ບັນດາກໍາປັ່ນຂອງທະຫານເຮືອເຂດ 3 ເດີນທາງໄປເຮັດໜ້າທີ່ປະຈໍາການໃນທະເລ ເນື່ອງໃນໂອກາດບຸນປີໃໝ່ປະຈໍາຊາດ 2025
ກປ.ອອນໄລ - ຕອນເຊົ້າວັນທີ 6 ມັງກອນ, ຄະນະປະຕິບັດງານຂອງກອງບັນຊາການທະຫານເຮືອເຂດ 3 ນໍາໂດຍທ່ານພັນເອກພິເສດ ຟ້າມກວາງວິງ ຮອງຜູ້ບັນຊາການທະຫານເຮືອ ເຂດ 3 ໄດ້ໄປຢ້ຽມຢາມ, ລະດົມກໍາລັງໃຈ, ອວຍພອນບຸນເຕັດ ບັນດາກໍາປັ່ນ ກ່ອນທີ່ຈະອອກເດີນທາງໄປປະຕິບັດໜ້າທີ່ປະຈໍາການຢູ່ເຂດຈຸດສຸມ, ລາດຕະເວນ, ຄວບຄຸມ, ປົກປ້ອງເຂດຫາປາ, ປະຕິບັດຄໍາສັ່ງເລກທີ 45 ຂອງນາຍົກລັດຖະມົນຕີ ໃນໂອກາດບຸນປີໃໝ່ປະຈໍາຊາດ ປີມະເສັງ 2025.
    |
 |
|
ທ່ານພັນເອກພິເສດ ຟ້າມກວາງວິງ ລະດົມກໍາລັງໃຈພະນັກງານ, ນັກຮົບບັນດາກໍາປັ່ນທີ່ຈະເດີນທາງໄປປະຕິບັດໜ້າທີ່ປະຈໍາການໃນໂອກາດບຸນເຕັດຢູ່ທະເລ. ພາບ: ຮວ່າງຢ້ຽວ. |
ທີ່ບັນດາກໍາປັ່ນ, ຄະນະປະຕິບັດງານ ໄດ້ດໍາເນີນການກວດກາວຽກງານກະກຽມບຸກຄະລາກອນ, ພື້ນຖານວັດຖຸ, ຮັບປະກັນອາວຸດຍຸດໂທປະກອນເຕັກນິກ ແລະສົ່ງຄໍາຢ້ຽມຢາມຖາມຂ່າວ, ລະດົມກໍາລັງໃຈ, ອວຍພອນປີໃໝ່ປີມະເສັງ 2025 ເຖິງພະນັກງານ, ນັກຮົບບັນດາກໍາປັ່ນທີ່ຈະເດີນທາງໄປເຮັດໜ້າທີ່ປະຈໍາການໃນໂອກາດບຸນເຕັດ ຢູ່ທະເລ.
|
|
 |
|
ຄະນະປະຕິບັດງານ ມອບຂອງຂວັນ, ລະດົມກໍາລັງໃຈພະນັກງານ, ນັກຮົບກໍາປັ່ນ 629, ກອງພັນ 311, ກອງພົນນ້ອຍ 161, ທະຫານເຮືອ ເຂດ 3. ພາບ: ຮວ່າງຢ້ຽວ. |
ທ່ານພັນເອກພິເສດ ຟ້າມກວາງວິງ ຮອງຜູ້ບັນຊາການທະຫານເຮືອ ເຂດ 3 ໄດ້ແບ່ງປັນຄວາມຫຍຸ້ງຍາກລໍາບາກປະຕິບັດໜ້າທີ່ໃນເງື່ອນໄຂພາຍຸລົມແດງ, ລະດູທະເລຄະນອງ, ໄກຄອບຄົວໃນໂອກາດບຸນປີໃໝ່ປະຈໍາຊາດຂອງພະນັກງານ, ນັກຮົບບັນດາກໍາປັ່ນ ແລະເຊື່ອໝັ້ນວ່າ ດ້ວຍການເອົາໃຈໃສ່ຂອງການນໍາ, ຜູ້ບັນຊາທຸກຂັ້ນ ພ້ອມດ້ວຍບົດຮຽນປະສົບການ, ການຕັດສິນໃຈ, ສາມັກຄີສະໜິດຕິດພັນ, ພະນັກງານ, ນັກຮົບບັນດາກໍາປັ່ນ ຈະຜ່ານຜ່າຄວາມຫຍຸ້ງຍາກລໍາບາກ, ປະຕິບັດສໍາເລັດໜ້າທີ່ຢ່າງດີເດັ່ນ, ເພື່ອພ້ອມກັບບັນດາກໍາລັງປົກປັກຮັກສາລະດູບານໃໝ່ໃຫ້ປະເທດໄວ້ຢ່າງສະຫງົບສຸກ.
|
|
 |
|
ກໍາປັ່ນ 629, ກອງພັນ 311, ກອງພົນນ້ອຍ 161, ທະຫານເຮືອເຂດ 3 ອອກຈາກທ່າກໍາປັ່ນເດີນທາງໄປປະຕິບັດໜ້າທີ່. ພາບ: ຮວ່າງຢ້ຽວ. |
ຜູ້ບັນຊາບັນດາກໍາປັ່ນ ທີ່ເຮັດໜ້າທີ່ປະຈໍາການຢູ່ທະເລໃນໂອກາດບຸນເຕັດ ກໍໄດ້ລາຍງານວຽກງານກະກຽມທຸກດ້ານຂອງກໍາປັ່ນກັບຄະນະປະຕິບັດງານ, ພ້ອມທັງສົ່ງຄໍາອວຍພອນປີໃໝ່ມາຍັງການນໍາກອງບັນຊາການທະຫານເຮືອ ເຂດ 3, ການນໍາ, ຜູ້ບັນຊາການທຸກຂັ້ນ ພ້ອມດ້ວຍຄອບຄົວ ແລະໃຫ້ຄໍາໝັ້ນສັນຍາວ່າ ພະນັກງານ, ນັກຮົບ ຈະຍົກສູງສະຕິລະວັງຕົວຢູ່ສະເໝີ, ກຽມພ້ອມສູ້ຮົບສູງ, ຄຸ້ມຄອງ, ຄວບຄຸມ, ກໍາແໜ້ນສະພາບການ, ບໍ່ປະໃຫ້ຕົກຢູ່ໃນທ່າຮັບ, ບັງເອີນໃນທຸກກໍລະນີ, ສົມກັບຄວາມເຊື່ອໝັ້ນ, ຄວາມຄາດຫວັງຂອງການນໍາທຸກຂັ້ນ.
|
|
 |
|
ກໍາປັ່ນ 629, ກອງພັນ 311, ກອງພົນນ້ອຍ 161, ທະຫານເຮືອ ເຂດ 3 ອອກຈາກທ່າກໍາປັ່ນເດີນທາງໄປປະຕິບັດໜ້າທີ່. ພາບ: ຮວ່າງຢ້ຽວ. |
ເນື່ອງໃນໂອກາດນີ້, ຄະນະປະຕິບັດງານ ໄດ້ມອບຂອງຂວັນບຸນເຕັດຂອງການນໍາກອງບັນຊາການທະຫານເຮືອ ເຂດ 3, ການນໍາບັນດາກົມກອງ ແລະຂອງສະໂມສອນ “ໄວໜຸ່ມເພື່ອທະເລໝູ່ເກາະບ້ານເກີດເມືອງນອນ” ໃຫ້ພະນັກງານ, ນັກຮົບບັນດາກໍາປັ່ນ ເດີນທາງໄປເຮັດໜ້າທີ່ປະຈໍາການຢູ່ທະເລ ເນື່ອງໃນໂອກາດບຸນເຕັດ.
ໂດຍ: ກວຽດເຕິມ