    |
 |
|
ທ່ານພົນເອກ ຫງວຽນເຕິນເກືອງ ກ່າວຄໍາເຫັນຊີ້ນໍາກອງປະຊຸມ. ພາບ: qdnd.vn |
ປີ 2024, ຄະນະພັກ, ຄະນະນໍາຄະນະກົດລັບລັດຖະບານ ຍາມໃດກໍເປັນເຈົ້າການຄົ້ນຄວ້າ, ກໍາແໜ້ນສະພາບການ, ເປັນເສນາທິການໃຫ້ພັກ, ລັດ, ຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ໃນການນໍາພາ, ຊີ້ນໍາ, ຄຸ້ມຄອງລັດກ່ຽວກັບກົດລັບຢ່າງທັນການ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ໃນສະພາບການໃໝ່ໃຫ້ເປັນຢ່າງດີ; ສຸມໃສ່ນໍາພາ, ຊີ້ນໍາປະຕິບັດມະຕິຂອງກົມການເມືອງ ວ່າດ້ວຍຍຸດທະສາດພັດທະນາຂະແໜງກົດລັບຫວຽດນາມ ຮອດປີ 2030, ກໍານົດທິດຮອດປີ 2045 ຢ່າງມີປະສິດທິຜົນ; ບັນດາໂຄງການ, ແຜນຮ່າງ ແລະບັນດາໜ້າທີ່ ທີ່ໄດ້ກໍານົດ...
|
|
 |
|
ທ່ານພົນຈັດຕະວາ ຫງວຽນດັງລຶກ ເລຂາຄະນະພັກ, ຮອງຫົວໜ້າຄະນະກົດລັບລັດຖະບານ ເປັນປະທານກອງປະຊຸມ. ພາບ: qdnd.vn |
ກ່າວຄໍາເຫັນຊີ້ນໍາທີ່ກອງປະຊຸມ, ທ່ານພົນເອກ ຫງວຽນເຕິນເກືອງ ຮັບຮູ້, ຕີລາຄາສູງບັນດາໝາກຜົນທີ່ບັນລຸໄດ້ຂອງຄະນະກົດລັດລັດຖະບານ ໃນປີ 2024. ເພື່ອປະຕິບັດໜ້າທີ່ໃນປີ 2025 ໄດ້ຢ່າງມີໄຊ ດ້ວຍໝາກຜົນສູງທີ່ສຸດ, ທ່ານພົນເອກ ຫງວຽນເຕິນເກືອງ ຮຽກຮ້ອງໃຫ້ຄະນະພັກ, ຄະນະນໍາຄະນະກົດລັບລັດຖະບານ ສືບຕໍ່ນໍາພາ, ຊີ້ນໍາ, ປະຕິບັດສໍາເລັດໜ້າທີ່ເປັນເສນາທິການໃຫ້ພັກ, ລັດ, ຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ກ່ຽວກັບວຽກງານກົດລັບ, ຕອບສະໜອງຄວາມຮຽກຮ້ອງຕ້ອງການຮັບປະກັນຄວາມລັບ, ຄວາມປອດໄພ, ຖືກຕ້ອງຢ່າງເດັດຂາດ, ລາຍງານຂໍ້ມູນຢ່າງທັນການ ເພື່ອຮັບໃຊ້ໃຫ້ແກ່ການນໍາພາຂອງພັກ, ການຄຸ້ມຄອງ, ການບໍລິຫານຂອງລັດ, ການຊີ້ນໍາ, ບັນຊາກໍາລັງປະກອບອາວຸດຂອງຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ, ບໍ່ປະໃຫ້ຕົກຢູ່ໃນທ່າຮັບ, ບັງເອີນ.
|
|
 |
|
ທ່ານພົນຕີ ຫວູຫງອັກທ່ຽມ ຮອງເລຂາຄະນະພັກ, ຫົວໜ້າຄະນະກົດລັບລັດຖະບານ ກ່າວຄໍາເຫັນທີ່ກອງປະຊຸມ. ພາບ: qdnd.vn |
ສຸມໃສ່ຊີ້ນໍາກອງປະຊຸມໃຫຍ່ຂອງພັກ ທຸກຂັ້ນ ແລະຈັດຕັ້ງສໍາເລັດກອງປະຊຸມໃຫຍ່ຜູ້ແທນອົງຄະນະພັກຄະນະກົດລັບລັດຖະບານ ຄັ້ງທີ XI, ສ້າງປະຖົມປັດໄຈອັນໜັກແໜ້ນ ເພື່ອກ້າວສູ່ໄລຍະບືນຕົວຂຶ້ນໃນການກໍ່ສ້າງຄະນະກົດລັບລັດຖະບານ, ຂະແໜງກົດລັບຫວຽດນາມ ປະຕິວັດ, ເປັນກໍາລັງຫຼວງ, ທັນສະໄໝຕາມມະຕິຂອງກົມການເມືອງ, ປະກອບສ່ວນປົກປັກຮັກສາປະເທດຊາດ ໄວ້ຢ່າງໝັ້ນຄົງ, ຮັກສາສະພາບແວດລ້ອມສັນຕິພາບ, ສະຖຽນລະພາບ ເພື່ອໃຫ້ປະເທດກ້າວສູ່ສັງກາດໃໝ່, ສັງກາດບືນຕົວຂຶ້ນຂອງຊົນຊາດຫວຽດນາມ.
|
|
 |
|
ບັນດາຜູ້ແທນເຂົ້າຮ່ວມກອງປະຊຸມອອກມະຕິນໍາພາປະຕິບັດໜ້າທີ່ປີ 2025 ຂອງຄະນະພັກຄະນະກົດລັບລັດຖະບານ. ພາບ: qdnd.vn |
ພ້ອມທັງເອົາໃຈໃສ່ກໍ່ສ້າງ ແລະສ້າງຕັ້ງກຸ່ມຊ່ຽວຊານຕອບສະໜອງບັນດາໜ້າທີ່ພິເສດກ່ຽວກັບກົດລັບ ແລະຮັກສາຄວາມປອດໄພດ້ານຂໍ້ມູນຂ່າວສານ, ຢັ້ງຢືນຖານະບົດບາດ, ທີ່ຕັ້ງ, ພູມປັນຍາຂອງຄົນຫວຽດນາມ; ຄົ້ນຄວ້າ, ສະເໜີຂັ້ນທີ່ມີສິດອໍານາດເປີດລະຫັດຂະແໜງການໃໝ່, ລົງທຶນໃຫ້ແກ່ວຽກງານການສຶກສາ ແລະກໍ່ສ້າງຢ່າງເໝາະສົມ, ຮັບປະກັນແຫຼ່ງຊັບພະຍາກອນມະນຸດ ຕອບສະໜອງຄວາມຮຽກຮ້ອງຕ້ອງການ, ໜ້າທີ່ຂອງຂະແໜງກົດລັບໃນສະພາບການໃໝ່.
ໂດຍ: ໄຊຊະນະ