມີປະສິດທິພາບ, ບໍ່ປະໃຫ້ຕົກຢູ່ໃນທ່າຮັບໂດຍບັງເອີນ; ປະຕິບັດວຽກງານລາດຕະເວນ, ຄວບຄຸມ ແລະສະກັດກັ້ນການເຂົ້າ-ອອກເມືອງຢູ່ຊາຍແດນ, ທະເລ, ໝູ່ເກາະຜິດກົດໝາຍເປັນຢ່າງດີ;...

ທ່ານພົນເອກ ຫງວຽນເຕິນເກືອງ ເປັນປະທານກອງປະຊຸມ. ພາບ: qdnd.vn

ສະຫຼຸບກອງປະຊຸມ, ທ່ານພົນເອກ ຫງວຽນເຕິນເກືອງ ໄດ້ຍ້ອງຍໍຊົມເຊີຍບັນດາຜົນງານພົ່ນເດັ່ນໃນການປະຕິບັດໜ້າທີ່ຂອງບັນດາອົງການ, ກົມກອງ. ໃນເດືອນ ເມສາ ແລະໄລຍະຕໍ່ໄປ, ທ່ານພົນເອກ ຫງວຽນເຕິນເກືອງ ຮຽກຮ້ອງໃຫ້ທົ່ວກອງທັບສືບຕໍ່ຮັກສາລະບອບກຽມພ້ອມສູ້ຮົບຢ່າງເຂັ້ມງວດ, ຕິດຕາມ ແລະກໍາແໜ້ນສະພາບການຢ່າງແໜ້ນແຟ້ນ, ພິເສດແມ່ນບັນດາບໍລິເວນຈຸດສຸມ; ເພີ່ມທະວີການລາດຕະເວນຄວບຄຸມ, ສະກັດກັ້ນການເຂົ້າ-ອອກເມືອງຢູ່ເສັ້ນຊາຍແດນ, ທະເລ ແລະໝູ່ເກາະຢ່າງຜິດກົດໝາຍ;...

ຮັບປະກັນຂໍ້ມູນຂ່າວສານທາງດ້ານພູມສັນຖານ ແລະພູມສາດ, ການສື່ສານ ແລະກົດລັບຢ່າງຄົບຖ້ວນ ແລະທັນການ ເພື່ອຮັບໃຊ້ວຽກງານຊີ້ນໍາ ນໍາພາ; ເພີ່ມທະວີການຄວບຄຸມຂໍ້ມູນຂ່າວສານທາງອິນເຕີແນັດ... ຈັດຕັ້ງການຝຶກແອບ, ງານແຂ່ງຂັນ, ງານມະໂຫລານກິລາໃຫ້ບັນດາເປົ້າໝາຍຮັບປະກັນຢ່າງແໜ້ນແຟ້ນ, ຖືກຕາມລະບຽບການ; ຮັກສາລະບອບປະຈໍາການກູ້ຊີບ ກູ້ໄພຢູ່ທຸກຂັ້ນຢ່າງເຂັ້ມງວດ, ເປັນເຈົ້າການກໍາແໜ້ນສະພາບການ, ເປັນເສນາທິການ, ສະເໜີແກ້ໄຂບັນດາກໍລະນີຢ່າງທັນການ, ມີປະສິດທິຜົນ...

ກ່ຽວກັບວຽກງານຈັດຕັ້ງກຳລັງ, ທ່ານພົນເອກ ຫງວຽນເຕິນເກືອງ ໃສ່ໃຈວ່າ ຕ້ອງສຸມໃສ່ປັບປຸງໂຄງການສືບຕໍ່ຊັບຊ້ອນອົງການການທະຫານທ້ອງຖິ່ນໃຫ້ ສົມບູນແບບ; ສ້າງແຜນການຂອງກະຊວງປ້ອງກັນປະເທດ ໄລຍະ 2026-2030 ປະຕິບັດມະຕິເລກທີ 05-NQ/TW ລົງວັນທີ 17 ມັງກອນ 2022 ຂອງກົມການເມືອງວ່າດ້ວຍການຈັດຕັ້ງກອງທັບປະຊາຊົນຫວຽດນາມ ໄລຍະ 2021-2030 ແລະຊຸມປີຕໍ່ໄປ; ສະເໜີຕໍ່ຄະນະປະຈຳຄະນະພັກການທະຫານສູນກາງກ່ຽວກັບນະໂຍບາຍສໍາລັບກຳລັງທີ່ເຂົ້າຮ່ວມການເດີນສວນສະໜາມ ແລະແຫ່ຂະບວນ...

ໂດຍ: ທະນາພອນ