    |
 |
|
ທ່ານພົນໂທ ຈິ້ງວັນກວຽດ ກ່າວຄໍາເຫັນຊີ້ນໍາທີ່ກອງປະຊຸມ. ພາບ: ມິງຕູ້. |
ປີ 2024, ຄະນະພັກ, ກອງບັນຊາການທະຫານເຂດ 4 ໄດ້ສົມທົບກັນຢ່າງແໜ້ນແຟ້ນກັບຄະນະພັກ, ອໍານາດການປົກຄອງທ້ອງຖິ່ນສຸມໃສ່ນໍາພາ, ຊີ້ນໍາການປະຕິບັດໜ້າທີ່ທຸກດ້ານໃຫ້ສຳເລັດ, ໃນນັ້ນຫຼາຍໜ້າທີ່ສໍາເລັດຢ່າງດີເດັ່ນ. ພົ້ນເດັ່ນແມ່ນໄດ້ຊາບຊຶມ, ຜັນຂະຫຍາຍການປະຕິບັດບັນດາມະຕິ, ຄໍາສັ່ງ, ຂໍ້ກໍານົດຂອງພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດກ່ຽວກັບໜ້າທີ່ການທະຫານ, ການປ້ອງກັນຊາດຢ່າງເຂັ້ມງວດ, ມີປະສິດທິຜົນ; ຮັກສາລະບຽບແບບແຜນ, ລະບອບກຽມພ້ອມສູ້ຮົບ, ອົບຮົມຫັດແອບ. ສົມທົບກັນຢ່າງແໜ້ນແຟ້ນກັບກໍາລັງຕໍາຫຼວດ, ທະຫານຊາຍແດນຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພໃນສັງຄົມ, ສ້າງເງື່ອນໄຂສະດວກໃຫ້ແກ່ການພັດທະນາເສດຖະກິດ-ສັງຄົມ. ຄະນະພັກ, ກອງບັນຊາການທະຫານເຂດ 4 ໄດ້ນໍາພາ, ຊີ້ນໍາບັນດາກໍາລັງປະຕິບັດການຝຶກຊ້ອມໃຫ້ສຳເລັດຢ່າງຈົບງາມ; ຕັ້ງໜ້າເຂົ້າຮ່ວມການສະກັດກັ້ນ, ຕ້ານ, ແກ້ໄຂຜົນຮ້າຍຢ້ອນຫຼັງຈາກໄພທໍາມະຊາດ; ຜັນຂະຫຍາຍມາດຕະການກໍ່ສ້າງກໍາລັງປະກອບອາວຸດທະຫານເຂດໃຫ້ໝັ້ນຄົງເຂັ້ມແຂງດ້ານການເມືອງ, ກໍ່ສ້າງກົມກອງໃຫ້ໝັ້ນຄົງເຂັ້ມແຂງຮອບດ້ານ, “ເປັນແບບຢ່າງ, ດີເດັ່ນ” ຢ່າງມີປະສິດທິຜົນ...
|
|
 |
|
ທ່ານພົນຕີ ຮ່າທໍ້ບິ່ງ ຮອງເລຂາຄະນະພັກ, ຜູ້ບັນຊາການທະຫານເຂດ 4 ກ່າວຄໍາເຫັນທີ່ກອງປະຊຸມ. ພາບ: ມິງຕູ້. |
|
|
 |
|
ທ່ານພົນຕີ ເຈິ່ນຫວໍຢຸ້ງ ເລຂາຄະນະພັກ, ຫົວໜ້າການເມືອງທະຫານເຂດ 4 ກ່າວຄໍາເຫັນສະຫຼຸບກອງປະຊຸມ. ພາບ: ມິງຕູ້. |
ກ່າວຄໍາເຫັນຊີ້ນໍາ, ທ່ານພົນໂທ ຈິ້ງວັນກວຽດ ຮັບຮູ້, ຍ້ອງຍໍຊົມເຊີຍໝາກຜົນ, ຜົນງານທີ່ຄະນະພັກ, ກອງບັນຊາການທະຫານເຂດ 4 ບັນລຸໄດ້ໃນປີ 2024. ເນັ້ນໜັກວ່າ ປີ 2025 ມີຄວາມໝາຍສໍາຄັນຍິ່ງ, ແມ່ນປີເລັ່ງຄວາມໄວ, ບຸກທະລຸ, ຕັດສິນໃຈປະຕິບັດສໍາເລັດໜ້າທີ່ຢ່າງມີໄຊ, ທ່ານພົນໂທ ຈິ້ງວັນກວຽດ ຮຽກຮ້ອງໃຫ້ທະຫານເຂດ 4 ສືບຕໍ່ຊາບຊຶມ, ຜັນຂະຫຍາຍການປະຕິບັດມະຕິສູນກາງ ຄັ້ງທີ 8 ຊຸດທີ XIII ວ່າດ້ວຍຍຸດທະສາດປົກປັກຮັກສາປະເທດຊາດໃນສະພາບການໃໝ່; ບັນດາມະຕິ, ຍຸດທະສາດ, ແຜນຮ່າງ, ກົດໝາຍວ່າດ້ວຍການທະຫານ, ການປ້ອງກັນຊາດ, ກົດໝາຍວ່າດ້ວຍປ້ອງກັນພົນລະເຮືອນຢ່າງຂ້ຽວຂາດ, ມີປະສິດທິຜົນ; ກໍານົດແຜນນະໂຍບາຍ, ມາດຕະການນໍາພາໃຫ້ໃກ້ຊິດກັບສະພາບການໜ້າທີ່ຂອງທະຫານເຂດ ແລະສະພາບຕົວຈິງຂອງບັນດາແຂວງ, ນະຄອນໃນບໍລິເວນ... ເປັນເຈົ້າການໃນການເປັນເສນາທິການ, ສະເໜີໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ ຜັນຂະຫຍາຍການປະຕິບັດວຽກງານພົວພັນຕ່າງປະເທດດ້ານປ້ອງກັນຊາດຢ່າງມີປະສິດທິຜົນ; ເພີ່ມທະວີການພົວພັນມິດຕະພາບ, ຄວາມສາມັກຄີລະຫວ່າງສອງປະເທດຫວຽດນາມ-ລາວ, ກໍ່ສ້າງເຂດຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະພັດທະນາ.
|
|
 |
|
ບັນຍາກາດທີ່ກອງປະຊຸມ. ພາບ: ມິງຕູ້. |
ທ່ານພົນໂທ ຈິ້ງວັນກວຽດ ໃສ່ໃຈວ່າ ຄະນະພັກທະຫານເຂດ 4 ຕ້ອງເອົາໃຈໃສ່ກໍ່ສ້າງອົງຄະນະພັກໃຫ້ປອດໃສ, ໝັ້ນຄົງເຂັ້ມແຂງ, ກໍ່ສ້າງຖັນແຖວພະນັກງານທຸກຂັ້ນ; ປະຕິບັດວຽກງານກະກຽມ ແລະຈັັດຕັ້ງກອງປະຊຸມໃຫຍ່ພັກທຸກຂັ້ນອາຍຸການ 2025-2030. ເພີ່ມທະວີວຽກງານການເມືອງແນວຄິດກວ່າອີກ, ປະຕິບັດວຽກງານສຶກສາອົບຮົມ, ໂຄສະນາເຜີຍແຜ່ໃຫ້ພະນັກງານ, ນັກຮົບ, ກ່ອນອື່ນໝົດແມ່ນຖັນແຖວພະນັກງານນໍາພາຮັບຮູ້ຢ່າງຄົບຖ້ວນ, ເລິກເຊິ່ງກ່ຽວກັບໜ້າທີ່ສ້າງສາ ແລະປົກປັກຮັກສາປະເທດຊາດ, ປັບປຸງການປ້ອງກັນຊາດໃນສະພາບການໃໝ່. ເອົາໃຈໃສ່ສຶກສາອົບຮົມໃຫ້ພະນັກງານ, ນັກຮົບໃນກໍາລັງປະກອບອາວຸດທະຫານເຂດກ່ຽວກັບແຜນນະໂຍບາຍໃໝ່, ບຸກທະລຸຂອງພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ.
ໂດຍ: ໄຊຊະນະ