    |
 |
|
ຜູ້ບັນຊາການກອງພົນນ້ອຍ 42 ຕໍາຫຼວດທະເລມອບຂອງຂວັນລະດົມກໍາລັງໃຈພະນັກງານ, ນັກຮົບກໍາປັ່ນຕໍາຫຼວດທະເລ 6009 ກ່ອນທີ່ເດີນທາງໄປປະຕິບັດໜ້າທີ່ເວນຍາມໃນໂອກາດບຸນເຕັດຢູ່ທະເລ. ພາບ: ດັ້ງທົ໊ງ |
ໃນຊຸມມື້ສຸດທ້າຍຂອງປີ, ເມື່ອທຸກຄົນຮີບຮ້ອນເຮັດວຽກງານສຸດທ້າຍເພື່ອກັບເມືອບ້ານເຕົ້າໂຮມກັບຍາດຕິພີ່ນ້ອງ, ຄອບຄົວນັ້ນ, ບັນດາພະນັກງານ, ນັກຮົບຢູ່ກໍາປັ່ນຕໍາຫຼວດທະເລ 6009 ກໍ່ຫ້າວຫັນກັບວຽກງານກະກຽມເດີນທາງໄປປະຕິບັດໜ້າທີ່ກຽມພ້ອມສູ້ຮົບ, ປ້ອງກັນ, ຕ້ານການຄ້າເຖື່ອນ, ສໍ້ໂກງການຄ້າ; ຕ້ານການຫາປາ IUU ໃນໂອກາດບຸນປີໃໝ່ປະຈໍາຊາດປີ 2025; ກຽມພ້ອມກູ້ໄພ-ກູ້ຊີບ, ຊ່ວຍເຫຼືອຊາວປະມົງທໍາມາຫາກິນຢູ່ທະເລໃນໂອກາດບຸນເຕັດ, ປະກອບສ່ວນປົກປັກຮັກສາອະທິປະໄຕທະເລ, ໝູ່ເກາະ, ຮັກສາຄວາມສະຫງົບສຸກໃຫ້ປະເທດຊາດເພື່ອໃຫ້ປະຊາຊົນຕ້ອນຮັບບຸນເຕັດດ້ວຍຄວາມເບີກບານມ່ວນຊື່ນ.
|
|
 |
|
ພະນັກງານ, ນັກຮົບກະກຽມເຄື່ອງໃຊ້ທີ່ຈຳເປັນເພື່ອເວນຍາມໂອກາດບຸນເຕັດຢູ່ທະເລ. ພາບ: ດັ້ງທົ໊ງ |
|
|
 |
|
ພະນັກງານ, ນັກຮົບ ປະດັບປະດາຫ້ອງຕ້ອນຮັບລະດູບານໃໝ່ຢູ່ໃນກໍາປັ່ນ. ພາບ: ດັ້ງທົ໊ງ |
ການເດີນທາງໄປທະເລແຕ່ລະຄັ້ງລ້ວນແຕ່ສ້າງຄວາມສະເທືອນໃຈໃຫ້ພະນັກງານ, ນັກຮົບແຕ່ລະຄົນ, ແຕ່ການເດີນທາງໄປທະເລໃນໂອກາດບຸນປີໃໝ່ປະຈຳຊາດຂອງຊາດຍັງຄວາມສະເທືອນໃຈ, ຄວາມຮູ້ສຶກອັນສັກສິດຫຼາຍຢ່າງ. ທ່ານຮ້ອຍເອກ ຫງວຽນວັນທັ໊ງ, ກັບຕັນເຮືອກໍາປັ່ນຕໍາຫຼວດທະເລ 6009 ແບ່ງປັນວ່າ: “ການປະຕິບັດໜ້າທີ່ຢູ່ທະເລແມ່ນຄວາມເປັນກຽດ ແລະຄວາມເອກອ້າງທະນົງໃຈຂອງນັກຮົບກໍາປັ່ນຕໍາຫຼວດທະເລແຕ່ລະຄົນ. ສະນັ້ນ, ພະນັກງານ, ນັກຮົບແຕ່ລະຄົນລ້ວນແຕ່ຕັ້ງໜ້າເຂົ້າຮ່ວມການກະກຽມໃນທຸກດ້ານໃຫ້ດີ. ນອກຈາກນັ້ນ, ເພື່ອຕ້ອນຮັບບຸນເຕັດຢ່າງເບີກບານມ່ວນຊື່ນ, ອົບອຸ່ນ, ພວກຂ້າພະເຈົ້າ ໄດ້ກະກຽມເຄື່ອງໃຊ້ທີ່ຈຳເປັນເພື່ອເຮັດໃຫ້ບັນຍາກາດຕ້ອນຮັບບຸນເຕັດຢູ່ກໍາປັ່ນເຕັມໄປດ້ວຍຄວາມອົບອຸ່ນ, ມ່ວນຊື່ນຄືຢູ່ໃນບ້ານ”.
ທ່ານພັນເອກ ຫວູດີ່ງງ່າ, ຮອງຫົວໜ້າການເມືອງກອງພົນນ້ອຍ 42 ຕໍາຫຼວດທະເລ ແບ່ງປັນວ່າ: “ໂດຍຮັບຮູ້ວ່າ ໜ້າທີ່ເວນຍາມໃນໂອກາດບຸນເຕັດຢູ່ທະເລແມ່ນໜ້າທີ່ການເມືອງທີ່ສຳຄັນ ແລະມີຄວາມໝາຍ, ປະກອບສ່ວນປົກປັກຮັກສາອະທິປະໄຕທະເລ, ໝູ່ເກາະ, ຮັກສາຄວາມສະຫງົບສຸກເພື່ອໃຫ້ປະຊາຊົນໄດ້ຕ້ອນຮັບບຸນເຕັດໃນຄວາມສັນຕິສຸກ”, ສະນັ້ນ, ພາຍຫຼັງຮັບໜ້າທີ່, ຄະນະພັກ, ຜູ້ບັນຊາການກອງພົນນ້ອຍ 42 ຕໍາຫຼວດທະເລ ໄດ້ຊາບຊຶມຜັນຂະຫຍາຍໜ້າທີ່ລະອຽດໃຫ້ຄະນະພັກ, ຜູ້ບັນຊາການກໍາປັ່ນຕໍາຫຼວດທະເລ 6009; ພ້ອມທັງລະດົມກໍາລັງໃຈພະນັກງານ, ນັກຮົບຢູ່ກໍາປັ່ນສ້າງເຈດຈໍານົງຕັດສິນໃຈ, ກຳນົດໜ້າທີ່ເປັນຢ່າງດີ, ຕັ້ງໜ້າເຮັດວຽກງານກະກຽມທຸກດ້ານໃຫ້ດີ, ຮັບປະກັນເງື່ອນໄຂດີທີ່ສຸດໃຫ້ແກ່ໜ້າທີ່ເວນຍາມໂອກາດບຸນເຕັດຢູ່ທະເລໃນຫຼາຍວັນ”.
ກ່ອນເວລາກໍາປັ່ນອອກເດີນທາງໄປປະຕິບັດໜ້າທີ່, ຜູ້ບັນຊາການກອງພົນນ້ອຍ 42 ຕໍາຫຼວດທະເລພ້ອມກັບຜູ້ບັນຊາການບັນດາອົງການ, ກົມກອງໄດ້ຈັດຕັ້ງການຢ້ຽມຢາມຖາມຂ່າວ, ລະດົມກໍາລັງໃຈ, ອວຍພອນບຸນເຕັດໃຫ້ພະນັກງານ, ນັກຮົບກໍາປັ່ນຕໍາຫຼວດທະເລ 6009. ຕາງໜ້າຄະນະປະຈຳຄະນະພັກກອງພົນນ້ອຍ 42 ຕໍາຫຼວດທະເລ, ທ່ານພັນເອກ ເລດຶ໊ກຕວ໊ນ, ຫົວໜ້າກອງພົນນ້ອຍ 42 ຕໍາຫຼວດທະເລໄດ້ຊາບຊຶມໜ້າທີ່, ລະດົມກໍາລັງໃຈພະນັກງານ, ນັກຮົບກ່ອນທີ່ຈະເດີນທາງ.
ທ່ານພັນເອກ ເລດຶ໊ກຕວ໊ນ ຕີລາຄາວ່າ ກໍາປັ່ນຕໍາຫຼວດທະເລ 6009 ໄດ້ເຮັດວຽກງານກະກຽມເປັນຢ່າງດີ, ເປັນຕົ້ນແມ່ນເຄື່ອງຈັກ, ອາວຸດຍຸດໂທປະກອນ, ອາຫານ, ຢາ ແລະວັດຖຸອຸປະກອນທີ່ຈຳເປັນເພື່ອຮັບໃຊ້ບຸນປີໃໝ່ປະຈໍາຊາດປີ 2025, ເພື່ອໃຫ້ທະຫານຕ້ອນຮັບບຸນເຕັດຢູ່ທະເລຢ່າງເບີກບານມ່ວນຊື່ນ, ອົບອຸ່ນຄືຢູ່ກັບຄອບຄົວ”. ທ່ານພັນເອກ ເລດຶ໊ກຕວ໊ນ ກໍ່ໄດ້ຮຽກຮ້ອງພະນັກງານ, ນັກຮົບຢູ່ກໍາປັ່ນຕໍາຫຼວດທະເລ 6009 ຍົກສູງຈິດໃຈສາມັກຄີ, ແກ້ໄຂຄວາມຫຍຸ້ງຍາກ, ຍົກສູງຄວາມຮັບຜິດຊອບ, ຍາມໃດກໍ່ມີສະຕິລະວັງຕົວ, ກຽມພ້ອມຮັບ ແລະປະຕິບັດສຳເລັດທຸກໜ້າທີ່ທີ່ໄດ້ຮັບການມອບໝາຍ, ເປັນຕົ້ນແມ່ນໃນໂອກາດບຸນປີໃໝ່ປະຈໍາຊາດ.
ໂດຍ: ເຈິ່ນຮວ່ຽນ